Varāhamihira: Yogayātrā

yaś cakṣur jagataḥ sahasrakarabad dhāmnāṃ ca dhāmā 'rkavan
mokṣadvāram apāvṛttaṃ ca ravivad dhvāntāntakṛt sūryavat/
ātmā sarvaśarīriṇāṃ savitṛvat timāṃśuvat kālakṛt
sādhvīṃ naḥ sa giraṃ karotu savitā yo 'anyair atulyopamaḥ// YY_1.1

vakṣyāmi bhūpam adhikṛtya guṇopapannaṃ
vijñātajanmasamayaṃ pravibhktabhāgyam/
ajñātasūtim athavā 'viditaiṣya bhāgyaṃ
sāmudrayātrikanimittaśataiḥ pṛthūktaiḥ// YY_1.2

karma 'nyajanmajanitaṃ[K.nyajanmani kṛtaṃ] sad asac ca daivaṃ
tat kevalaṃ bhavati janmani satkulādye/
bālyāt paraṃ vinayasauṣṭhavapātratā ca[K.'pi]
puṃdaivajā kṛṣivad ity upapādyam etat[K.ata udyameta]// YY_1.3

sāmantakālayasu[K.vasu]dhodyamamantrabhṛtyair
daivena ceti kṛṣivan nṛpateḥ phalāptiḥ/
syāc chidram ekam api cet tata eva sarvaṃ
nāśaṃ prayāti hi dṛteḥ sravaṇād[K.dṛteś caraṇād] iva 'mbhaḥ// YY_1.4

graharkṣatithyudgamarāśihorā
dreṣkāṇabhāgādyanukūlamātram/
bhaved yiyāsor yadi siddhihetuḥ
svayaṃ bhaved daivavid eva rājā// YY_1.5

mantrābhiṣekamaṇibandhanaśāntikarma
homopavāsasurayāgajapādimātram/
syāt siddhihetur atha ced vijagīāato[K.vijigīṣato] 'rīṇ
kasmāt tadā narapatir na bhavet purodhāḥ// YY_1.6

budhārthaśāstrāṇy[K.buddhvā 'rthaśāstrāṇy] api mantriṇo 'pi
kuyuḥ praṇāmaṃ na nareśvarāṇām/
yady ābhijātyadvipavājipatti
kośādyapekṣā na bhavet pradhānā// YY_1.7

svadeśe santuṣṭaḥ karituragakośe sati na yo
bhaved yāyī saindhaiḥ[K.so 'nyaiḥ] kṛtaparibhavo yāti vilayam/
svacakreṇaiva 'sau kṣapitadhanarāṣṭro bhavati vā/
gato yo nādatte[K.'nyān ādatte] sunayacarito nītividhūrān// YY_1.8

ulūkasya dhvāṃkṣo niśi valibhujāṃ so 'hni vaśagaḥ
sthale nakraṃ siṃho mṛgapam udke hanti jalajaḥ/
abudhyā yaḥ kālaṃ vrajati nṛpatir deśam athavā[K.omitted]
hate darpe vākyaṃ smarati viduṣāṃ so 'rivaśagaḥ//[K.this lline omitted] YY_1.9

ripoḥ kṛtvā 'vajñāṃ jitam iti viditvā madabalān
na yatno hātavyaḥ śikhiviṣasamo 'lpo 'pi hi ripuḥ/
pramatto 'dreḥ kuñjād ayutabalabhāgair api narair
hato baddhastambhe kakhati[K.baddhaḥ stambhekaṣati] madalekhāṃ dvipapatiḥ// YY_1.10

vapraprākārayantrapraharaṇaparikhātoya*meyendhanāḍhyaṃ[K.dhānyendhanāḍhyaṃ
durgaṃ kṛtvā ''tmagupataṃ[K.''tmagulma] dvipaturagabhiṣakśilpiviprābhyupetam/
lubdhatrastābhimāniprakupitakubhṛtāṃ jñātaśīlair vihīnaṃ
kṛtvā śūrāptasaṃsthaṃ paraviṣayam iyāc chuddhapārṣṇir narendraḥ// YY_1.11

budhvā śaktiṃ svaparabalayoḥ sāmam ekapradānaiḥ[K.sāmabhekapradānaiḥ]
kṛtvopāyair vyasanasamaropāyasaṃrakṣaṇaiś[K.gamanasamaropāyasaṃsarpaṇaiś] ca/
bhaktyā[K.sāmnā] sādhūn dhanavirahitān arthalubdhāṃś ca dānair
neyād[K.bhedyān] bhedais tribhir api na ye sādhayet tāṃś ca daṇḍaiḥ// YY_1.12

sāmno jīvaḥ sabhṛgutanayo daṇḍanāthau kujārkau
dānasyenduḥ śikhiyamabudhāḥ sāsurā bhedanāthāḥ/
vīryopetair upacayakarair lagnagair vīryagair[K.kendragair] vā
tat tat siddhiṃ vrajati tad ahaḥsv āṃśakair[K.aṃśake] vāpi teṣāṃ// YY_1.13

ṣāḍguṇye sandhir ādau paripaṇaracito vigraho 'syāpakārī[K.'syapākāro]
naitau ced āsanaṃ tat parapuragamanaṃ sarvasaineyna yānam/
sainyārddhenābhiyukte parapuram api yat tad dvidhāyānam uktaṃ
saṃśleṣo 'nyatra yaḥ syāt sa khalu nigaditaḥ saṃśrayo 'nyo[K.'ntyo] guṇānam// YY_1.14

madhyāhne 'rkas tuhinakiraṇo nityam ākrandasaṃjñaḥ
pauraḥ pūrve bhavati dinakṛd yāyisaṃjño 'ntyasaṃsthāḥ[K.'ntyasaṃsthaḥ]/
jīvaḥ sauris[K.sauras] tuhinakiraṇāsyātmajaś ceti paurāḥ
ketur yāyī sabhṛgujakujaḥ siddhikānandanaś ca// YY_1.15

yānaṃ yāyibhir āsanaṃ śubhakarair vīryānvitair nāgarair
dvaidhībhāvam iyād yadā śubhakarāḥ paurāḥ sayāyigrahāḥ/
saumyaiḥ sandhir asadgrahaiś ca balibhir yuddhe 'nukūlair jayaḥ
sarvair apy aśubhapradair narapatir daivāmbitaṃ saṃśrayet// YY_1.16

kośo hi rājyatarumūlam ato 'sya śākhāḥ
pakṣī vipakṣa iva kiṃ nidhanaḥ[K.vidhanaṃ] karoti/
annād ivendriyagaṇo vasutas tathā 'nnaṃ
tatprāptirakṣaṇavivṛddhiṣu yatnavān syāt// YY_1.17

nīcācirāḍhyanṛpavallabhataskarebhyo
rāṣṭraṃ nṛpeṇa parirakṣyam ato 'sya kośaḥ/
kāle karapraṇayanaṃ ca yathocitānāṃ
tan[K.taṃ] nārthayed bhavati yena janāpavādaḥ// YY_1.18

yātrā nṛpasya śaradīṣṭaphalā madhau ca
chidre ripor na niyamo 'sti[K.'tra] ca kecid āhuḥ/
chidre 'py arer bhavati daivayutasya siddhiḥ
sāmānyam āmiṣam idaṃ pratibhūmipānām// YY_1.19

śatror vadhāya sacivaṃ śubhadaivayuktam
ājñāpayen nṛpatir ātmani daivahīne/
jahyān na cārtham ati[K.api] daivaparo 'pi bhūtvā
dṛṣṭe dvipe dvipapadānusṛtiḥ kim artham// YY_1.20

kālo 'bhyupaiti sakṛd eva naraṃ kathaṃcit
prāpnoti tan na samayaṃ[K.sa punaḥ] khalu kālakāṃksī/
kālena gocaragatān anapekṣya bhakṣyān
mandakramo 'py ajagaraḥ samupaiti siddhim// YY_1.21

durgasthitaṃ phalam apakvam analpayatnāt[K.analpayatnaṃ]
saṃsiddhim apy upakaroti guṇaṃ na puṃsām/
sādhāraṇaṃ svapatitaṃ ca bhaved yato 'taḥ
kāle 'bhiyuktapatitaṃ rasavat sukhāya//E22 YY_1.22

raktāsitādyā hi yathāmbarasya varṇāḥ sitasyaiṣa bhavanti samyak/
vilagnatithyādiguṇās tathaiva viśuddhadoṣasya bhavanti yātuḥ// YY_2.1

madyāṅganāvāditanṛtyagītāny akṣā vṛthādyā[K.vṛthāṭyā] mṛgayā dyunidrā/
parokṣanindeti ca kāmajāni daśaiva vindyād[K.vidyād] vyasanāni puṃsām// YY_2.2

vākpāruṣyaṃ daṇḍapāruṣyam īrṣyāṃ[K.īrṣyā] droho 'sūyā paiśunaṃ sāhasañ ca/
arthasyoktaṃ dūṣaṇaṃ ca 'ṣṭasaṃkhyaḥ krodhodbhūto varga eṣa pradiṣṭaḥ/ YY_2.3

mahad idam anayānām āspadaṃ madyam āhus tanudhanamatisattvaśreyasāṃ karṣaṇāya/
samupahatamatiḥ san[K.saṃs] tatpradhānendriyatvād gaṇayati na hi bhakṣyābhakṣyam anyāni caivam// YY_2.4

patnīyaty api mātaraṃ madavaśāt patnīṃ ca mātrīyati
śvabhrīyaty api mandiraṃ ślathaśilaṃ kūpaṃ ca gehīyati/
svalpaṃ vāry udadhīyatīśvaram apāṃ mohāt sthalīyaty api
mitrīyaty api pārthivaṃ kim aparaṃ kuryān na yan madyapaḥ// YY_2.5

bhūyo 'pi dīvyati jito jayalipsayaiva prāpnoti tac ca saviśeṣataraṃ kadācit/
kṛtvā 'priyāṇi madataḥ parito 'py aṭanti[K.paritapya cānte] bhūyaḥ[K.bhūpaḥ] pivet kim api doṣaviśeṣakāṃkṣī// YY_2.6

abhyāgamotsavabhiṣagvacanopadeśaiḥ kāmaṃ pibed amatilopakṛd aprakāśam[K.āprakāmam]/
dyūtaṃ vinendriyasukhāni hitāni yuktyā vijñasya[K.śūnyaṃ hi] jīvitaphalaṃ viṣayair vinā kim// YY_2.7

śaucācāravivarjitaḥ śava iva tyaktaḥ suhṛdbāndhavair
niśśaṅko nirapatrapo gataghṛṇaḥ kṛcchrād avāptāśanaḥ/
bandhur nāsya nibandhanaṃ na śapatho lokadvayaṃ nekṣyate
māyāvī kulapāṃśalaś ca kitavo doṣākaro[K.doṣārṇavo] niḥsukhaḥ// YY_2.8

daivajñamantrisuhṛdāptavacāṃsi rājā yo na ''driyen nijaviceṣṭitaduṣṭabuddhiḥ[K.driyet svamaticeṣṭitaduṣṭabuddhiḥ]/
so 'gremareṇa[K.sannāyakena] rahito 'ndha iva 'cireṇa hāsyatvam eti patito viṣaye ripūṇām// YY_2.9

medhāvī matimān adīnavacano dakṣaḥ kṣamāvān ṛjur
dharmātmāpy[K.dharmātmā tv] anasūyako laghukaraḥ ṣāḍguṇyavic chaktimān/
utsāhī pararandhravit kṛtadhṛtir vṛddhikṣayasthānavit
śūro na vyasanī smaraty upakṛtiṃ[K.upakṛtaṃ] vṛddhopasevī ca yaḥ// YY_2.10

parīkṣyakārī na vikasthanaś[K.vikatthanaś] ca dṛḍhapatijño 'tidṛḍhapahārī/
jitendriyaḥ syāj jitakopalobhanidrālasasthānaparigrahaś ca// YY_2.11

tyāgī vinītaḥ priyadarśanaś ca vyapetamohaḥ pratipattiyuktaḥ/
deśasya kālasya ca bhāgavijñaḥ[K.bhāgavid yaḥ] svayaṃ ca yaḥ syād vyavahāradarśī// YY_2.12

śabdārthavin nyāyāpaṭuḥ pragalbhaḥ saṃgrāmavidyākuśalo 'bhijātaḥ/
smitābhibhāṣī mitasatyavaktā daivānvito yasya[K.yaś ca] sa dhāma lakṣmyāḥ// YY_2.13

guṇaiḥ samastair api saṃprayuktā kanyeva yātrā viguṇāya dattā/
karoty akīrtiṃ sukhavittahāniṃ[K.sukhavittahīnāṃ] yātrāntarajñānajaḍasya[K.pātrāntarajñānajaḍasya] dātuḥ/ YY_2.14

guṇānvitasyaiva guṇaṃ karoti yātrā śubharkṣagrahalagnayogāt/
vyarthā sadoṣasya guṇānvitā 'pi vīṇeva śabdāśrayavarjitasya// YY_2.15

yātrā viśuddhā 'pi samaṃ pravṛttā pātrānurūpāṇi phalāni dhatte/
jagaty udīrṇā 'pi hi kauśikasya bhā bhānavī naiva tamaḥ pramārṣṭi// YY_2.16

vicintya kāryāṇi niśāvasāne dviṣatsuhṛnmaṇḍalasaṃśritānām/
balārthadeśeṣu niyojitānāṃ samāśritānāṃ ca kṛtākṛtāni// YY_2.17

anādśritaḥ khyātaguṇaḥ paro 'pi śūro 'thavā sādhujanaḥ praśastaḥ/
sampūjanīyo janasaṃprahārtham mameti deśopagato vicintya// YY_2.18

saveṇubīṇāpaṇavasvanena gītena pūrvaṃ vyapanītanidraḥ/
śayyāṃ tyajet tūryaravāvasāne śṛṇvan giro maṅgalapāṭhakānām// YY_2.19

ajñātapūrvāṇi na dantakāṣṭhāny adyān na patraiś ca samanvitāni/
na cordhvaśuṣkāni[K.yugmaparvāṇi] na pāṭitāni na yugmaparvāṇi[K.cordhvaśuṣkāni] vinā tvacā ca// YY_2.20

udaṅmukhaḥ prāṅmukhasaṃsthito vā ṛjv abraṇaṃ tac ca vitastimātram/
adyān narendro viniyamya[K.vinigṛhyā] vācaṃ prakṣālya jahyāc ca śubhapradeśe[K.śucau pradeśe]// YY_2.21

abhimukhapatitaṃ praśāntadiksthaṃ śubham atiśobhanam ūrdhvasaṃsthitaṃ ca/
aśubhakaram ato 'nyathā pradiṣṭaṃ sthitapatitaṃ ca karoti miṣṭam[K.mṛṣṭam] annam// YY_2.22

praṇamya devāṃś ca gurūṃś[K.devāṇ svagurūṃś ca] pūrvaṃ datvā ca gāṃ vatsayutāṃ dvijāya/
dṛṣṭvā mukhaṃ sarpiṣi darpaṇe ca nakṣatram ādau śṛṇuyāt tithiṃ ca// YY_2.23

