Recht findet sich.
Also erbar vnd auffrichtig sein vnsere vorfahren vnnd alte Teutschen / dz sie das recht auffs end des glücks gestelt haben / als das da mit dem außgang bestettigt /was recht vnd vnrecht sei gewesen. Mann braucht diß wort zum spil / so einer sagt / er hab es gewunnen /vnd steht doch im zweifel / so beflicht mans dem recht vnnd dem außgang des rechten / vnnd spricht: Recht wirt sich finden.
Denn mann helts dafür / der gewinne es dennoch /der zuuor recht daran gehabt hat.