1.
Da seet en ool Uul in de Eck un klabüster sik. Do keem so'n Lirumlarumpimpensläger un sloog de Uul op ęren Plattfoot. »J«, seggt de Uul, »wat sleist du mi? Kann ik hier nich sitten un klabüstern mi?«
649. Doentjen.
2.
Da weer mal en ool Buer un en ool Uul. De Buer de seet in de ene Eck, un de Uul seet in de ander Eck, un de Buer seeg de Uul an un de Uul seeg den Buern an.
3.
Da weer mal en Buer, de plög sien Dęl. Do fünn he niks as en stuufsteert Muus. Harr de Muus en länger Steert hatt, weer mien Geschicht ook länger west.
4.
»Jung, wat maakst du dar?« Still, uns Weert, ik fang Müs. »Hest denn all welke?« Ja, uns Weert, wenn ik disse heff, wo ik up luer, un denn noch een, denn heff ik twee.
5.
En Jung schull mal hen na den Hœcker un Seep un Solt halen. Do sä he ümmer vœr sik hen Seep un Solt. He seeg awer nich na sien Föt un so full he œwer'n Bonenstang. »Donnerwe'r, Tran un Teer«, sä he, un bleev nu ook bi Tran un Teer.
6.
Dar weer mal en Mann, de harr dree Sœns. De ene heet Schack, de ander heet Schackschawwerak, de drütte heet Schackschawwerakschakkonimmini. Nu weer dar ook en Fru, de harr dree Döchter. De ene heet Sipp, de ander Sippsiwwelipp, de drütte heet Sippsiwwelippsippelimmini; un Schack kreeg Sipp, un Schackschawwerak kreeg Sippsiwwelipp, un Schackschawwerakschackonimmini kreeg Sippsiwwelippsippelimmini.
- License
-
Der annotierte Datenbestand der Digitalen Bibliothek inklusive
Metadaten sowie davon einzeln zugängliche Teile sind eine Abwandlung
des Datenbestandes von www.editura.de durch TextGrid und werden
unter der Lizenz Creative Commons Namensnennung 3.0 Deutschland
Lizenz (by-Nennung TextGrid) veröffentlicht. Die Lizenz bezieht sich
nicht auf die der Annotation zu Grunde liegenden allgemeinfreien
Texte (Siehe auch Punkt 2 der Lizenzbestimmungen).
Link to license
- Citation Suggestion for this Edition
- TextGrid Repository (2012). Müllenhoff, Karl. 649. Doentjen. Digitale Bibliothek. https://hdl.handle.net/11858/00-1734-0000-0004-4C58-5