śrutvā tithiṃ bhagrahavāsaraṃ[K.bhaṃ grahavāsaraṃ] ca prāpnoti dharmārthayaśāṃsi saukhyam/
ārogyam āyur vijayaṃ sutāṃś ca duḥsvapnajātaṃ[K.duḥsvapnaghātaṃ] priyatāṃ ca loke// YY_2.24

dūrvebhadānāñjanatīrthatoyamṛdrocanāsarṣapapuṣpagandhān/
sitāmbaroṣṇīṣasuvaṇaratnāny āsevya kuryād bhiṣajāṃ vacāṃsi// YY_2.25

smitaprasannaprathamābhibhāṣitaiḥ prasādadṛṣṭyā karasaṃparigrahaiḥ/
yathābhirūpaṃ[K.yathānūpaṃ] hṛdayāny api dviṣāṃ prasādayan dharmasabhāṃ samāśrayet// YY_2.26

vinītaveṣābharaṇaḥ sadakṣiṇaṃ[K.vinītaveṣābharaṇaś ca dakṣiṇaṃ] kara[K.karaṃ] samudyamya vicakṣaṇānvitaḥ/
sukhopaviṣṭaḥ sthita eva vā nṛpaḥ samārimitro vyavahāradarśane// YY_2.27

kṣamānvito 'smīti vicintyam etad daṇḍyeṣu daṇḍakṣamaṇaṃ na dharmaḥ/
daṇḍaprabhoāvo hi sa durjanasya haste na yo jīvati sādhuvargaḥ// YY_2.28

sutarām abhivarddhate 'bhimāno nīcānāṃ kṣamayā 'nviteṣu yasmāt/
ata ugratareṇa te nivarttyā yena 'nye 'pi khalās tathā na bhūyaḥ// YY_2.29

yasmin gṛhītaḥ[K.gṛhīte] sadṛśāparādho mahājanas trāsam upaiti tasmin/
daṇḍo nipātyo manujeśvarena kālāntare 'nyad vyapadiśya kāryam// YY_2.30

dvirada iva madena viprayukto viṣarahito bhujago vyasiś ca kośaḥ/
paribhavam upayāti na 'parādhe yadi manujādhipatiḥ karoti daṇḍam// YY_2.31

ekasya tulyodarapāṇipādā daṇḍāt prabhītāḥ[K.daṇḍasya bhītāḥ] praṇamanti martyāḥ/
atyugradaṇḍād api codvijante daṇḍo 'parādhapratimaḥ śivāya// YY_2.32

duṣṭasya daṇḍaḥ sujanasya pūjā nyāyena kośasya ca saṃpravṛddhiḥ/
apakṣapāto 'rthiṣu rāṣṭrarakṣā pañcaiva yajñāḥ kathitā nṛpāṇām// YY_2.33

śrāntaś ca tasmin viniyujya sādhūn saṃgrāmavidyādivibhaktakālaḥ/
sarvāṇi kāryāṇi yathākrameṇa kuryān nṛpaḥ pratyaham ātmavāṃś ca// YY_2.34

rājñā kāryaṃ pañcame pañcame 'hni kṣaurarkṣe vā śmaśru bhasyodaye[K.tasyodaye] vā/
tyaktvā tārāḥ pañcasaptatripūrvā[K.saptapañcatripūrvā] yātrākāle naiva kāryaṃ na yuddhe// YY_2.35

ācārasthaḥ sāgarāntāṃ dharitrīṃ bhuṅkte dīrdhaṃ kālam utkhātaśatruḥ/
yatrā ''cāras tatra dharmasya vṛddhir dharmād bhogān dehabhede 'pi bhuṅkte//E36 YY_2.36

abhihitaguṇasaṃyutena rājñā kathitaguṇātyayasaṃsthito 'bhiyojyaḥ/
upahatam upalabhya cāsya deśaṃ balam athavā nirupadruto 'bhiyuñjyāt// YY_3.1

pracuramaśakayūkaṃ makṣikādamśapūrvaṃ balam ajaladavṛṣṭyā pāṃśuvātāhataṃ vā[K.pāṃśupātāhataṃ ca]/
piśitarudhiradhānyaprāṇivṛṣṭyā hatam vā[K. ca] karituragamanuṣyā yatra vādhyā na dīnāḥ[K.ca dhyānadīnāḥ]// YY_3.2

śabdāyante muhur api śivā gardabhadhvānatulyaṃ
tyaktasnehāḥ parijanasuhṛdvāhanopaskareṣu/
kaṣṭaṃ ko naḥ śaraṇam iti vā vādino yasya sainye
vidviṣṭā vā pravarapuruṣāḥ so 'bhiyojyo nṛpeṇa// YY_3.3

nirālasyāvanatavadanāḥ ketanasvapnaśīlā
bhraṣṭācārā malinapuruṣacchāyayā ''krāntadehāḥ/
dīrghaśvāsāḥ sajalanayanāḥ śokalobhābhibhūtāḥ
sainye yasya dvijagurusuhṛddveṣiṇaś caiva yodhāḥ// YY_3.4

akāraṇaprodgataromakūpā jaye nirāśāḥ prakṛter apetāḥ/
amaṅgalāceṣṭitajātahāsāḥ sainye narā yasya sa cābhiyojyaḥ// YY_3.5

kapotakolūkamadhūni yasya samāśrayante dhvajacāmarāṇi/
chatrāyudhādīni[K.chatrāyudhādyāni] ca so 'bhiyojyo yasyāthavā 'syajalāśayānām[K.'nāhatatūryaśabdāḥ]/ YY_3.6

pratīpagatvaṃ saritām iṣoś ca śoṣo 'thavā 'śoṣyajalāśayānām/
avārideśe salilapravṛtir ahaitukaṃ[K.avaikṛte] cāpsu tarec chilā vā// YY_3.7

bhaṅgapātacalanāny animittaṃ rodanāni ca surapratimānām/
agnirūpam anilena vinā vā niścalāni ca yadā pracalanti// YY_3.8

prasūtivaikṛtyam akālapuṣpāṇy āraṇyasattvasya purapraveśaḥ/
pradoṣakāle kṛkavākuśabdā himāgame ca 'nyabhṛtaḥ pralāpāḥ[K.'nyabhṛtapralāpāḥ]// YY_3.9

dīrghaṃ dīnaṃ saṃhatāḥ sārameyāḥ krośanty uccair nityam eva 'nṛtau ca/
hanyur yoṣā yoṣito nirghṛṇāś ca dṛṣyaṃ nityaṃ[K.śvetaḥ kāko] naktam idrāyudhaṃ vā[K.ca]// YY_3.10

tilā vitailā yadi vā 'rddhatailā[K.rddhatailāḥ] sasyasya vṛddhir yadi vā 'tiriktā/
annasya vairasyam asṛk tarūṇāṃ śuṣkapraroho virujāṃ praṇāśaḥ// YY_3.11

vihāya sarpākhuviḍālamatsyān svajātimāṃsāny upabhuñjate vā/
vrajanti vā maithunam anyajātyāṃ dīptāś ca nityaṃ vihagā mṛgāś ca// YY_3.12

bhaṅgaḥ pātas toraṇendradhvajānāṃ śītoṣmānāṃ vyatyayo bhūvidāraḥ/
nimnoccānāṃ tuṅgatā nimnatā ca[K.vā] chāyā cā[K.vā] 'rkasya ''bhimukhyena yātā// YY_3.13

tryahātiriktaḥ pavano 'ticaṇḍo gandharvasaṃjñasya bhavet purasya/
vyaktir bhavec ca 'hani tārakāṇāṃ naktaṃ ca tārāgaṇasaṃpraṇāśaḥ// YY_3.14

prāsādaveśmavasudhāśaragulmanimneṣv āvāsakā balibhujām anapatyatā vā/
ekāṇḍajatvam[K.ekātmajatvam] athavā bhuvi maṇḍalāni kurvanti cakrakam ivopari vā bhramantaḥ// YY_3.15

ulkā 'bhighātena tamo 'tidīptyā vakrātivakrena suto dharitryāḥ/
ketur gatisparśana -- dhūpanena cāreṇa pīḍāṃ kurute 'rkaputraḥ// YY_3.16

tribhis tribhir bhair atha kṛttikādyair nipīḍitair[K.niṣpīḍitair] bhūpatayo 'bhiyojyāḥ/
pāñcālanātho magadhādhipaś ca kaliṅgarāḍ ujjayinīpatiś ca// YY_3.17

ānarttarāṭ saindhavahārahorau[K.saindhavahārahaurau] madreśvaro 'nyaś ca kuraṅganāthaḥ[K.kulindanāthaḥ]/
ete hi kūrmāṅgasamāśritānāṃ viśeṣapīḍām upayānti bhūpāḥ// YY_3.18

aṅgeṣu sūryo yavaneṣu candro bhaumo hy avantyāṃ magadheṣu saumyaḥ/
sindhau gurur bhojakaṭe ca[K.bhojakaṭeṣu] śukraḥ sauraḥ surāṣṭre viṣaye babhūva// YY_3.19

mleccheṣu ketuś ca tamaḥ kaliṅge yāto[K.jāto] yato 'taḥ paripīḍayanti[K.paripiḍitās te]/
svajanmadeśān paripīḍayanti tato[K.te 'to] 'bhiyojyā kṣitipena deśāḥ// YY_3.20

sampūjyante bhairavoccānunādai[K.bhairavoccānurāvai] raktair māṃsais tālajaṅghādayo vā/
dṛśyante vā yātudhānāḥ prabhūtā bhraṣṭaśrīkaḥ so 'pi deśo 'bhiyojyaḥ// YY_3.21

deśabhraṃśo yair nimittaiḥ pradiṣṭas tās tā vārttā vakti loke viśaṅkaḥ/
tyaktvā deśaṃ yānti yaṃ bhikṣukā vā gamyo deśo so 'py asādhupravṛttaḥ// YY_3.22

rogābhibhūtaṃ viṣadūṣitaṃ vā yathā vināśābhimukhaṃ śarīram/
vaidyaḥ prayogaiḥ sudṛḍhaṃ karoti rāṣṭraṃ tathā śāntibhir agrajanmā//E23 YY_3.23

dehaḥ kośo yoddhā vāhyaṃ mantraḥ śatrur mārgo 'py āyuḥ/
cittaṃ karma prāptir mantrī prāglagnādyā bhāvāś cintyāḥ// YY_4.1

trilābhavarjaṃ ravisauribhaumā[K.ravisaurabhaumā] nighnanti no karmaṇi sūryabhaumau[K.sūryabhaumāḥ]/
puṣṇanti saumyā ripurāśivarjyam astaṃ[K.ripurāśivarjam na 'staṃ] bhṛgur mṛtyuvilagnam induḥ// YY_4.2

tithyudgamendukaraṇarkṣadinakṣaṇeṣu śuddheṣv[K.pāpeṣv] abhīṣṭaphaladā nṛpater yathā syāt/
yātrā tathā param idaṃ kathayāmi guhyaṃ śiṣyāya nai 'tad acirād hy uṣitāya dadyāt// YY_4.3

yogaiḥ kṣitipā vinirgatāḥ śakunais taskaracāraṇādayaḥ/
nakṣatrabalair[K.nakṣatraguṇair] dvijātayaḥ kṣaṇavīryād itaro jano 'rthabhāk// YY_4.4

yad yad yogavaśād vrajaty agadatāṃ dravyair viṣaṃ yojitam
saṃyuktaṃ madhunā ghṛtaṃ ca viṣatāṃ gacched[K.gacchad] yathā dṛśyate/
tadvad yogasamudbhavaṃ prakurute hitvā grahaḥ svaṃ phalaṃ
yasmāt tena samudyato 'smi gadituṃ yogān vicitrān imān// YY_4.5

lagne gurur budhabhṛgū hibukātmajasthau ṣaṣṭhau kujārkatanayau dinakṛt tṛtīyaḥ/
candraś ca yasya daśamo bhavati prayāṇe tasya 'bhivāñchitaphalāptir alaṃ nṛpasya// YY_4.6

horātṛtīyaripulābhagataiḥ krameṇa jīvārkibhaumaravibhir bhṛguje 'nukūle/
yāto 'tidṛptam api śatrubalaṃ nihanti naiśaṃ tamisram iva tigmam ayūkhakālī[K.ayūkhamālī]// YY_4.7

udayārinabhaḥ sthalagair[K.udayārinabhasthalagair] dinakṛdyamaśītakaraiḥ/
na bhavanty arayo 'bhimukhā hariṇā iva keśariṇaḥ// YY_4.8

gurur udaye ripurāśigato 'rko yadi nidhane na ca[K.ca na] śītamayūkhaḥ/
bhavati gato 'tra śaśī 'va narendro ripuvanitānanatāmarasānām// YY_4.9

śukavākpatibudhair dhanasaṃsthaiḥ saptame śaśini lagnagate 'rke/
nirgato nṛpatir eti kṛtārtho vainateyavad ahiṃ[K.arīn] vinigṛhya// YY_4.10

mūrttivittasahajeṣu saṃsthitāḥ śukracandrasutatigmaraśmayaḥ/
yasya yānasamaye raṇānale tasya yānti śalabhā iva 'rayaḥ// YY_4.11

sūryendū valavarjitau valayutau janmeśalagneśvarau
pātāle daśame 'pi vā śaśisuto lagnasthito vākpatiḥ/
ṣaṭsaptāṣṭamavarjiteṣu bhṛgujaḥ sthāneṣu yasya sthito
yātus tasya na vidviṣo raṇamukhe tiṣṭhanti yoṣā iva// YY_4.12

saure bhaume[K.vā] lagnage 'rphe[K.'rke] khamadhye karmaṇy āye[K.vā] bhārgave candraje ca/
yāyād bhūpaḥ[K.bhūpālaḥ] śatrudeśaṃ nihantuṃ dṛptaṃ śatruṃ[K.vā] kālavat[K.kālayat] krūraceṣṭaḥ// YY_4.13

lābhaśatrusahajeṣu yamārau saumyaśukraguravo balayuktāḥ/
gacchato yadi tato 'sya dharitrī sāgarāmburasanā vaśam eti// YY_4.14

pāpās tṛtīye hibuke ? jīvo bilagne śaśalāñchano 'ste/
yasyodyame tasya balaṃ ripūṇāṃ kṛtaṃ kṛtaghnesv iva yāt nāśam// YY_4.15

candre 'stage devagurau vilagne jñaśukrayoḥ karmaṇi lābhage 'rke/
saurārayor bhrātṛgayoś ca yāto nṛpaḥ svabhṛtyān iva śāsti śatrūn// YY_4.16

gurau vilagne yadi vā śaśāṅke ṣaṣṭhe ravau karmagate 'rkaputre/
sitajñayor bandhusutasthayoś ca yātrā janitrī 'va hitāni dhatte// YY_4.17

patyau girāṃ lagnagate 'vaśeṣair ekādaśārthopagatair yiyāsoḥ/
vidāryate śatrubalaṃ samantād dharmo yathā hetuśatair yugānte// YY_4.18

triṣaṇṇavāntyeṣv abalaḥ śaśāṅkaś cāndrir balī yasya guruś ca kendre/
tasya 'riyoṣābharaṇaiḥ priyāṇi priyāḥ priyāṇāṃ janayanti sainye// YY_4.19

kendropagatena vīkṣite guruṇā trayāyacaturthage site/
pāpair anavāṣṭasaptamair[K.anavāṣṭasaptagair] vasu kiṃ tan na yad āpnuyād gataḥ// YY_4.20

lagnārikarmahibukeṣu śubhekṣite jñe dyūnāntyalagnarahiteṣv aśubhagraheṣu/
yātur bhayaṃ na bhavati prataret samudraṃ yady aśmanā[K.'pi] kim uta śatrusamāgameṣu[K.uta 'risamāgameṣu]// YY_4.21

yasyo 'dayāstāricatustrisaṃsthāḥ śukrāṅgiro 'ṅgāraka --- saumyasaurāḥ/
dviṣadbalastrīvadanāni tasya klāntāni kāntān avalokayanti// YY_4.22

pūrvoktayoge dhanago budhaś cec chaśāṅkasūryau ca daśāyasaṃsthau/
asmin gatasya 'likulopagītā nānāvanotthā dviradā bhavanti// YY_4.23

sūryādayo 'risahajāmbaraśatrulagnabandhvāyagāḥ suraguror divasaś ca[K.divaso 'pi] yasya/
yāne 'risainyam upagacchati tasya nāśaṃ ma māṃsakaśravaṇakeṣv[K.mīmāṃsakaśravaṇakeṣv] iva tīrthapuṇyam// YY_4.24

trinidhanatanusaptamārisaṃsthāḥ kujasitajīvabudhā raviś ca yasya/
khalajanajanite 'va lokayātrā na bhavati yasya cirāya śatrusenā// YY_4.25

kujaravijayute 'ribhe[K.'tibhe] gatānāṃ sukhasahajopagatiḥ sitārkajīvaiḥ/
ripubalam[K.parabalam] upayāti nāśam āśu śrutam adhanasya kuṭumbacintayaiva[K.kuṭumbacintaye 'va]// YY_4.26

lagnatridharmāridaśāyageṣu sitārkijīvendukujendujeṣu/
sārke budhe ca 'ribalaṃ vināśam āyāti guhyaṃ piśuneṣv ivo 'ktam// YY_4.27

ekāntararkṣe bhṛgujāt kujād vā saumye sthite sūryasutād guror vā/
pradhvasyate[K.pradhvaṃsate] 'rir na cirād gatasya veṣādhiko bhṛtya ive ''śvarasya// YY_4.28

ekāntarā yadi gatā bhaveneṣu ṣaṭsu pṛṣṭhasthitasya[K.pṛṣṭhasthitaś ca] suraśatruguroḥ[K.suraśatruguruḥ] prayāṇe/
yātasya nātra ripavo prahasanti vīryaṃ viṣṇor ivoddhṛtagadārathavādapāṇeḥ// YY_4.29a-K.30

nirantaram yadi bhavaneṣu pañcasu grahāḥ sthitā divasakareṇa varjitāḥ/
yiyāsator[K.yiyāsato] yadi ca bhavanti pṛṣṭhatas tadā parān balabhid iva 'vakṛntati// YY_4.30

bṛguputramahendragurū gamane sahitau yadi bhaṃ yugapat tyajataḥ/
jñagurū yadi vā 'ṃśakam ekagatau[K.ekam itau] samare surarāḍ[K.amararāḍ] iva bhāti tadā// YY_4.31

nistriṃśavakropagate ca vakre vakreṇa vakraṃ nṛpatiṃ[K.nṛpatir] nihanyāt/
pānaprasaktaṃ niśi vā prasuptaṃ tasyai 'va ca 'ste yadi vā 'ṃśakaḥ syāt// YY_4.32

putro dharitryā dinakṛt sutaś ca yadā tyajetāṃ yugapan navāṃśam/
tadā hy avaskandagato narendro bhuṅkte ripūn tārkṣya iva dvijihvān// YY_4.33

budhabhārgavamadhyagate himagau hibukopagate ca nṛpaḥ praviśan[K.pravasan]/
puruhūtadiśaṃ yadi vā 'ntakṛtaḥ puruhūtayamapratimo bhavati// YY_4.34

sitendujau caturthagau niśākaraś ca saptame/
yadā tadā gato nṛpaḥ praśāsty arīn vinā raṇān[K.raṇāt]// YY_4.35

