[11] En Breef
Ik kreeg Jüm Breef bi gude Gesundheit,
Un seeg, wa't all bi Jüm noch rund geit,
Wa't mit de Koh un mit de Hund steit
Un mit dat Pęrd,
Un dat Anntrin noch jümmer de Mund geit
Asn Lammersteert.
Jüm schrivt mi, dat dat Korn gut stan deit,
Un dat Jüm lütt Jan Paul al gan deit,
Un dat Jüm Psepter de Junges slan deit,
As weert nix Guds,
Un dat Jan Discher bi Jüm wahn' deit
Int Achterhus.
[12]
Plünn Antje hett mi letz de Breef broch,
Un hett mi seggt, de Püttjer lęv noch,
Un sin Jan Hinnerk weer de Sleef noch
Vun fröher her,
Un all dat Nies, wat sunsten gev noch
Vun Em und Ęr.
Dat 's ditmal Allens, wat ik węten do,
Opn anner Mal mehr, wenn'k wat vergęten do;
Plünn Antje bringt ok noch en Bęten to
Jan Paul sin Mund.
Gott gęv Jüm, wat ik wünsch un będen do:
Blivt All gesund.