śaśini caturthagṛhaṃ samupete budhasahite 'stagate bhṛguputre/
gamanam avāpya patir manujānāṃ jayati ripūn samareṇa vinai 'va// YY_4.36

kṣititanayayutān navāṃśakād yadi śatame[K.śatago] bhṛgujo 'thavā guruḥ/
śataguṇam api hanty arer balaṃ viṣam iva kāyam asṛkpathopapannam[K.asṛkpathopagam]// YY_4.37

śatāṃśakād ūrdhvam avasthite budhe yamārayos tatra gatasya bhūbhṛtaḥ/
prayāti nāśaṃ samare dviṣaḍ balaṃ yathā 'rthibhāvopagatasya gauravam// YY_4.38

nakṣatram ekaṃ yugapat praviṣṭau yadā dharitrītanayāmarejyau/
kuryāt tadā 'ntaṃ dviṣatāṃ balasya drauṇir yathā 'rer niśi sauptikena// YY_4.39

ṛkṣaṃ gurujñau budhabhārgvau vā yadā praviṣṭau yugapat sametau/
arthān avāpnoti tadā vicitrān chātraḥ sutīrthān[K.sutīrthād] gurupūjayaiva[K.gurupūjaye 'va]// YY_4.40

yātrādigīśād yadi pañcame 'nyo gṛhe graho vīryayuto 'vatiṣṭhet/
samudyatāśākathitāni bhaṅktvā phalāni vīryān nayati svakāṣṭhām// YY_4.41

eko 'pi jīvajñasitāsitānāṃ kujāt trikoṇe ravito 'tha ve 'nduḥ/
yatro 'dyatas tatra na yāti yātā tayor balīyān nayati svakāṣṭhām// YY_4.42

janmodayarkṣaṃ hibukāstasaṃsthaṃ yasya 'śubhair dṛṣṭayutaṃ na saumyaiḥ/
sa śāṇḍilīṃ prāpya yathā garutmān danyaṃ[K.dainyaṃ] gato 'bhyeti hatasvapakṣaḥ// YY_4.43

horāṣṭame janmagṛhāṣṭame vā svāc chatrubhāc chatrugṛhodaye vā/
tadrāśipair vā gamanaṃ vilagne tulyaṃ narāṇāṃ viṣabhakṣaṇena// YY_4.44

ripunidhanavilagne svāt triṣaḍlābhage vā
balavati bhavaneśe sve kṛśe śatrupakṣe/
anabhimukhadigīśe dikpatau susthite ca
vrajati yadi yatheṣṭaṃ prāpnuyāt tatra yatā// YY_4.45

kendratrikoṇeṣu śubhāḥ praśastās teṣv eva pāpā na śubhapradāḥ syuḥ/
papo 'pi kāmaṃ balavan niyojyaḥ kendreṣu śūnyaṃ na śivāya kendram[K.lagnam]// YY_4.46

saumyaiś ca pāpaiś ca catuṣṭayasthaḥ kṛcchreṇa siddhiṃ samupaiti yātā/
prapātapātapratighātavakrair[K.prapātayānapratighātavakrā] nadī 'va dhātrīdharakandareṣu// YY_4.47

guro[K.gurau] vilagne bhṛguje 'risaṃsthe candre 'ṣṭame hanti gato 'risenām/
viṣṭaṃ[K.vṛṣṭiṃ] yathā dakṣiṇamārgacārī rūkṣo athavā[K.yadā] hrasvatanuś ca śukraḥ// YY_4.48

siṃhājataulimithunā[K.siṃhājataulimithunaṃ] mṛgakarkaṭau ca sveśānvitā yadi bhavati[K.bhavati] yasya śaniś ca lagne/
tatsainikāḥ parabalaṃ ksapayanti yātur mūrkhasya vittam iva cāraṇacāṭukārāḥ[K.cāraṇacāṭacakṣāḥ(?)]// YY_4.49

udaye gurusaumyabhārgavaiḥ sahaje 'rkārkikujaiś ca gacchataḥ/
na bhavanty arayo raṇe sthirāḥ kitavānām iva vittasaṃcayāḥ// YY_4.50

jātakoktanṛpayogagatānām pratyahaṃ[K.pratidinam] bhavati rājyavivṛddhiḥ/
vātaghūrṇitam iva 'rṇavayānam parabalaṃ hi samupaiti vināśam// YY_4.51

horā''śrite[K.horāśrite] devagurau prayātā krūragrahaiḥ karmaṇi lābhagair vā/
kṛtvā ripūṇāṃ kṣayam akṣatāṅgaḥ svayaṃ[K.kṣayaṃ] kṣitīśo 'kṣayakośam eti[K.'kṣayakośa aiti]// YY_4.52

lābhārthalagneṣu śubhā raviḥ khe yasya ''rasaurau sahaje 'ribhe vā/
tasya 'rthakośaḥ samupaiti vṛddhiṃ lābho[K.lobho] yathā pratyaham arthavṛddhyā// YY_4.53

svoccapagair jīvakujārkajārkair ebhyas tribhir vā kathitaikalagne/
rājñaḥ praṇāśaṃ samupaiti śatruḥ saukhyaṃ dvibhāryasya yathā 'dhanasya// YY_4.54

eko 'pi jīvārkakujārkajānāṃ svocce vilagne svagṛhe yadī 'nduḥ/
jātasya[K.yātasya] yānty atra parāḥ praṇāśam mahākulānī 'va kuṭumbabhedaiḥ// YY_4.55

lagnāc caturthe atibale śaśāṅke[K.vibalaḥ śaśāṅkaḥ] yogād vinā candrabalena yātā[K.yātaḥ]/
labdhā 'pi lakṣmīṃ bahuratnapūrṇāṃ[K.lakṣmīr bahuratnapūrṇā] kṣipraṃ kṣayaṃ yāti yathā śaśāṅkaḥ// YY_4.56

yeṣāṃ game navamapañcamakaṇṭakasthāḥ saumyās tṛtīyaripulābhagatāś ca pāpāḥ/
āyānti te svabhavanāni punaḥ kṛtārthā dattā dvijātiṣu purā vidhivad yathārthāḥ// YY_4.57

pūrvāditas triparivartagatair ajādyair bhaiḥ saptakair analabhāc ca gamo jayāya/
vāyuagnidiksthaparighasya samārddhagaiś ca maitrāśvihastagurubheṣu ca sarvadikṣu// YY_5.1

pūrveṇāindraṃ[K.pūrveṇāi ''ndraṃ] dakṣiṇena ''japādaṃ rohiṇyo 'taś ca 'ryamākhyaṃ ca śūlam/
kāmaṃ yāyāt sāmparāyeṣu kāryeṣv evaṃ dvāre[K.advāre 'pi] projjhya śūlāni tāni// YY_5.2

vivarjayet tvāṣṭrayamoragāṇām ardham dvitīyaṃ gamane jayepsuḥ/
pūrvārdham āgneyamaghānilānāṃ svātīm[K.svātim] maghāṃ co 'śanasaḥ samastām// YY_5.3

utpātapāpagrahapīḍite bhe ye yānti bhūrigrahasaṃyute vā/
te pūrvavittāny api nāśayanti dhātuprasaktā iva mūrttikendrāḥ[K.vārtikendrāḥ]// YY_5.4

ravisitakujarāhusauricandrā[K.ravisitakujarāhusauracandrā] jñaguruyutāḥ purataḥ kramād digīśāḥ/
vrajati yadi lalāṭage digīśe patati tato drumavat sarittaṭātsaḥ[K.sarittaṭasthaḥ]// YY_5.5

yāto 'yanasya pratilomakāṣṭhāṃ yaḥ syāt svatantro[K.sutantro] 'pi jitaḥ pareṣāṃ/
sa kevalavyākaraṇābhiyuktaḥ[K.kevalaṃ] vyākaraṇābhiyuktaḥ kāvyajñagoṣṭhyām iva hāsyam eti// YY_5.6

ayanena gato 'rkasomayor dyuniśaṃ vā sthitayoḥ pṛthak pṛthak/
viduṣām iva sarvaśāstravit[K.śabdaśāstravit] samavāye dviṣatāṃ virājate// YY_5.7

tithiṃ caturthīṃ navamīṃ caturdaśīṃ vihāya viṣṭiṃ karaṇaṃ ca gacchataḥ/
bhavanti cāmīkaravājivāraṇāś caturthipūrvāś ca tadāptivāraṇāḥ// YY_5.8

ṛkṣe[K.rikte] tithau vā vyatipātaduṣṭe yo yāti mohāt khalu vaidhṛte vā/
sa nāśam āyāty acireṇa yātā[K.rājā] rāje 'va daivajñavilomaceṣṭaḥ// YY_5.9

ārogyam ṛkṣeṇa dhanaṃ kṣaṇena kāryasya siddhis tithinā śubhena/
rāśyudgamena 'dhvani siddhim āhuḥ prāyaḥ śubhāni[K.sukhāni] kṣaṇadākareṇa// YY_5.10

na rājate bhūriguṇānvitā 'pi vyarhtabyayasya kṣitipasya yātrā/ YY_5.11ab-K.omitted

śukre praṇaṣṭe dhanadarpitasya vivāhayātreva jarārdditasya// YY_5.11cd-K.omitted

pratiśukrabudhāśanivṛṣṭihatā dig adhaḥ kurute nṛpatiṃ gamane/
madirāmuditā madanākulitā pramade 'va kulam paraveśmaratā// YY_5.12

vīryānvitair yāyibhir ātmabhadraiḥ kleśaṃ[K.kleśed] vinā hanti camūm arīṇām/
trailokyalābhe 'py asamāptakāryāṃ tṛṣṇāṃ yathā cīraphalāmbutuṣṭaḥ// YY_5.13

sarpis tilaudanaṣaiḥ[K.tilodanajhaṣaiḥ] payasā ca bhuktvā pūrvādi vāraṇarathāśvanarair gatasya/
soḍhum pratāpam arayo na nrpasya śaktā gandhadvipasya kalabhā iva gandhadānam[K.dānagandham]// YY_5.14

ekataś ca sakalāni nimittāny ekataś ca manasaḥ pariśuddhiḥ/
cetaso 'sti[K.'pi] sahasā na[K.'sti] raṇe bhīr māruto 'pi vijayājayahetuḥ// YY_5.15

bhūriśūravaravājikuñjarā jñātayuddhagatayo 'bhimāninaḥ/
kva 'pi yānti ghanatūlarāśivan mārutābhihatavakṣaso 'rayaḥ// YY_5.16

anulomagate[K.anulomagatau] pradakṣiṇe surabhau dehasukhe 'nile gataḥ/
timirāṇi gabhastimān iva prasabhaṃ hanti balāni vidviṣām// YY_5.17

upapattir ayatnato yadā tṛṇapānāśanaratnavāsasām//
pramadākṣitināgavājināṃ vijayadvāram apāvṛtaṃ tadā// YY_5.18

lagnasya ye 'ṃśā hy uditā[K.uditā] graho yas teṣu sthito lagnaphalaṃ sa dhatte/
yas tān atītaḥ sa bhaved dvitīyaḥ sthāneṣu śeṣeṣv api cintyam etat[K.cintanīyam]// YY_5.19

gato 'nukūlair grahabhāgnimārutair mano 'bdavidyutsvanavṛṣṭikārmukaiḥ/
ripoḥ pramathnāti raṇājire camūṃ dvipaḥ samūlāṃ sarasī 'va padminīm// YY_5.20

daivena hīnaḥ parabhīṣaṇārthaṃ yāto 'tikṛcchreṇa nayaty ahāni/
svaśaktyatīto nṛpaveśmanī 'va kṛtvā pratijñām prativādibhītaḥ// YY_5.21

daivānvitaḥ sādhujanopakārī prabhāvamantrodyamaśaktiyuktaḥ/
bhuṅkte mahīṃ samyag avāpya yātrāṃ sasahyavindyācalapāriyātrām// YY_5.22

gocareṇa śubhadaḥ śaśī na ced aṣṭavargapariśodhito 'pi[K'tha] vā/
pūrvavāyur iva puṣpakālajo yāyinām phalavināśakṛd bhavet// YY_5.23

āśritya candrasya balābalāni grahāḥ prayacchanti śubhāśubhāni/
manaḥsametāni yathendriyāṇi karmārhatāṃ[K.karmaṇyatāṃ] yānti na kevalāni// YY_5.24

sarvataḥ kṣutam aśobhanam uktaṃ goḥ kṣutaṃ[K.gokṣutam] maraṇaṃ eva karoti/
kecid āhur aphalaṃ bakād ca[K.hi balād] yad vṛddhapīnasitabālākṛtaṃ ca// YY_5.25

śakunatithibhalābhe chattraśayyāsanādyaṃ padam api vijigīṣuś cālayec chradadhānaḥ[K.chraddhadhānaḥ]/
yadi śakunanimittasvapnacetoviśuddhir[K.śakunanimitte 'sya svacetoviśuddhir] na bhavati tad aniṣṭaṃ sarvakāryeṣu yānam// YY_5.26

dinakṛddivase tathā 'ṃśake yātrā lagnagate 'thavā ravau/
saṃtāpāyati smarāturā[K.smarāturaṃ] veśye 'vā 'rthavivarjitaṃ naram// YY_5.27

udaye śaśino 'ṃśake 'hni vā bhavati gato na cireṇa durmanāḥ//
pramadām iva jātayauvanāṃ[K.yātayauvanāṃ] ratyarthaṃ samavāpya karkaśaḥ// YY_5.28

bhaumodaye 'ṃśe 'hani vā 'sya yātrā karoti bandhaṃ vadham arthanāśam/
saṃsevitā 'pāpaparāṅmukhena manobhavāndhena parāṅgane 'va// YY_5.29

budhasya lagnāṃśakavāsareṣu yātrā naraṃ prīṇayati prakāmam/
bhāvānuraktā pravarāṅgane 'va vidagdhaceṣṭā madanābhitaptam[K.madanābhibhūtam]// YY_5.30

guror vilagnāṃśadineṣu yātrā śubhānu[K.hitānu]bandhepsitakāmadā ca/(Bṝ 5.31--33)
jāye 'va bhartur manaso 'nukūlā kulābhivṛddhyai ratidā hitā ca// YY_5.31

yātrā bhṛgor aṃśadinodayeṣu prīṇāti kāmair vividhair yiyāsum//
vilāsinī kāmavaśopayātam bhāvair anekair madanāture 'va// YY_5.32

dyulagnabhāgeṣu śaneś ca yātrā prāṇacchidādīn pracinoti[K.pratanoti] doṣān/
anyaprasaktā vanite 'va mohāt saṃṣevitā[K.mohān niṣevitā] manmathamohitena// YY_5.33

lagnena hīnā 'nyaguṇānvitāpi prītiṃ na yātrā manasaḥ karoti/
svalaṅkṛtā rūpasamanvitā 'pi prabhraṣṭaśīlā vanite 'va puṃsaḥ// YY_5.34

lagnasya śuddhiḥ śakunair nimittair vijñāyate 'ntaḥkaraṇena samyak/
ananyabhāvāśrayasaṃpravṛttaiḥ kaulī 'va puṃsaś caritair videśe// YY_5.35

chāyā śubhāśubhaphalāni nivedayantī lakṣyā manuṣyapaśupakṣiṣu lakṣaṇajñaiḥ/
tejoguṇān bahir api pravikāśayantī dīpaprabhā sphaṭikaratnaghaṭasthitaiva[K.sphaṭikaratnaghaṭasthite 'va]// YY_5.36

snighadvijatvaṅnakharomakeśā chāyā sugandhā ca mahīsamutthā/
tuṣṭyarthalābhābhiudayān karoti dharmasya ca 'hany ahani pravṛddhim// YY_5.37

snigdhā sitā ca haritā nayanābhirāmā saubhāgyamārdavasukhābhyudayān karoti/
sarvārthasiddhijananī jananī 'va cāpyā[K.''pyā] chāyā phalaṃ tanubhṛtāṃ śubham ādadhāti// YY_5.38

caṇḍā 'dhṛṣyā padmahemāgnivarṇā yuktā tejovikramaiḥ sapratāpaiḥ/
āgneyī 'ti prāṇināṃ syāj jayāya kṣipraṃ siddhiṃ vāñchitārthasya dhatte// YY_5.39

malinaparuṣakṛṣṇā pāpagandhā 'nilotthā janayati vadhabandhavyādhyanarthārthanāśān/
sphaṭikasadṛśarūpā bhāgyayuktā 'tyudārā nidhir iva gaganotthā śreyasāṃ svacchavarṇā//E40 YY_5.40

puruhūtahutāśayamā nirṛtir varuṇānilayakṣaśivāś ca diśām/
punar arkasitāratamoravijāḥ śaśisaumyabṛhaspatayaḥ patayaḥ// YY_6.1

śacyā sahairāvaṇagaḥ savajro haimo 'thavā dārumayo mahendraḥ/
vicitramālyadhvajaraktacandanaiḥ saumyopahāreṇa ca pūjanīyaḥ// YY_6.2

atha mantram[K.mantraḥ:] <abhī shu naḥ sakhīnām> iti japtvā purataḥ prandarasya/
puruhūtadiśaṃ nṛpo 'bhiyuñjyāt puruhūtaṃ hṛdaye niveśya samyak// YY_6.3

tāmrajā pratikṛtiḥ sahasrago raktacandanakṛtānulepanā/
raktavastrakusumadhvajārcitā[K.dhvajācitā] sūryakāntamaṇibhir vibhūṣitā// YY_6.4

<ā kṛṣṇa> pūrvaṃ yadivā 'py <ud u tyaṃ> mantraṃ samāvartya raveḥ purastāt/
kṣīraudanena pratipūjya yāyāt prācīm puraskṛtya dineśaśakrau// YY_6.5

agnes tanuḥ kanakenaiva kāryā raktaā[K.raktaṃ] dhvajaṃ kusumaṃ candanaṃ ca/
ājyam balir hutabhugvijigīṣor[K.hutabhugdigjigīṣor] mantro[K.mantraṃ] <ghṛtaṃ ghṛtayonaṃ[K.ghṛtayoneḥ]> pibeti[K.paṭhec ca]// YY_6.6

kāryaś citro ditisutagurur vāmayorṣāddhakāyo[K.yamo vā 'rdhakāyo] nānārūpāḥ kusumabhalayas tasya citro dhvajaś ca/
<śukrajyotiḥ> prabhṛti ca japen[K.paṭhen] mantram asya 'gratas tau kṛtvā yāyād bhṛgujadahanau jetum icchus[K.icchaṃs] tad āśām// YY_6.7

ayomayam prodyatadaṇḍahastaṃ yamaṃ sakṛṣṇadhvajapuṣpagandham[K.sakṛṣṇa\-.dhvaja\-.puṣpa\-.gandhaiḥ]/
tilaudanair[K.tilodanair] arcya samāṃsamadyair <yamena dattaṃ> ca japo 'sya kāryaḥ// YY_6.8

mūrttiḥ syād rudhirākhyasaṃjñamaṇinā[K.rudhirākṣasaṃjñamaṇinā] bhaumasya raktāḥ srajo raktāni dhvajacandanāni kusumaiḥ pakvānnamāṃsair baliḥ/
<agnir mūrdha[K.mūrdhā]>padaiḥ stutiḥ kṣitisutasyaivaṃ yamāṅgārakau diṅnāthau gamane 'grato narapatiḥ kṛtvā vrajed dakṣiṇam[K.dakṣiṇām]// YY_6.9

bhairavāpratikṛtiḥ paṭe kṛtā sarvagandha[K.puṣpa]phalapuṣpa[K.dhūpa]pūjitā/
<eṣa te> nirṛtimantracodanā kṛṣṇaraktakusumadhvajāmbarā// YY_6.10

suradārumayaḥ śaśāṅkaśatruḥ kusumādyair asitaiḥ kṛtopahāraḥ/
nirṛtisahitaḥ[K.nirṛter mahitaḥ] svadikprayāṇe stutimantro 'sya ca kīrtitaḥ <kayā naḥ>// YY_6.11

paścād vrajed rajatamayaṃ jaleśvaraṃ pāśānvitam saha gadayā 'bjapūjitam/
kṛtvaudanair balim api yāvākānvitaṃ[K.yāvākācitaṃ] <ye te śataṃ[K.(lacuna)śaṃ]> varuṇa[K.varuṇaṃ] iti stuyād dvijaḥ// YY_6.12

saurer arcā nīlakācā ṛśāṅgī pūjyā kṛṣṇair vastramālyopahāraiḥ/
<śaṃ no devī> 'ty eṣa mantro 'parāśāṃ jetuṃ yāyāt tau puraskṛtya devau// YY_6.13

vāyor mūrttiḥ śvetamṛdbhir vidheyā pūjyā śvetaiḥ puṣpavastradhvajādyaiḥ/
mantro <vāto vā mano ve> 'ti jāpyo vāyavyāśām prasthitasye ''śvarasya// YY_6.14

mantraḥ somasyā<''pyāyasve> 'ty anyac chvetaṃ sragvastrādyam/
vāyuṃ somaṃ ca 'gre kṛtvā yāyād rājā vāyoḥ kāṣṭhām// YY_6.15

hāṭakamūrtiṃ[K.hāṭakīm mūrtiṃ] kuryād dhanadasya vibhūṣitāṃ[K.bhūṣitāṃ] ratnaiḥ sagadāñ ca[K.sarvaiḥ sagadāṃ ca]/
pūjitāṃ sragvastrādyaiś ca vicitrai <rakṣasām bhāgo 'si> 'ty eṣa hi mantraḥ// YY_6.16

sauvarṇaṃ rajatāsane nṛmithunaṃ candrātmajasyeṣyate hāridraudana\-.miṣṭa\-.gandha\-.kusumair gandhaiś ca saṃpūjitam[K.tat pūjitam]/
<udbudhyasva> japaś ca tasya kathitaḥ syād brahmayajñeti ca[K.brahmayajñādinā] gacched uttarato dhaneśvarabudhau dhyāyan puraskṛtya ca// YY_6.17

gotvagjāpyati bhairavā[K.gotvagjā pratibhairavā] pratikṛtir bhasmotkaṭā śūlino dadhnā codanaṣaṃyutena ca[K.omitted] balir[K.balibhir] mantro <namaḥ śambhave>/
mūrttiḥ syān maṇito guror vimalikā[K.vimalakāt] pītaṃ tu vastrādikaṃ[K.vastrādi yan] mantraś ca 'sya<bṛhaspater[K.bṛhaspate]> iti tayor yāyād diśam pūjya tau// YY_6.18

diṅnāthaṃ kuladevatāṃ svanagare yeṣāṃ kṛtāc ca ''layās tān sampūjya yathānurūpa\-.balibhir dadyād balim bhautikīm[K.bhautikam]/
kṛtvā pāyasamadyamāṃsapalalair bhakṣyaiś ca nānāvidhair bālakṛīḍanakaiḥ sugandhakusumair[K.sugandhikusumair] mūlaiḥ phalaiḥ svādubhiḥ// YY_6.19

rathyāpuradvāranadītaṭeṣu catuṣpathāṭṭālakaniḥkuṭeṣu/
guhaikavṛkṣādiṣu ye vasanti te pūjanīyāḥ pramathā yathāvat// YY_6.20

namo 'stu vaḥ śakrahutāśadaṇḍabhṛtkṣapācarāmbhaḥpatimātariśvanāḥ[K.nām]
kuberarudrāhisuparṇaśaktibhṛtpiśācadaityānucarāś ca ye gaṇāḥ>// YY_6.21

kusumaśaraśarīraspardhinaḥ kāmarūpā vividhasurabhivastrāḥ sragviṇo[K.vividha\-.surabhivastrasragviṇo] 'sahyavīryāḥ/
pavanasadṛśavegā mānino nityahṛṣṭās taruṇadinakaratviṭspardhitejodadhāṇāḥ>// YY_6.22

<lambakroḍā hrasvā dīrghāḥ khañjaikākṣāḥ śuṣkāḥ sthūlāḥ/
nānāpakṣivyāloṣṭrāsyā vaktrair hīnāḥ kroḍāsyāś ca>// YY_6.23

<bahuvaktraśirobhujapādadṛśaḥ kṛkalāsabhujaṃgakṛtābharaṇāḥ/
vikaṭā mukuṭotkaṭaratnabhṛtas taruṇārkataḍiddhutabhukkapilāḥ>// YY_6.24

<bhramaratamāladvipagavalābhāḥ kṣitidharameghapratimaśarīrāḥ[K.kṣitidhara\-.megha\-.pratibhaśarīrāḥ]/
aśaninipātasvanasaninādā[K.manādā] drutagamane ca sva[K.śva]sanamanogāḥ>// YY_6.25

<simuśalagadāśmaśaktiśūladrumasaśarāsanabāṇacakrahastāḥ/
kaṇaya[K.kaṇapa]parighakuntamuṣṭimāyā laguḍakuṭhāraśataghnīdhāriṇaś ca>// YY_6.26

<gṛhṇantu[K.gṛhṇīta] pramathagaṇā baliṃ sabhūtā bhūbhartrā vijigīṣuṇā niveditaṃ vaḥ/
jitvā 'rīn dviguṇam ato baliṃ vicitraṃ dāsyāmaḥ svaviṣayam etya vaḥ prasādāt>// YY_6.27

<rājā vaḥ śaraṇam upāgataḥ sabhṛtyaḥ sāmātyaḥ sasutakalatramitrabandhuḥ/
rakṣārtham manujapateḥ sahāyakṛtyaṃ kruvīdhvaṃ ripubalasaṃkṣayāya ca 'sya>// YY_6.28

<svapne nimittam athavā manujeśvarasya yac chabdam[K.chadhvam] ekatamam asya jayājayāya/
evaṃ bhavaty upakṛtaṃ sumahad bhavadbhiḥ kāryaṃ kariṣyati yathā bhavatāṃ prasādāt>//E29 YY_6.29

madayantikā 'śvagandhā madanaphalavacāmadhūni śasyante/
prathamarkṣe bharaṇīṣu ca[K.(tu)] siddhārthakabhadradāruvacāḥ// YY_7.1

nyagrodhaśirīṣāśvatthapatragandhāś ca kṛttikāsnāne/
bahubījapraśastatoyair jayārthino rohiṇīsnānam// YY_7.2

muktākāñcanamaṇisaṃyuktena 'mbhasā mṛigāṅkarkṣe/
raudre vacāśvagandhāpriyaṃgumiśrair jalaiḥ kathitam// YY_7.3

āditye gomayagoṣṭhamṛdbhir atha gauraśālibhiḥ puṣye/
siddhārthasahasradvaya[K.siddhārthadvisahasraiḥ]priyaṃgumadayantikābhiś ca// YY_7.4

valmīkaśatān mṛdbhiḥ nāge[K.sārpe] pitrye ca devanirmālyaiḥ/
pūrvāsu phalgunīṣu ca salavaṇaghṛtaśāḍvalaiḥ proktam// YY_7.5

śatapuṣpayā priyaṃgvā mustābhiś cottarāsu kruvīta/
haste sarogirimṛdā citrāyāṃ devanirmālyaiḥ// YY_7.6

svātau jalaruhakusumair aindrāgnye[K.aindrāgne] matsya[K.musta]padmakakṣaudraiḥ/
maitre saridubhayamṛdā haritālamṛdā ca māhendre// YY_7.7

bhadrāsane śamīmayapatrasahasradvayāmbubhir mūle//
samadhūkapadmamatsyaiḥ snānam aṣāḍhāsu pūrvāsu// YY_7.8

kuryād uśīracandanapadmakamiśreṇa vāriṇā vaiśve/
nadyubhayakūlasaṃgamamṛtkanakaiḥ kīrtyate śravaṇe// YY_7.9

ghṛtabhadradārumadhubhiś ca vāsave vārune ghṛtakṣaudraiḥ/
samadanaphala[K.samadanaphalaiḥ]sahadevāmbuśūkamadayantikāmiśraiḥ// YY_7.10

śrīvāsakaḥ priyaṃguś ca ''je syād uttarāsv agurugandhāḥ/
śastāḥ sapadmakośīracandanā mānavendrāṇām// YY_7.11

revatyāṃ vṛṣabhadvipaviṣāṇakośaiḥ ca sarpimadhupūrṇaiḥ[K.sasarpimadhupūrṇaiḥ]/
gorocanāñjanayutaiḥ salilaiś ca yiyāsataḥ puṃsaḥ[K.yiyāsatām puṃsām]// YY_7.12

girivalmīkanadīmukhakūladvayaśakrapādamṛdbhir ataḥ/
dvipavṛṣaviṣāṇapārthivagaṇikādvārāhṛtābhiś ca// YY_7.13

giriśikharān mūrdhānaṃ valmīkamṛdā ca śodhayet[K.śocayet] karṇau/
nadyubhayakūlasaṃgamamṛdbhiḥ prakṣālayet pārśve// YY_7.14

indrasthānād grīvāṃ bāhū karivṛṣabhayor vishāṇāt[K.vishāṇāgrāt]/
hṛdayaṃ ca[K.omitted] nṛpadvārāt[K.nṛpatidvārāt] kaṭim api veśyāghṛhadvārāt// YY_7.15

akṣatamāṣāḥ svinnāstilasahitās taṇdulā dadhi ca gavyam[K.akṣatamāṣā ādyaṃ tilasahitas taṇḍulaś ca dadhigavyam]/
vṛṣata[K.vṛṣabha]piśitaṃ mṛgasya ca pañcānām āśvinādīnām// YY_7.16

rudhiravilāpanapāyasavihaga[K.bhujaṃga]māṃsāni śāṃkarādīnām/
pitrye tilaudanaṃ ṣaṣṭikānnam ṛkṣadvaye parataḥ[K.ca tatparataḥ]// YY_7.17

prāśyāḥ priyaṃgucitrāṇḍajaphalaṃ[K.priyaṃgucitrāṇḍajāḥ palaṃ] yāvakaṃ kulatthāś ca/
madhusasarpiṣī[K.madhusarpiṣī] ca hastān mūlāny āpaḥ [mūlāmbhaḥ] saktavo 'pi[K.omitted] mūlāt// YY_7.18

śravaṇādīnāṃ adyāt[K.bhakṣyāḥ] śāliśākaṃ[K.śāliḥ śākaṃ] biḍālamāṃsaṃ ca/
ājaṃ yatheṣṭamāṃsaṃ ca śaktavo[K.susaktavo] māṣasaṃpṛktāḥ// YY_7.19

prācīṃ gajena yāyād rathena yāmyāṃ hayena vāruṇyām/
narayānenodīcīṃ sarvaṃ datvā digīśāya// YY_7.20

prācyādi ghṛtaṃ tilaudanaṃ matsyāṇ kṣīraṃ iti pradakṣiṇam/
adyān nrpatir yathādiśaṃ nakṣatrābhihitaṃ ca siddhaye// YY_7.21

asvādu cyutamakṣikānuviddhaṃ[K.cyutakacamakṣikānuviddhaṃ]
durgandhi kṣayakṛd abhūri yac ca daghdam/
susvinnaṃ śuci[K.mṛdu] ruciraṃ mano 'nukūlaṃ
svādv annaṃ bahu vijāya[K.ca jayāya] yānakāle//E22 YY_7.22

vedī śubhā śulva[K.śilpa]vidhānadṛṣṭā diksthānamānābhydhikā[K.dik\-.sthāna\-.mānānadhikā] na hīnā/
bhraṣṭapramāṇa[K.bhraṣṭā pramāṇena] prakaroti[K.karoti] bhaṅgaṃ digvakrasaṃsthā ca na[K.na ca] siddhidā syāt// YY_8.1

prāgbhāgahīnā nagarasya neṣṭā purodhasāṃ[K.purodhaso] dakṣiṇabhāgavakrā/
narendrajāyāśubhadā parasyām udag baleśasya nṛpasya madhye// YY_8.2

sattvair alīḍhaṃ na pipīlamakṣikāmalāvilaṃ vā[K.tad] vijayapradaṃ haviḥ/
dravyāṇy anūnāni paṭuḥ purohito juhoti samyag vijayāya bhūbhṛtām// YY_8.3

gandhamālyacarukumbhabhājanasrukkuśavyajanasarpiṣāṃ yadā/
bhaṅgavismṛtinipātahīnatā pārthivasya na bhavet tadā śubham[K.tadā bhavec chivam]// YY_8.4

śāntāyāṃ diśi yadi śaṅkhatūryaśabdāḥ saptīnāṃ plutamibhabṛṅhitāni[K.rutagajabṛṃhitāni] vā syuḥ/
puṃsāṃ vā pramuditaceṣṭitapralāpāḥ śrūyante yadi ca jayo 'sti homakāle// YY_8.5

apratirathaḥ samasto yātrāliṅgas tathā 'bhayaś ca[K.'bhayasya] gaṇaḥ/
svastyayanaśarmavarmā 'parājitāḥ puṣpasaṃjñāś ['parājitā ''yuṣyasaṃjñāś] ca// YY_8.6

indraś candraś citi[K.candreti] gaṇo yat[K.yaṃ] te candraś ca bhūtabhūteti/checked
sūktaṃ mahāvyāhṛtayo mantrāśīrvaiṣṇavā[K.sūktamahāvyāhṛtayaḥ prājāpatyāś ca ye] mantrāḥ// YY_8.7

prājāpatyāś coktā home[K.uktāḥ kāle (lacuna) rājño] nirgacchato 'nu gamane ca/
agnipurohitasaṃsthāny ato[K.home 'gniprohitasaṃsthāni] nimittāni vakṣyāmi[K.gṛhṇīyāt]// YY_8.8

kṛte 'pi yatne 'tikṛśaḥ [ū.'pi kṛZaḥ] kṛśānur yātavyakāṣṭhāvimukho natārciḥ/
vāmīkṛtāvartaśikho [ū.vāme kṛtāvartaśikho] 'tidhūmo vicchinnasākampavilīnamūrtiḥ// YY_8.9

śimaśimāyati[K.śimiśimāyati,ū.simisimāyati] yasya [ū.cāsya] havir hutaṃ sura\-.dhanuḥ\-.sadṛśaḥ kapiśo [ū.kapilo] 'thavā/
rudhirapītakababhruharicchaviḥ paruṣamūrttir aniṣṭakaro 'nalaḥ// YY_8.10

śvakharakarabha [ū.kharakarabhaka]vānarānurūpo nigaḍavibhīṣaṇaśastrarūpabhṛd vā/
śavarudhiravasāsthivasta[K.ū.majja]gandho hutabhug aniṣṭaphalaḥ sphuliṅgakṛc ca// YY_8.11

carmavipāṭanatulyaninādo jarjaramandavi[K.mandravi,ū.dardura]rūkṣaravo vā/
ākulayaṃś ca purohitasabhyān [ū.purohitamartyān] dhūmacayair[K.ū.dhūmalavair] aśivāya [ū.na śivāya] hutāśaḥ// YY_8.12

svāhāvasānasamaye svayam ujjvalārciḥ snigdhapradaksiṇaśikho[K.snigdhaḥ pradaksiṇaśikho] hutabhug nṛpasya/ YY_8.13ab-K.14ab

gaṅgādivākarasutājalacāruhārāṃ dhātrīṃ samudrarasanāṃ vaśagāṃ karoti// YY_8.13cd-K.14cd

hārakundakusumendu[K.ū.kumudendu]saṃnibhaḥ saṃhato 'ṅgasukhado mahodayaḥ/
aṅkuśābjajalavāraṇacchavir[K.ū.aṅkuśātapanivāraṇākṛtir] hūyate 'lpatapasāṃ na [ū.'lpa upamāna] havyabhuk// YY_8.14

cāmīkarāśokakirīṭaratna[K.kuraṇṭakābja]vaidūryanīlotpalasaṃnibhe 'gnau/
na dhvāntam antar bhavane 'vakāśaṃ karoti ratnāṃśuhṛtaṃ[K.hataṃ] nṛpasya// YY_8.15

yeṣāṃ rathaughārṇavameghadantināṃ samaḥ svano[K.samasvano] 'gnir yadi vā 'pi dundubheḥ/
teṣāṃ madāndhebhaghaṭāvaghaṭṭitā bhavanti yāne timirābilā [timiropamā] diśaḥ// YY_8.16

dhvajakumbhahayebhabhūbhṛtām anurūpe vaśam eti bhūbhṛtām/
udayāstadharādharādharā himavadvindhyapayodharā dharā// YY_8.17

dviradamadamahīsarojalājair ghṛtamadhunā[K.ghṛtamadhunoś] ca hutāśane sagandhe/
praṇatanṛpaśiromaṇiprabhābhir bhavati puraś churitā nṛpasya dīptiḥ[K.puraś churiteva bhūr nṛpasya]// YY_8.18

agnyāśritaṃ yat phalam uktam asmiṃs nṛjātakarmādiṣu[K.taj jātakarmādiṣu] pauṣṭikeṣu/
yajñeṣu sarveṣu ca vahnikāryeṣv evaṃ vaded yasya yathānurūpam//E19 YY_8.19

janmarkṣam ādyaṃ daśaman tu karmaṃ[K.daśamaṃ ca karma] sāṃghātikaṃ ṣoḍaśam ṛkṣam ādyāt/
aṣṭādaśaṃ syāt samudāyasaṃjñaṃ vaināśikaṃ viṃśatibhāt tṛtīyam[K.viṃśatibhis tribhiś ca]// YY_9.1

yat pañcaviṃśaṃ khalu mānasaṃ tat ṣaḍṛkṣa evaṃ puruṣas tu sarvaḥ/
rājño navarkṣāṇi vadanti jātideśābhiṣekaiḥ sahitāni tāni// YY_9.2

rājño 'bhiṣekarkṣam uśanty amiśraṃ sādhāraṇe dve saha ṣaḍbhir ādyaiḥ/
kimtv atra doṣāś ca guṇāś ca sarve pradhānam ekaṃ puruṣaṃ bhajante// YY_9.3

kūrmopadiṣṭāni hi deśabhāni rājño 'bhiṣekāhani ca ''bhiṣekam/
yā jātayaś bhasya[K.ca 'pi] bhavanty atas tā vargāṃś ca vakṣyāmi yathākrameṇa[K.vakṣyāmi daivajñanirākulārtham]// YY_9.4

pūrvātrayaṃ sānalam agrajānāṃ rājñāṃ tu puṣyeṇa sahottarāṇi/
sapauṣṇamaitraṃ pitṛdaivataṃ ca prajāpater bhaṃ ca kṛṣīvalānām// YY_9.5

ādityahastābhijidāśvināni vaṇigjanānāṃ pravadanti bhāni/
mūlatrinetrānilavāruṇāni bhāny ugrajāteḥ prabhaviṣṇutāyāḥ// YY_9.6

saumyendra[K.aindra]citrāvasudaivatāni sevājanasvāmyam upāgatāni/
sārpaṃ viśākhāśravaṇe bharaṇyaś cāṇḍālajāter abhinirdiśanti[K.iti nirdiśanti]// YY_9.7

raviravisutabhogam āgataṃ kṣitisutabhedanavakradūṣitaṃ/
grahaṇagatam atho 'lkayā hataṃ niyatamukhākara[K.niyatam uṣākara]pīḍitaṃ ca yat// YY_9.8

tad upahatam iti pracakṣate prakṛtiviparyayajātam[K.yātam] eva vā/
nigaditapara[K.pari]vargadūṣitaṃ[K.dūṣaṇaṃ] kathitaviparyayagaṃ samṛddhaye// YY_9.9

rogābhiyāgamavittanāśakalahā[K.rogābhiyāgamavittanāśakalahāḥ] sampīḍite janmabhe
siddhiṃ karma na yāti karmaṇi hate bhedās tu sāṃghātike/
dravyasyopacitasya sāmudayike saṃpīḍite saṃkṣayo
vaināśe tu bhavanti kāyavipadaś cittāsukhaṃ mānase// YY_9.10

nirupadrutabho nirāmayaḥ sukhabhāg puṣṭatanur[K.naṣṭaripur] dhanānvitaḥ/
ṣaḍupadrutabho vinaśyati tribhir anyaiś ca saha 'vanīśvaraḥ// YY_9.11

na bhavati śarīrapīḍā yasya vinā śāntibhir bhapīḍāyām/
tasya śarīravipattiḥ pākānte devalaḥ prāha// YY_9.12

sarveṣāṃ pīḍāyāṃ dinam ekam upoṣito 'nalaṃ juhuyāt/% VḍhP 1.89.1--13
sāvitryā kṣīrataroḥ samidbhir amaradvijānuraktaḥ[K.rataḥ]// YY_9.13

gokṣīrasitavṛṣabha[K.vṛṣa]śakṛnmūtraiḥ patraiś ca pūrṇakośāyāḥ/
snānaṃ janmani duṣṭe svācāravatāṃ harati pāpam// YY_9.14

karmaṇi madhughṛtahomo daśāham akṣāramadyamāṃsādaḥ/
dūrvāpriyaṃgusarṣapaśatapuṣpaśatāvarīsnānam// YY_9.15

sāṃghātike 'bhitapte[K.tu tapte] māṃsamadhukrauryamanmathāṃs tyaktvā/
snāto[K.dānto] dūrvāṃ juhuyād dānaṃ dadyād yathāśakti// YY_9.16

sāmudayike 'pi[K.tu] dadyāt kāñcanarajatāny upahate[K.upadrute] dhiṣṇye/
vaināśike 'nnapānaṃ vasudhāṃ ca guṇāṇvite dadyāt// YY_9.17

mānasatāpe homaḥ saroruhaiḥ pāyasair dvijāḥ pūjyāḥ/
gajamadaśirīṣacandanabalātibalavāriṇā snānam//E18% ḥere Kern's version ends. YY_9.18

ārirādhayiṣuṇā narādhipaṃ vāraṇāśritam idaṃ śubhāśubham/
jñeyam ādaravatā vipaścitā vāraṇeṣu nṛpater jayasthitiḥ// YY_10.1

sārddhaṃ hastaśataṃ dairghyā sāvaṃśaṃ vipulā śatam/
caturastrā 'thavā vṛttā vārī vāraṇavṛddhidā// YY_10.2

daśāvagāhena karā vistīrṇā daśa copari/
adhaḥkhātasya padavī hastamātrā prakīrtitā// YY_10.3

karttavyaṃ pūrvato dvāram uttaraṃ vā śubhāvaham/
dakṣiṇaṃ paścimaṃ vā 'pi na karttavyaṃ kathañ cana// YY_10.4

meḍhakastambhamāt tṛṇāṃ vṛkṣāgraṃ nāvanau kṣipet/
pūrvāprāc cottarāgrāc ca saṃyojyā nityam argalā// YY_10.5

daśa vistārato dvāraṃ pārśvayos tasya mātṛkāḥ/
caturdaśa karotsedhā niḥkhātya caturaḥ karān// YY_10.6

ṣaṭ ṣaṇmeḍhāntarasthāś ca meḍhakāḥ pañca pañca ca/
caturhastanikhātās te samucchrāyān vadāmy ataḥ// YY_10.7

ṣaṭ saptāṣṭanavotsedhā daśa veti yathākramam/
nava vā daśa vā vedhā mātṛkā yāḥ ṣaḍaṅgulāḥ// YY_10.8

vedhahānyāvaśeṣāḥ syur mātṛkāḥ kramaśo 'parāḥ/
iti dvārasamāso 'yaṃ vāryyās saṃparikīrttitaḥ// YY_10.9

madhvābhadantāḥ suvibhaktadehā na copadigdhā na kṛśāḥ kṣamāś ca/
gātraiḥ samaiś cāpasamānavaṃśā vārāhatulyair jaghanaiś ca bhadrāḥ// YY_10.10

vakṣo 'tha kakṣā valayaḥ ślathaś ca lambodaras tvagvṛhatī galaś ca/
sthūlā ca kukṣiḥ saha mecakena saiṃhī ca dṛgmandamataṅgajasya// YY_10.11

mṛgās tu hrasvādharabālameḍhrās tanvaghrikaṇṭhadvijahastakarṇāḥ/
sthūlekṣaṇāś ceti yathoktacihnaiḥ saṅkīrṇanāgā vyatimisracihnāḥ// YY_10.12

pañconnatiḥ sapta mṛgasya dairghyam aṣṭau ca hastāḥ pariṇāhamānam/
ekadvivṛddhāv atha mandabhadrau saṃkīrṇanāgo 'niyatapramāṇaḥ// YY_10.13

bhadrasya varṇo harito madasya mandasya hāridrikasannikāśaḥ/
kṛṣṇo madaś cābhihito mṛgasya saṃkīrṇanāgasya mado vimiśraḥ// YY_10.14

sthapatir ataḥ prayato gajaśālāṃ narapatimandiradaksiṇabhāge/
avaniguṇān avalokya vidadhyāt kṛtabalihomasurācanaśāntiḥ// YY_10.15

yātudhānaditisarpasaṅkulā sannikṛṣṭavibudhadvijālayā/
śarkarāsthicayabhasmadūṣitā pārthivadviradadoṣadā mahī// YY_10.16

kiñcid abhyunnatā bhūḥ praśastadrumā gobhir adhyāsitā sādhu madhye samā/
bhūritoyā 'ghanā hṛddṛgāhlādinī śalyadoṣair vinā sānunādasvanā// YY_10.17

snigdhapallavadrumā pradakṣiṇāmbuvāhinī/
svarāṣṭravṛddhidā mahī hitā 'tha nāgavājinām// YY_10.18

bhadramandamṛgamiśradantināṃ śvetaraktakanakopamāsitāḥ/
bhūmayo dviradapuṣṭivṛddhidā bhūbhṛtām api yaśaḥ sukhāvahāḥ// YY_10.19

jyeṣṭhā caturviṃśatir eva hastā dvidvyūnite madhyajaghanyaśāle/
vistāratas taddviguṇāś ca dīrghāstambhāś ca vistārasamucchritāḥ syuḥ// YY_10.20

jyeṣṭho 'ṅgulāni bahulo daśaṣaḍyutāni madhyas tu pañcadaśa kanyas?o 'ṅgulonaḥ/
stambhapramāṇavipulāḥ kramaśo niṣaṅgāḥ proktāṅgulārddhasadṛśaṃ bahulatvam eṣām// YY_10.21

sarvāsu śālāsu ca kaṇṭakasya hasto 'rdhayuktaḥ pariṇāha uktaḥ/
kaṇṭapramāṇena samunnataś ca talapravandho dṛḍhadārubandhaḥ// YY_10.22

alindabhittau tu gavākṣakeṣu kuryād guṇadvārakajālakāṃś ca/
nirbyūhayuktāsu ca vedikāsu kāryā bibhūṣā parito mayoktā// YY_10.23

kamalotpalahaṃsayugapramathaiḥ pramadāyugapatravihaṅgaghaṭaiḥ/
vividhais tarubhiḥ saśukabhramaraiḥ phalapallavapuṣpabharāvanataiḥ// YY_10.24

vyālakakuñjaramatsyamṛgendraiḥ kandamrṇālalatāṃkuraśobhaiḥ/
vāricaraiś ca citā makarādyaiḥ śikṣitaśilpivinirmitarūpā// YY_10.25

dvārocchrāyāḥ kuñjarāṇām atulyā vistāro 'sya tryaṃśahīnaḥ sa eva/
hīno bhūyaś cātmaṣaṣṭhāṃśakena śālād dvāraṃ prāgudak ca praśastam// YY_10.26

vicitranirvyūhamṛgendrapañjaraṃ kapāṭameḍhārgalasuprayojitam/
suvedikālaṅkṛtam īkṣaṇapriyaṃ praveśanaṃ nirgamanāya cāparam// YY_10.27

candanārjunaśirīṣamadhūkā devadārusaralāñjanaśālāḥ/
rohiṇīkhadiracampakaśākāḥ syandanaś ca sakadambaviśokāḥ// YY_10.28

śītāḥ śivāś ca dvipabandhanārtham ete drumāḥ puṣṭikarā dvipānām/
stambhārtham anye 'pi hi sāravantaḥ kāryāḥ praśastā guṇasaṃprayuktāḥ// YY_10.29

pūrvābhimukho nibadhyate yaḥ kṣipraṃ sa karoti vikramam/
rājñas samareṣv anirjito dīrghaṃ cāyur avāpnuyād gajaḥ// YY_10.30

dakṣiṇadigvadanasya ca bandho jīvitanāśakaro dviradasya/
dhānyadhanakṣayam āśu ca kuryān mantrijanasya narādhipateś ca// YY_10.31

paścān mukhaṃ bandham avāpya nāgo nityaṃ bhaved roganipīḍitāṅgaḥ/
nāśañ ca vittasya karoti rājñas tasmāt sa yāmyāparadigvivarjyaḥ// YY_10.32

udaṅmukhaṃ bandham upaiti nāgo yo 'rthasya vṛddhiṃ sa karoti bhartuḥ/
prāpnoti puṣṭiṃ cirajīvitāñ ca saṃgrāmakāleṣv aparājayañ ca// YY_10.33

suṣirordhvaśuṣkakoṭarakolākṣapranthibahulaśūlāgrāḥ/
madhunilayamūlahīnāgrakuñjaballīvraṇānugatāḥ// YY_10.34

vāmāvarttaḥ śṛṅgī kuṇilo 'vanato 'nujātaviddhaś ca/
pitṛvanajaḥ sthūlāprastrikubjako drāṇikāvahutaḥ?// YY_10.35

sthūlagranthir vajreṇa cūrṇitaś cāśubhapradāḥ/
sarve bandhārthe nāgānām ataḥ phalāni pravakṣyāmi// YY_10.36

māsān ṣaḍūrdhvasuṣire stambhe ca bandhamāsādya/
maraṇam upayāti nāgo nipīḍito vātarogeṇa// YY_10.37

mriyate koṭaraviddhe kolākṣe 'ndhatvam āpnuyād nāgaḥ/
kṣutpīḍāṃ granthicite mṛtyuṃ śūlena śūlāgre// YY_10.38

mūlāgrakubjahīneṣu maraṇam abdāt sahaiva hastinyāḥ/
śṛṅgini mṛtyur madhudūṣite ca maraṇaṃ kṛmigadena// YY_10.39

gātrasya bhavati bhaṅgo ballīduṣṭe ghrāṇāvakīrṇe ca/
vāmāvartte nṛpater vinaśyate vāhanaṃ sarvam/ YY_10.40

mṛdgarbhe kuṇilākhye nṛpateḥ samahājanasya maraṇāya/
nāgasya tu trikubje bhavati badho yudhyataḥ stambhe// YY_10.41

anujātaviddhabaddhaḥ sukumāro vāraṇo maraṇam eti/
varṣadvayena mṛtyuḥ pitṛvanajāte nibaddhasya// YY_10.42

sthūlāgrānatayor maraṇam eti māse 'ṣṭame mahāmātraḥ/
dviradasya kṣutpīḍā baddhasya droṇikābahule// YY_10.43

sthūlagranthir visphoṭamṛtyukṛd dantino dvitīye 'bde/
aśanihate vijñeyaḥ ṣaṇmāsād dantināṃ mṛtyuḥ// YY_10.44

pradakṣiṇāvarttamanojñavṛtasusnigdhaṛjvavraṇasāravantaḥ/
doṣair vihīnā vijayāya śuddhāḥ stambhā dvipānāṃ balapuṣṭidāḥ syuḥ// YY_10.45

yaḥ sampātaḥ karṇasūtra?dvayasya tasmād dhastaṃ sārddham utsṛjya kāryaḥ/
diśy aiśānyāṃ bandhanārthaṃ dvipānāṃ stambho rājñaḥ śreyase dantinaś ca// YY_10.46

āgneyyāṃ dvipamaraṇaṃ nṛpārthahānir nairṛtyāṃ samaraparābhavārthanāśau/
mārutyāṃ bhavati mataṅgajasya rogaḥ stambho 'taḥ śivadiśi ropitaḥ śivāya// YY_10.47

jyeṣṭho daśocco nava madhyamaś ca stambho 'ṣṭahastaḥ kathitaḥ kanīyān/
sarve nikhātāś caturaś ca hastān mānādhikonāś ca śivāya na syuḥ// YY_10.48

syād viṃśatir dvitricaturvihīnā mūle 'ṅgulānāṃ pṛthutā krameṇa/
dvyūnāni tāny eva hi mastake syuḥ paryantaveṣṭā triguṇāni tāni// YY_10.49

tāmrauṣṭhatāluvadanāḥ kalaviṅkanetrāḥ snigdhonnatāgradaśanāḥ pṛthulāyatāsyāḥ//(Bṝ 21.2, Bṣ 66.6)
cāponnatā yatanigūḍhanimagnavaṃśās tanvekaromacitakūrmasamānakumbhāḥ// YY_10.50

vistīrṇakarṇahanunābhilalāṭaguhyāḥ kūrmonnatair dvinavaviṃśatibhir nakhaiś ca/(Bṝ 21.3, Bṣ 66.7)
rekhātrayopacitavṛttakarāḥ suba?lā dhanyāḥ sugandhimadapuṣkaramārutāś ca// YY_10.51

dīrghāṅguliraktapuṣkarāḥ sajalāmbhodaninādavṛṃhiṇaḥ/(Bṝ 21.4, Bṣ 66.8)
bṛhadāyatavṛttakandharā dhanyā bhūmipater mataṅgajāḥ// YY_10.52

nirmadābhyadhikahīnanakhāṅgān kubjavāmanakameṣaviṣāṇān/(Bṝ 21.5, Bṣ 66.9)
dṛśyakośaphalapuṣkaradīnān śyāvanīlaśavalāsitatālūn// YY_10.53

svalpavaktraruhamatkuṇaṣaṇḍhān hastinīñ ca gajalakṣaṇayuktām/(Bṝ 21.6, Bṣ 66.10)
garbhinīñ ca nṛpatiḥ paradeśaṃ prāpayed atibirūpaphalās te// YY_10.54

dantamūlapariṇāhadīrghatāṃ dviḥpramucya parato 'sya kalpayet/(Bṝ 21.7)
śyāvapū?timalaraktadarśanaṃ pāpasattvasadṛśaṃ ca pāpadam// YY_10.55

pārthivopakaraṇākṛtiṃ yadā cihnam udvahati kalpite rade/(Bṝ 21.8)% hn B
śrījayārthavalavṛddhayas tadā snigdhaśuklarucirāś ca śobhanāḥ// YY_10.56

dakṣiṇe śubham atīvaśobhana pāpam apy ativirūpam anyataḥ/(Bṝ 21.9)
jāpyatā bhavati tad viparyaye vistaro 'nyamunibhiḥ prakīrttitaḥ// YY_10.57

mūlamadhyadaśanāgrasaṃsthitā devadaityamanujāḥ kramāt tataḥ/(Bṝ 21.10)
sphītamadhyaparipelavaṃ phalaṃ śīghramadhyacirakālasaṃbhavam// YY_10.58

dantabhaṅgaphalam atra dakṣiṇe bhūpadeśabalavidravapradam/(Bṝ 21.11)
vāmataḥ sutapurohite bhayaṃ hanti bhṛtyajanadāranāyakān// YY_10.59

ādiśed ubhayabhaṅgadarśanāt pārthivasya sakalaṃ kulakṣayam/(Bṝ 21.12)
saumyalagnatithibhādibhiḥ śubhaṃ varddhate śubham ato 'nyathāparam// YY_10.60

kṣīramiṣṭaphalapuṣpapādapaiś cāpagātaṭavighaṭṭanena vā/(Bṝ 21.13)
vāmamadhyaradabhaṅgakhaṇḍanaṃ śatrunāśakṛd ato 'nyathāparam// YY_10.61

skhalitagatir akasmāt trastakarṇo 'tidīnaḥ śvasiti mṛdu sudīrghaṃ nyastahastaḥ pṛthivyām/
drutamukulitadṛṣṭiḥ svapnaśīlo vilomo bhayakṛd ahitabhakṣī naikaśo 'sṛak śakṛtkṛt// YY_10.62

valmīkasthāṇugulmekṣutaruvimathanaḥ svecchayā hṛṣṭadṛṣṭir
yāyād yātrānulomaṃ tvaritapadagatir vaktram unnāmya coccaiḥ/
kakṣyāsadmāhakāl janayati ca muhuḥ śīkaraṃ bṛṃhate vā
tatkālaṃ vā madāptir jayakṛd atha radaṃ veṣṭayan dakṣiṇaś ca// YY_10.63

praveśanaṃ vāriṇi vāraṇasya grāheṇa nāśāya bhaven nṛpasya/
grāhaṃ gṛhītvāt taraṇaṃ dvipasya toyāt sthale vṛddhikaraṃ nṛbhartuḥ// YY_10.64

raṇe jitvā śatrūn bhavati nṛpalakṣmīḥ kṣitibhṛtāṃ
jayas teṣāṃ yeṣāṃ madamalinagaṇḍāḥ karivarāḥ/
bhinaty eko mattaḥ paravalamamattebhabahulaṃ
yato 'to 'haṃ vakṣye karimadakaraṃ dravyanicayam// YY_10.65

jātīguḍūcīkadalītilānām āsphotakarpāsavalānvitānām/
mārgī sanīlīgirikarṇikānāṃ dhattūskasyandanamāṣabhāgaḥ// YY_10.66

kalambukā karṇakamāpaparṇīṃ punarnavā bhṛṅgarajo 'śvagandhāḥ/
śephālikāṃsoṭakakacchurāś ca kośātakī gokṣurakaṃ vidārī// YY_10.67

viṣṇukrāntā dugdhikā śālaparṇī khaṭvāpādī vākucī vastagandhā/
vyāghrī ca syāt pṛṣṇiparṇī mṛṇālaṃ paṭorakaḥ sallakī tandulīyaḥ// YY_10.68

etair yathāsaṃbhavasamprayuktair mattasya nāgasya madābhivṛddhiḥ/
dānapramedaś ca madojjhitasya sarvāṅgaśobhā ca mukhe 'tiriktā// YY_10.69

jīvakamadhūkadhanvanapaṭerakaṅkolakadaliṛṣabhāṇām/
saubhāñjananimbeṅgudaparuṣakāṇāñ ca mūlāni// YY_10.70

mūlāni śatāvaryāḥ kākolī kṣīrasaṃjñakākolī/
śleṣmāntakaśālmaliśallakījaṭāḥ syur bimdāyaś ca// YY_10.71

kāśīsāśmantakarājamāṣamūlāni caivam etāni/
sarvāṇi vaktraśābhāṃ janayanti sadaiva nāgānām// YY_10.72

nīlīpatraiś cūrṇitair māṣacūrṇo dadhnā yukto māhiṣeṇaiva piṇḍaḥ/
nāgendrāṇām āśu ghatte madāptiṃ nīlyekaiva dravyavarge pradhānā// YY_10.73

ekaiva karoti kākajaṅghā hy ekekaiva ca māṣamudgaparṇī/
tāmbūlavanārdravṛścikālṣaś caikaikā madadās tathaiva mustāḥ// YY_10.74

kārpāsyekā cañcusaṃyojitā vā jñeyā caikā kaṇṭakī śailikākhyā/
ekaḥ śasto balkalaḥ sphūrjakasya jātī bhṛṅgenānvito vā kuṭheraḥ// YY_10.75

evam eveṅgudīmūlaṃ madaprācuryakārakam/
ekā ca śvetakāmbojī śvetā caikā 'parājitā// YY_10.76

samūlo vīraṇastambaḥ samūlā mallikā tathā/
madaprācuyasauramyaṃ kurvantīndīvarāṇi ca// YY_10.77

surasā gaṇḍasaṃyuktā punar navā gomaye 'thavā svinnā/
vārāhīmūlāni ca nindanti guḍena yuktāni// YY_10.78

madhvālukā madhuyutā mukhaśobhām ātanoti nāgānām/
nekṣvāhārasya hito guḍena piṇḍo hito dadhnā// YY_10.79

māṣāśināṃ guḍayutastṛṇāśināṃ śasyate vasāyuktaḥ/
vyatimiśrāhārāṇāṃ vijñāya balābalaṃ dadyāt// YY_10.80

prāyo madasya pavanaḥ kurute vighātaṃ srotāṃsy ato ghṛtayutair bahuśo 'sya piṇḍaiḥ/
sa svedayed bhavati yena madapravṛddhir bhinnasya cāpi madavṛddhikarāṇi dadyāt//E81 YY_10.81

dīrghagrīvākṣikūtas trikahṛdayapṛthus tāmratālvoṣṭhajihvaḥ(Bṣ 65.1)
sūkṣmatvakkeśavālaḥ suśaphagatimukho hrasvakarṇoṣṭhapucchaḥ/
jaṃghājānūruvṛttaḥ samasitadaśanaś cārusaṃsthānarūpo
vājī sarvāṅgaśuddho bhavati narapateḥ śatrunāśāya nityam// YY_11.1

utsargān na śubhadam āsanāparasthaṃ vāme ca jvalanam ato 'paraṃ praśastam/(Bṣ 92.1)
sarvāṅgajvalanam avṛddhidaṃ hayānāṃ dve varṣe dahanakaṇāś ca dhūpanaṃ vā// YY_11.2

antaḥpuraṃ nāśam upaiti meḍhre kośakṣayaṃ yāty udare pradīpte/(Bṣ 92.2)
pāyau ca pucche ca parājayaḥ syād vaktrottamāṅgajvalane jayaś ca// YY_11.3

skandhāsanāṃśajvalanaṃ jayāya bandhāya pādajvalanaṃ pradiṣṭam/(Bṣ 92.3)
lalāṭavakṣo'kṣibhuje ca dhūmaḥ parābhavāya jvalanaṃ jayāya// YY_11.4

nāsāpuṭaprothaśiro'śrupātanetre ca rātrau jvalanaṃ jayāya/(Bṣ 92.4)
pālāśatāmrāsitakarburāṇāṃ nityaṃ śukābhasya sitasya ceṣṭam// YY_11.5

pradveṣo yavasāmbhasāṃ prapatanaṃ svedo nimittād vinā(Bṣ 92.5)
kampo vā vadanāc ca raktapatanaṃ dhūmasya vā saṃbhavaḥ/
asvapnaś ca virudhyatā niśi divā nidrālasadhyānatā
sādo 'dhomukhatā viceṣṭitam idaṃ neṣṭaṃ smṛtaṃ vājinām// YY_11.6

ārohaṇam anyavājināṃ paryāṇādiyutasya vājinaḥ/(Bṣ 92.6)
upavāhya turaṅgamasya vā kalpasyaiva vipanna śobhanā// YY_11.7

krauñcavad ripuvadhāya hreṣitaṃ grīvayā tv acalayā ca sonmukham/(Bṣ 92.7)
snigdham uccam anunādi hṛṣṭavad grāsaruddhavadanaś ca vājibhiḥ// YY_11.8

pūrṇapātradadhivipradevatā gandhapuṣpaphalakāñcanādi ca/(Bṣ 92.8)
dravyamiṣṭam athavāparaṃ bhaved hreṣatā yadi samīpato jayaḥ// YY_11.9

bhakṣyapānakhalinābhinandinaḥ patyur aupayikanandino 'thavā/(Bṣ 92.9)
savyapārśvagatadṛṣṭayo 'thavā vāñchirārthaphaladās turaṅgamāḥ// YY_11.10

vāmaiś ca pādair abhitāḍayanto mahīṃ pravāsāya bhavanti bharttuḥ/(Bṣ 92.10)
sandhyāsu dīptām avalokayanto hreṣanti ced vandhaparājayāya// YY_11.11

atīva hreṣanti kiranti bālān nidrāratāś ca pravadanti yātrām/(Bṣ 92.11)
romatyajā dīnakharasvarāṃś ca prāṃśūn grasantaś ca bhayāya diṣṭāḥ// YY_11.12

samudgavad dakṣiṇapārśvaśāyinaḥ pādaṃ samutkṣipya ca dakṣiṇaṃ sthitāḥ/(Bṣ 92.12)
jayāya śeṣeṣv api vāhaneṣv idaṃ phalaṃ yathāsaṃbhavam ādiśed budhaḥ// YY_11.13

ārohati kṣitipatau vinayopapanno yātrā 'nugo 'nyaturagaṃ prati hreṣitaś ca/(Bṣ 92.13)
vakreṇa vā spṛśati dakṣiṇam ātmapārśvaṃ yo 'śvaḥ sa bhartur acirāt pracinoti lakṣmīm// YY_11.14

muhurmuhur mūtraśakṛt karoti na tāḍyamāno 'py anulomayāyī/
akāryabhīto 'śruvilocanaś ca śivaṃ na bharttus turago 'bhidhatte//E15 YY_11.15

aṅgulaśatārddham uttama ūnaḥ syāt pañcaviṃśatiḥ khaḍgaḥ/(Bṣ 49.1)
aṃgulamānāj jñeyaḥ samāṃgulastho vraṇaḥ śubhadaḥ// YY_12.1

śrīvṛkṣavardhamānātapatraśivaliṅgakuṇḍalābjānām/(Bṣ 49.2)
sadṛśā vraṇāḥ praśastā dhvajāyudhasvastikānāṃ ca// YY_12.2

kṛkalāsakākakaṅkakravyādakabandhavṛścikākṛtayaḥ/(Bṣ 49.3)
khaḍge vraṇā na śubhadā vaṃśānugatāḥ prabhūtāś ca// YY_12.3

sphuṭito hrasvaḥ kuṇṭho vaṃśacchinno na dṛṅmano 'nugataḥ/(Bṣ 49.4)
asvara iti cāniṣṭaḥ proktaviparyasta iṣṭaphalaḥ// YY_12.4

kvaṇitaṃ maraṇāyoktaṃ parājayāyāpravarttanam kośāt/(Bṣ 49.5)
svayam udgīrṇe yuddhaṃ jvalite vijayo bhavati khaḍge// YY_12.5

nākāraṇaṃ vivṛṇuyān na vighaṭṭayec ca paśyen na tatra vadanaṃ na vadec ca mūlyam/(Bṣ 49.6)
deśaṃ na vāsya kathayet pratimānayec ca naiva spṛśen nṛpatir aprayato 'siyaṣṭim// YY_12.6

gojihvāsaṃsthāno nīlotpalavaṃśapatrasadṛśaś ca/(Bṣ 49.7)
karavīrapatrasadṛśaś candramaṇḍalāgraḥ praśastaś ca// YY_12.7

niṣpanno na chedyo nikaṣaiḥ kāryaḥ pramāṇayuktaḥ saḥ/(Bṣ 49.8)
mṛte mriyate svāmī jananī tasyāgrataś chinne// YY_12.8

yasmin tsarupradeśe vraṇo bhavet tadvad eva khaḍgasya/(Bṣ 49.9)
vanitānām iva tilakaṃ guhye vācyo mukhe dṛṣṭvā// YY_12.9

athavā spṛśati yad aṅgaṃ praṣṭā nistriṃśabhṛt tad avadhārya/(Bṣ 49.10)
kośasthasyādeśyo vraṇo 'siśāstraṃ viditvedam// YY_12.10

śirasi spṛṣṭe prathame 'ṅgule dvitīye lalāṭasaṃsparśe/(Bṣ 49.11)
bhrūmadhye ca tṛtīye netre spṛṣṭe caturthe ca// YY_12.11

nāsauṣṭhakapolahanuśravaṇagrīvāṃśakeṣu pañcādyāḥ/(Bṣ 49.12)
urasi dvādaśasaṃsthaḥ trayodaśe kakṣayor jñeyaḥ// YY_12.12

stanahṛdayodarakukṣau nābhau ca caturdaśādayo jñeyāḥ/(Bṣ 49.13)
nābhīmūle kaṭyāṃ guhye caikonaviṃśatitaḥ syāt// YY_12.13

ūrvor dvāviṃśe syād ūrvor madhye vraṇas trayoviṃśe/(Bṣ 49.14)
jānuni ca caturviṃśe jaghāyāṃ pañcaviṃśe syāt// YY_12.14

jaṅghāmadhye gulphe pārṣṇyāṃ pāde tathāṅgulīṣv api ca/(Bṣ 49.5)
ṣaḍviṃśādiṣu yāvat triṃśād iti matena gargasya// YY_12.15

putramaraṇaṃ dhanāptir dhanahāniḥ sampadaś ca vadhaś ca/(Bṣ 49.16)
ekādyaṃgulasaṃsthair vraṇaiḥ phalaṃ nirdiśet kramaśaḥ// YY_12.16

sutalābhaḥ kalaho hastilayaḥ putramaraṇadhanalābhau/(Bṣ 49.17)
kramaśo vināśavanitāpticittaduḥkhāni ṣaṭprabhṛti// YY_12.17

labdhir hānistrīlayo vadho vṛdhimaraṇaparitoṣāḥ/(Bṣ 49.18)
jñeyāś ca caturdaśādiṣu dhanahāniś caikaviṃśe syāt// YY_12.18

vittāptir anirvāṇaṃ dhanāgamo mṛtyusampado 'svatvam/(Bṣ 49.19)
aiśvaryamṛtyurājyāni ca kramāt triṃśad iti yāvat// YY_12.19

parato na viśeṣaphalaṃ viṣamasamasthāś ca pāpaśubhaphaladāḥ/(Bṣ 49.20)
kaiś cid aphalāḥ pradiṣṭās triṃśat parato 'gram iti yāvat// YY_12.20

karavīrotpalagajamadaghṛtakuṃkumakundacampakasugandhiḥ/(Bṣ 49.21)
śubhado gomūtraharitālapaṅkamedasadṛśagandhiḥ// YY_12.21

kūrmavasā 'sṭakakṣāropamaś ca bhayaduḥkhado bhavati gandhaḥ/(Bṣ 49.22)
vaidūryakanakavidyutprabho jayārogyavṛddhikaraḥ// YY_12.22

idam aiśanasañ ca śastrapānaṃ rudhireṇa śriyam icchataḥ pradīptām/(Bṣ 49.23)
haviṣā guṇavat sutābhilipsoḥ salilenākṣayam icchataś ca vittam// YY_12.23

vaḍavoṣṭrakareṇadugdhapānaṃ yadi pāpena samīhate 'rthasidhiḥ/(Bṣ 49.24)
jhaṣapittamṛgāśvavastadugdhaiḥ karihastacchidaye satālagarbhaiḥ/ YY_12.24

ārkaṃ payo huḍaviṣāṇamaṣīsametaṃ pārāvatākhuśakṛtā ca yutaṃ praleṣaḥ/(Bṣ 49.25)
śastrasya tailamathitasya tato 'sya pānaṃ paścāc chritasya na śilāsu bhaved vighātaḥ// YY_12.25

kṣāre kadanyā mathitena yukte dinoṣite pāyutamāyasaṃ yat/(Bṣ 49.26)
samyak chiritaṃ cāśmani naiti bhaṅgam na cānyalauheṣv api tasya kauṣṭhyam//E26 YY_12.26

antaḥpurād vā svaniveśanād vā siṃhāsanād agniparistarād vā/
kuryān narendraḥ prathamaṃ prayāṇaṃ vipraiḥ śatāgraiḥ kṛtamaṅgalāśīḥ// YY_13.1

dvijo viṣṇukramād bhūyaṃ mantreṇānena dāpayet/
idaṃ viṣṇur vicakrama ity evaṃ pādam uddharet// YY_13.2

amukasya vadhāyeti dakṣiṇaṃ kṣitipo nyaset/% Kane V. 621
maṅgalāni tataḥ paśyan spṛśan śṛṇvan nṛpo vrajet// YY_13.3

vedāṅgavedadhvaniśaṅkhabherīmṛdaṅgapuṇyāhapurāṇaśabdāḥ/
dharmarthaśāstrāṇi ca bhārataṃ ca rāmāyaṇaṃ maṅgalakīrttanāni// YY_13.4

vācaḥ śubhāḥ sārasacāṣavarhiṇaḥ kādambahaṃsāś ca sajīvajīvakāḥ/
kākaś ca paṅkāktavarāhapṛṣṭhagaḥ śrīvṛkṣavālavyajanāni candanam// YY_13.5

gaurvatsalā 'jo rucakaḥ p(r)iyaṅgulājā nṛyuktaś ca rathāḥ patākā/
sarvauṣadhī svastikapūrṇapātrāṇy aśvo 'tha dūrvādrakagomayaṃ ca// YY_13.6

sarāṃsy aśoṣyāni saritsamudrā rudrendralokeśamahīdhranāgāḥ/
diśo graharkṣāṇi śivaḥ suparṇaḥ skando viśākho marutaś ca sādhyāḥ// YY_13.7

bhūr dvādaśārkā vasavo 'śvinau ca svāhā śācī mātṛgaṇo bhavānī/
patnyo jananyaś ca surāsurāṇāṃ sādhyogaṇāś cāpsarasaḥ savidyāḥ// YY_13.8

yakṣāḥ sasiddhā munayaḥ sajāyāḥ parjanyakampadrumamārutāś ca/
prajāpatiḥ sarvagataś ca viṣṇuḥ śivāya te bhūpa bhavantu yāne// YY_13.9

siddhārthakādarśapayoñjanāni baddhaikapaśvāmiṣapūrṇakumbhāḥ/
uṣṇīṣabhṛṅgāranṛvardhamānapuṃyānavīṇātapavāraṇāni// YY_13.10

dadhi madhu ghṛta rocanā kumārī dhvajakanakāmbujabhadrapīṭhaśaṅkhāḥ/
sitavṛṣakusumāmbarāṇi mīnadvijagaṇikāptajanāś ca cāruveṣāḥ// YY_13.11

jvalitaśikhiphalākṣatekṣubhakṣyā dviradamṛdaṅkuśacāmarāyudhāni/
marakatakuruvindapadmarāgāḥ sphatikamaṇipramukhāś ca ratnamedāḥ// YY_13.12

svayam atha racitāny ayatnato vā yadi kathitāni bhavanti maṅgalāni/
sa jayati sakalāṃ tato dharitrīṃ prahaṇadṛgālabhanaśrutair upāsya// YY_13.13

kārpāsauṣadhakṛṣṇadhānyalavaṇaklīvāsthitailaṃ vasā
paṅkāṅgāraguḍāhicarmaśakṛtaḥ keśāya savyādhitāḥ/
vāntonmattajaḍendhanatṛṇatuṣakṣutkṣāmatakrārayo
muṇḍābhyaktavimuktakeśapatitāḥ kāṣāvinaś cāśubhāḥ// YY_13.14

paṭupaṭahamṛdaṅgaśaṅkhabherīvaṇavaradaṃ sapatākatoraṇāgram/
pracurakusumatoyaśāntareṇuṃ surabhisuveṣajanaṃ vrajec ca mārgam// YY_13.15

yāny atra maṅgalāmaṅgalāni nirgacchatāṃ pradiṣṭāni/
svapneṣv apy etāni śubhāśubhāni viḍlepanaṃ dhanyam// YY_13.16

chuchundarī śūkarikā śivā ca śyāmā ralā piṅgalikā 'nyapuṣṭā/
vāmā praśastā gṛhagodhikā ca puṃsaṃjñakā ye ca patatriṇaḥ syuḥ// YY_14.1

śyeno ruruḥ pūrṇakuṭaḥ kapiś ca śrīkarṇachikkārakapippikā 'jāḥ/
strīsaṃjñakā ye ca śikhidvipau ca yāne hitā dakṣiṇabhāgasaṃsthāḥ// YY_14.2

āsphoṭitākṣveḍitaśaṅkhatūryapuṃyāhavedadhvanigītaśabdāḥ/
vāmāḥ prayāṇe śubhadā narāṇām ākranditaṃ dakṣiṇataḥ pareṣām// YY_14.3

bhāradvājyajavarhicāṣanakulāḥ saṅkīrttanād darśanāt
krośantaś ca śubhapradā na saraṭo dṛṣṭaḥ śivāya kvacit/
godhāśūkarajāhakāhiśaśakāḥ pāṣā rutālokane
dhanyaṃ kīrttanam ṛkṣavānaraphalaṃ tad vyatyayāc chobhanam// YY_14.4

nakulasya mṛgasya pakṣiṇāṃ vāmād dakṣiṇabhāgasevanam/
śubhadaṃ śvaśṛgālayor idaṃ vyatyāsena phalaṃ praśasyate// YY_14.5

cāṣo nakulaś ca vāmagau divasārdhāt parataḥ śubhapradau/
mṛgavac ca vaneṣu kukkurāḥ śatapatro 'stamaye ca dakṣiṇaḥ// YY_14.6

naṣṭāvalokanasamāgamayuddhakramaveśmapraveśam anujeśvaradarśaneṣu/
yānapratīpavidhinā śubhadā bhavanti kecij jagur gamanavan nṛpadarśaneṣu// YY_14.7

nirupahatamanojñavṛkṣasaṃsthaḥ śucirucirāvanisasyasaṃsthitāś ca/
śubhatithidivasarkṣalagnakāleṣv aśubhaphalo 'pi śubhapradaḥ pradiṣṭaḥ// YY_14.8

prabhagnaśuṣkadrumakaṇṭakeṣu śmaśānabhasmāsthituṣākuleṣu/
prākāraśūnyālayadurdṛśeṣu saumyo 'pi pāpaḥ śakunaḥ pradiṣṭaḥ// YY_14.9

aṅgāriṇī dig raviṇā pramuktā yasyāṃ ravis tiṣṭhati sā pradīptā/
pradhūmitā yāsyati yāṃ dineśaḥ śeṣāś ca śāntāḥ śubhadāś ca tāḥ syuḥ// YY_14.10

yātaṃ muktāyāṃ sāmprataṃ dīpitāyām eṣyaṃ jñeyaṃ dhūmitāyām aniṣṭam/
śāntāsv evaṃ dikṣu tatpañcamāsu pratyāsannaṃ śeṣayoḥ śāntadīptam// YY_14.11

piśitāśucibhojanaḥ pradīptas tṛṇaphalabhuk ca nisargataḥ praśāntaḥ/
ubhayaḥ kathitas tathānnabhojī diksthānodayakālataś ca cintyāḥ// YY_14.12

dvandvārttarogārditabhītamattavairārttayuddhāmiṣakāṃkṣiṇaś ca/
sīmāntanadyantaritāś ca serve na cintanīyāḥ sadasatphaleṣu// YY_14.13

rikto 'nukūlaḥ kalaśo jalārtham abhyudyataḥ siddhikaraḥ prayāṇe/
vidyārthināṃ cauryasamudyatānāṃ vaṇikkriyābhyudyaminām atīva// YY_14.14

śyāmāśyenaśaśaghnavañjalaśikhiśrīkarṇacakrāhvayāś
cāṣāṇdīrakakhañjarīṭakaśukāḥ dhvāṃkṣaḥ kapotās trayaḥ/
bhāradvājakulālakukkuṭakharā hārītagṛdhrau kapis
pheṭau kukkurapūrṇakūṭacaṭakāś coktā divāsaṃcarāḥ// YY_14.15

lomāsikā piṅgalachappikākhyau valgulyulūkau śaśakaś ca rātrau/
sarve svakālotkramacāriṇaḥ syur daśasya nāśāya nṛpān tadā vā// YY_14.16

hayanarabhujagoṣṭradvīpisiṃharkṣagodhāvṛkanakulakuraṅgaśvājagovyāghrahaṃsāḥ/
pṛṣatamṛgaśṛgālaśvāvidhākhyā 'nyapuṣṭā dyuniśam api viḍālaḥ sārasaḥ śūkaraś ca// YY_14.17

dyuniśobhayacāriṇaḥ svakāle puravanamiśracarāḥ svabhūmisaṃsthāḥ/
saphalā viphalā viparyayasthā gamanepsoḥ purapārthivāśubhās te// YY_14.18

yānaṃ dhureṇa patitaṃ bṛhatī ca kanyā garbheṇa cātimahatā purataḥ sthito strī/
āgaccha tiṣṭha viśa gacchasi vā kim arthaṃ śabdāḥ sthiraś ca gamanaṃ pratiṣedhayanti// YY_14.19

gāndhāraṣaḍjaṛṣabhāḥ khalu madhyamaś ca yāne svarāḥ śubhakarā na tu ye 'tra śeṣāḥ/
grāmau śubhāv api ca madhyamaṣaḍjasañjñau gāndhāragītam api bhadram uśanti devāḥ// YY_14.20

sarvatra pāpaṃ kṣutam uddiśanti gos tu kṣutaṃ mṛtyukaraṃ yiyāsoḥ/
mārjārarāvaskhalanaṃ ca yātur vastrasya bhaṅgaś ca na śobhanāni// YY_14.21

jalakaraśvakarau na śubhau prāgghātakaśastrakarau yamadiksthau/
ṣaṇḍhakamadyakarāv api paścāt āsanasīrakhalaiḥ saha codak// YY_14.22

dravyāṇi śuklāni turaṅgamaś ca pūrveṇa yāmyena śavaṃ samāsam/
paścāt kumārī dadhi cātiśastaṃ saumyena gobrāhmaṇasādhavaś ca// YY_14.23

yaḥ pūrṇakūṭaḥ sakarāyikākhyo vāmaḥ praśastaḥ sa ca pūrvadeśe/
kākaḥ śubho dakṣiṇataś ca teṣām anyeṣu deśeṣu viparyayeṇa// YY_14.24

vāme śasto dhanvanaḥ siddhidātā prottuṅgaś ced dhastamātram jayāya/
ākāyaś ced unnato vāmabhāge pṛthvīlābhaṃ dhanvanāgaḥ karoti// YY_14.25

naraturagagajātapatrakumbhadhvajaśayanāsanapuṣpacāmarāṇi/
vrajati yadi puro 'vamūtrya yātuḥ kṣapayati śatrubalaṃ tato narendraḥ// YY_14.26

viṣakaṇṭakiśuṣkavṛkṣaloṣṭān avamūtryāsthicitena yāti cec chvā/
na śubho 'bhimukho bhaṣan vidhunvan yudhyan gāṃ vilikhan nakhair vamaṃś ca// YY_14.27

uttānāpādaḥ svapate ca pāpo vilokya sūryaṃ viruvaṃś ca dīnam/
śuṣkāsthilābhābhimukhaś ca kaṣṭo māṃsādibhiḥ pūrṇamukhaś ca śastaḥ// YY_14.28

pūrṇānano yasya kroti cāṣaḥ pradakṣiṇaṃ svastikam eva vā khe/
lābho mahāntasya parābhavāya kālena bhaṅgo vijayo jayo 'sya// YY_14.29

kāryantu mūlaśakune 'ntaraje tad ahni vindyāt phalaṃ niyatam evam ime vicintyāḥ/
prāraṃbhayānasamayeṣu tathā praveśe grāhyaṃ kṣutan na śubhadaṃ kvacid apy uśanti// YY_14.30

krośād ūrdhvaṃ śakunavirutaṃ niṣphalaṃ prāhur eke
tatrāniṣṭe prathamaśakune mānayet pañca ṣaṭ ca/
prāṇāyāmān nṛpatir aśubhe ṣoḍaśaivaṃ dvitīye
pratyāgacchet svabhavanam ato yady aniṣṭas tṛtīyaḥ// YY_14.31

śubhaṃ daśāpākam avighnasiddhiṃ mūlābhirakṣām athavā sahāyān/
duṣṭasya saṃsiddhim anāmayatvaṃ vadanti te mānayitur nṛpasya//E32 YY_14.32

śūrakṛtāsramahākulajātāḥ svāmihitā balinaḥ kṛtayogyāḥ/
dṛṣṭaguṇā bahubāndhavamitrā nāgakarorubhujāḥ kaṭhināṅgāḥ// YY_15.1

vyāghramṛgeśvaragovṛṣanādāḥ śyenadṛśaḥ śukasannibhanāsāḥ/
kekarajihmanimīlitanetrāḥ puṇyakṛtāṃ samareṣu sahāyāḥ// YY_15.2

deśaguṇaiḥ prathitāś ca purogās te bahavo guṇalakṣaṇalakṣyāḥ/
kālabhṛto bhṛkuṭīkṛtavakrāvamabhṛto vividhāyudhahastāḥ// YY_15.3

daṇḍoragau ravisutasya raves tu cakraṃ śukrasya padmaśakaṭau garuḍo budhasya/
vyūhau tu sūcimakarau dharaṇīsutasya śyeno guroḥ śiśiragor api maṇḍalākhyaḥ// YY_15.4

vyūham ātmaśubhadagrahasya yad vidviṣām aśubhasaṃsthitasya vā/
tatprayojyam ariyojitasya vā ghātanaṃ tadaribhir balottaraiḥ// YY_15.5

raṇe pratyāsanne sadasi nṛpatir mantrividitaṃ
balotsāhaṃ kuryād ahitavalavidrāvaṇakaram/
jayaṃ no daivajñaḥ kathayati janaḥ satyavacano
nimittānīṣṭāni dvipaturagayodhādiṣu ca me// YY_15.6

abhijanayutā yūyaṃ sauryaṃ janāḥ kathayanti vo
dhanuṣi kaṇaye cakre śaktyām asau ca kṛtaśramāḥ/
mayi ca bhavatām asti snehaḥ kathan na jayo mama
dviradaturagaṃ syād ākrāntaṃ bhavadbhir idaṃ yadā// YY_15.7

bṛṃhanti heṣanti śivaṃ bruvanti dīpyanti śocanti mudānvitāś ca/
nāgāśvaviprānalaśatruyodhāḥ kaḥ saṃśayaś cātra raṇe jayasya// YY_15.8

dveṣāyanena muninā manunā ca dharmā yuddheṣu ye nigaditā viditās tu te vaḥ/
svāmyarthagodvijahite tyajatāṃ śarīraṃ lokā bhavanti sulabhā vipulaṃ jayaś ca// YY_15.9

tapasvibhir yā sucireṇa labhyate prayatnataḥ satribhir ijyayā ca yā/
vrajanti tām āśu gatiṃ manasvino raṇāśvamedhe paśutām upāgataḥ// YY_15.10

yasya tapo na janāḥ kathayanti no maraṇaṃ samare vijayañ ca/
na śrutadānamahādhanatāṃ vā tasya bhavaḥ kṛmikīṭasamānaḥ// YY_15.11

sarakṣyamāṇam api nāśam upaity avaśyam etac charīram apahāya suhṛtsutārthān/
tat kiṃ varaṃ pralapatāṃ suhṛdāṃ samakṣaṃ kiṃ nidhnataḥ parabalaṃ bhṛkuṭīmukhasya// YY_15.12

hā tāta māteti ca vedanārtthāḥ dhavaṇañ chakṛnmūtrakaphānuliptaḥ/
varaṃ mṛtaḥ kiṃ bhavane kim ājau sandaṣṭadantacchadabhīmavaktraḥ// YY_15.13

lokaḥ śubhas tiṣṭhatu tāvad anyaḥ parāṅmukhānāṃ samareṣu puṃsām/
patnyo 'pi teṣāṃ na hriyā mukhāni puraḥ sakhīnām avalokayanti// YY_15.14

śatrusainyam avadārya varttatāṃ yat sukhantu kathayāmi tādṛśam/
śṛṇvatāṃ svayaśasograpallavān digbadhūvadanakarṇapūrakān// YY_15.15

nipatati śirasi dvipasya siṃhaḥ svatanuśatādhikamāṃsarāśimūrtteḥ/
pibati ca tadasṛgmadeṣṭagandhaṃ vadanagatāṃś ca śanaiḥ prasṛjya muktān// YY_15.16

maṇikanakavibhūṣitā yuvatyo dvipaturagaṃ vasu cāmarānilaś ca/
aviralaśaśikānti cātapatraṃ bhavati na mātṛmukhasya yuddhabhīroḥ// YY_15.17

rucimatku bāhupañjare harinākṣyaḥ pravarorupīḍanam/
ramayanti vimānasaṃsthitāḥ surabadhvo 'timudā raṇārjitāḥ// YY_15.18

ekato 'sya surasundarījanaḥ śrīḥ pratīcchati yuyutsuto 'nyaḥ/
padmayā saha palāyate yaśaś caikataḥ kulakalaṅkakārakam// YY_15.19

ārāmadevakulakūpataḍāgayajñā ye vaḥ kṛtā bilasitañ ca nṛpaprasādāt/
tad vo vṛtho yadi na niśchalamājimadhye vidyullatāvikasitāni karoti vo 'siḥ// YY_15.20

citraṃ kim asmin vada sāhasaṃ vā yat svāmino 'rthe ganayanti nāsūn/
yuddhāt pranaṣṭo vidito 'rimadhye yadvāliśa staṣṭhati sāhasaṃ tat// YY_15.21

na kevalaṃ gātravibhūṣaṇāni kṣatāni śūrasya raṇe kṛtāni/
yaśastaror mūlakṛṣikṣatāni tāny eva vaṃśasya vibhūṣaṇāni// YY_15.22

bhagneṣu yodheṣv avapūrya śastrāṇy ājau pravṛttā vyasavaḥ kṛtā ye/
ūrdhvānanā vājimakhāptalokās teṣāṃ vimānāny avalokayanti// YY_15.23

yair śvamedhe 'bhihitaṃ phalaṃ vā devair dvijair vā śrutiśāstrakāraiḥ/
tair eva bhaṅge pratilomagasya pade pade vājimakhaḥ pradiṣṭaḥ// YY_15.24

svargasya mārgā bahavaḥ pradiṣṭās te kṛcchrasādhyāḥ kuṭilāḥ savighnāḥ/
nimeṣamātreṇa mahāphalo 'yam ṛjuś ca panthāḥ samare vyāsutvam// YY_15.25

dṛṣṭāiśvaryaṃ svāmigobrāhmaṇārthe tyaktāsūnāṃ saṅgare saṅgatānām/
kṛcchropāyair arjitasvargalokāḥ janmecchanti kṣipram evājilobhāt// YY_15.26

saṃmūrcchitaṃ saṃyugasaṃprahāraiḥ paśyanti suptapratibuddhatulyam/
ātmānam aṅkeṣu surāṅganānāṃ mandākinīmārutabījitāṅgāḥ// YY_15.27

jīvito 'pi nihatasya vā raṇe dharma eva hi narasya yudhyataḥ/
niścayān na maraṇāṃ hi saṅgare naiva bhīrujarāmaraḥ kvacit// YY_15.28

mānamātram avalambya yudhyate kīṭako 'pi vihago 'tha vā paśuḥ/
ko hi nāma puruṣas tyajed raṇaṃ svagamānasukhakīrttivittadam// YY_15.29

yad abhāvi na me 'sti tat kvacit sadasadbhāvi na me kva yāsyati/
iti saṃparicintya paṇḍitāḥ parasainyāni viśanty aviklavāḥ// YY_15.30

uraḥ kṛtvā vedyāṃ maṇiphalakagāḍhasthitakucaṃ bhujā vālambyair hītyamaravanitā vyomagṛhagāḥ/
apadvāreṇaivaṃ tvaritapadam atyāhur aparā hataṃ hastālaghvair harati suraloko raṇamukhāt// YY_15.31

haṃsāḍhayaṃ maṇivedikākuharakavyālaṃ bihārāmbaraṃ
nirvyūhasthitaratnacitrakanakaṃ stambhāśritaṃ vyālakam/
ghaṇṭākiṅkiṇicārucāmarayutastrīgītanṛtyānvitaṃ
bālārkopamam āviśanty abhimukhā yuddhe vimānaṃ hatāḥ//E32 YY_15.32

atra dhvajapraharaṇāny abhimantritāni kurvanti śatrukadana ripuvāhinīnām/
mantraṃ jagāda bhagavān uśanāḥ svaśāstre yal likhyate sa iha pūrvavidhikrameṇa// YY_16.1

<oṃ indro 'gnir indravajradharo 'yaṃ hariṇo 'bhiniryāya paraṃ hana hana daha daha svāhā>/
pracalitagajavājiśūrayodhaṃ samabhimukhodyataśastram abhyupetam/
abhimukhadinakṛtprabhañjanaṃ ca sthirahṛdayo 'ribala sukhaṃ nihanyāt// YY_16.2

aśubhakhagamṛgaṃ ca dakṣiṇe nipatati ketupatākabheva vā/
paruṣaviṣamamandajarjaro yadi khalu tūryaravo 'sya vāmataḥ// YY_16.3

yat pṛṣṭhataḥ seṣugajāśvayodham niṣṭhitavyūhamarātisainyam/
yasyendracāpaṃ ca lalāṭasaṃstha tat pṛṣṭhabhāgaḥ kuśalo 'bhihanyāt// YY_16.4

nārttā na bhītā na tṛṇānanāś ca vimuktaśastrāḥ prapalayamānāḥ/
kṣīṇāyudhā vājigajāvatīrṇā hy ete na badhyā na ca pīḍanīyāḥ// YY_16.5

kulaikatantuḥ śaraṇāgato vā kṛtāñjaliryaś ca vadet tava 'smi/
ayudhyamānān avagamya hanyāś na pālakān strīparirakṣitāṃś ca// YY_16.6

digdāhakṣitijarajośmavṛṣṭipātair nirghātakṣiticalanādivaikṛtaiś ca/
yuddhānte mṛgaśakunaiś ca dīptanādair no bhadraṃ bhavati jaye 'pi pārthivasya// YY_16.7

śubhā mṛgapatatriṇo mṛdusamīraṇohlādakṛd grahāḥ sphuṭamarīcayo vigatareṇudigmaṇḍalam/
yad anyam api vaikṛtan na vijayāvasāne yadā tadā sukham akaṇṭakaṃ nṛpatir atti deśaṃ ripoḥ// YY_16.8

paraviṣayapurāptau sādhudevadvijasvaṃ kulajanavanitāś ca kṣmādhipo noparundhyāt/
janapadahitayuktān pūjayet pauramukhyān śubhatithikaraṇarkṣe hṛṣṭasainyo viśoc ca// YY_16.9

dṛti manujapatir yathopadeśaṃ bhagaṇavidāṃ prakaroti yo vacāṃsi/
sa sakalamahimaṇḍalādhipatyaṃ vrajati divīva purandaro 'cireṇa// YY_16.10

alabdhalipsā prathamaṃ nṛpasya labdhasya saṃrakṣaṇasampravṛddhī/
samyak pravṛddhasya ca lābhako 'yaṃ tīrtheṣu samyak patipādanāni// YY_16.11

kendreṣu saumyair guruśukralagne pāpeṣu kendrāṣṭamavarjitesu/
prāmye sthire vā 'nidhane ca lagne gṛhaṃ viśec chrītakare 'nukūle/ YY_16.12

pauṣṇe dhaniṣṭhāsv atha vāruṇeṣu svāyambhuvarkṣeṣu triṣūttarāsu/
akṣīṇacandre śubhavāsare ca tithāv arikte ca gṛhapraveśaḥ// YY_16.13

dharmeṇa pṛthvīṃ kila pālayitvā jalāśayārāmasurālayāḍhyām/
kṛtvā sakūpāṃ citibhiś citāñ ca jayanti lokān amareśvarasya// YY_16.14

svaviṣayam upagamya mānavendro vallim upayācitakāni cādhikāni/
nigaditavidhinaiva sampradadyāt pramathagaṇāsurabhūtadevatābhyaḥ// YY_16.15

yātrāvatāra ādāv ācāraś vābhiyojyako deśaḥ/
yogādhyāyo bhiṣakabalyupahārau tathā snānam// YY_16.16

agninimittaṃ nakṣatrakaindubhaṃ lakṣaṇaṃ tathā vāryāḥ/
śālāvidhir gajeṅgitamadakaraṇaṃ vājiceṣṭā ca// YY_16.17

khaḍgavidhiḥ prasthānaṃ śākunam utsāhapuraniveśaś ca/
adhyāyasaṃpraho 'yaṃ samāsataś cātra nirdiṣṭaḥ//E18 YY_16.18

End of Yogayatra