Transkription des 'Jüngeren Sigenot'/Handschriftenfassung S2J: Berlin, Staatsbibliothek zu Berlin – Preußischer Kulturbesitz (SBB-PK), Ms. germ. qu. 768 (Abschrift des ‚Straßburger Heldenbuchs‘ – Straßburg, ehem. Stadt-/Seminarbibliothek, ohne Signatur [verbrannt] – durch Johann Jacob Jundt)

190r
Diettrich von bernne vnd ſigenott
wie er mit dem streid.
Jr hórſchafftt wellent ir betagen
ich wil uch ofen túre sagen
von stargen sturmen hartte
Die von bernne her diettrich streit
Do mit er mangen sturm er leit
wanne daʒ in got er nertte
Eʒ mohtt anderʒ nit er gan
Er reit allein von bernne
ouch durch mangen finstern tan
Daʒ múgent ir hóren gernne
liep vnd leid ym do beſchach
mit einem stargen risen
kam er in vngemach
Do der von bernne vnd hilttbrant sas
vnd su begundent reden daʒ
waʒ sú hattent erstritten
mit iren ellen hafftten hant
do sprach meister hilttbrant
jr hant nie so vil erlitten
also von dem stargen risen grin
vnd von dem vngefiegen wibe
mit der kam ich in grosse pin
Sie brohtt mich by von dem lib
do sú mich schlossʒ vnder iren ſtein
do mieste ich sin verdorben
wer uwer lip alterʒ ein
Der berner sprach vnd daʒ ist wor
190v
din leben stund also vmb ein hor
Do sú dich hatte gefangen
vnder iren ossen su dich ʒwang
Din gewer was gegen ir gar krang
Eʒ waʒ vmb dich ergangen
ich slúg ir ab daʒ hóbett ʒwor
Daʒ sú dich mieste lossen
her hilttbrant sprach vnd daʒ ist wor
ir gebein daʒ ist verwassen
vnd wo eʒ in der erden litt
do gewan ich doch nie hertern strit
by aller miner ʒitten
Eʒ ist gar ein vngefieges geschlehtt
daʒ ich mich an úch gelossen móhtt
daʒ ir nit woltten ʒu in ritten
ich seit uch von dem grósten man
vnd der daʒ leben ie gewan
sit her adams ʒitten
ich gloub daʒ nit kiener man
an dise weltt wartt geborn
Daʒ geschmid daʒ er draget an
Daʒ ist ein ittel horn
geherttet also ein ſpiegel glassʒ
Dar vff kein swert gehaffttet
fúr war so wissent daʒ
Do sprach von bernne er diettrich
hilttbrand ich bit uch flissʒ clich
daʒ du mir den risen nennest
hiltbrantt sprach ich dun sin nihtt
191r
vnd (wʒ)waʒ mir danne dar vmb beschihtt
ir gelobent mir ouch danne
daʒ ir nit wellent in den tan
ʒu dem risen ritten
do sprach der firste lobsam
ich wil ʒu allen ʒitten
gernne dinʒ rotteʒ ston
sprach hilttbrant der altte
durste ich mich dar an gelon
Jr wissent wol her ginen ſtein
do ir den stargen grinen alein
vnd sin ſwester hant erschlagen
deʒ pflegett ein rise heisset ſigenott
wenne der waʒ grinen mog
Der stellet vff vnser beider dot
vnd lit dortt an der log
wer vnder vns ʒweigen ym wider ritt
Der mieste mit ym vehtten
vnd deʒ en liessʒ er nit
Wenne grinen woltt er rechen gern
do sprach der edel font von bernne
So lossʒ vnʒ ʒu ym ritten
hiltt brant sprach ʒwor ich enwil
wanne ich gehórtt hab so vil
Sagen von sinem ſtritten
was ym der heild wider gange
Der losse er keinen genesen
vff fier ecke ist geschóp sin stange
sú mag nit scherpffer wesen
191v
daʒ man sich gar dar ynne b⟨g⟩esihtt
kument ir ʒu dem risen
jr sehent wol waʒ úch beschi[h]tt
Do sprach von ber her dietrich
hiltbrant eʒ stund vnʒ lesterlich
solttent wir nit beſehen
Deʒ stol starken risen degen heit
wo man eʒ von vnʒ beiden seit
wir liessent eʒ durch grosse vahtt
die weltt schilt vns gemeine
vnd wer er noch so herte verwahssen
So wil ich alterʒ einen
ʒú ym ritten jn den tan
vnd wer er halber stehelin
so wil ich in beston
Do sprach meister hiltebrant
daʒ wider rot ich úch ʒú hant
also ich sol von rehtte
ich hab by alln minen dagen
von sterkerm risen manheit nie gehóren sagen
beid ritter vnd knehtt
die miden alle sant den dan
vor dem ſtarken risen
Do sprach der firste lobsan
man hat mich dicke geprisen
solt min lop nún vndergan
hat ich dusent libe
su miestent dar an ston
Hiltbrant sprach nún ist mir leit
192r
daʒ ic[h] úh hab so vil geseytt
Daʒ sprach ich vff min truwe
So lont mich mit úch in den tan
vnd obe der vngefiege man
Den ſig an úch gewinne
So woltt ich in dan nach beston
Daʒ eʒ min ende were
Do sprach der firste lobesan
Do edel bernere
blip hie heime hilttebrant
ich enpfil dir an die ere
min lútte vnd ouch min lant
mit dir so ist eʒ wol bewartt
wanne ich wil eing vff die vartt
soltt ich dar vmb sterben
heisʒ mir bald bringen har
beid rossʒ schilt vnd ſper
ich wil hin selber in den tan
wenne ich wil prissʒ erwerben
an dem risen ſigenott
vnd der vnʒ beiden sament / stellet
vff vnser beider dot
ich wil ym mit ⟨meinen handen ⟩ / stritte wonen by
sol ich dar vmb sterben
ich mache in lobes fry.
Do sú ersohent sinen mútt
vnd daʒ der edel furste gútt
nit lenger woltte beliben
er woltt ritten in den walt
192v
do húp sich clage manig valt
von mannen vnd von wiben
vnd daʒ der fúrste lobsam
sich von in woltt scheiden
Die sinen diener alle sant
Die waren in grossem leide
sú sprochent here blibent hie
sulent wir úch verlieren
so geschach vns leid nie
Do sprach vil manig schóneʒ wip
went ir uwern werden lip
an einem risen so ver kóffen
Daʒ duncket vnʒ nit wolgetan
die schonen frowen wol getan
begundent ʒu yme louffen
vnd went ir wegen uwern lip
gegent eim walt hundeʒ / degen
heilt ouch an ym nie verstunt
daʒ sagent wir uch ʒu stúre
vnd wer er ouch ein edelmann
wir wolten uch deste gerner
in lossen schówen an
Do sprach von bernne er dietrich
jr schonen frowen minen clich
ob mir got deʒ heildeʒ gunde
vnd der mir ouch daʒ leben gan
vnd daʒ der vngefúgeman
isen essen kunde
ich músʒ sin degenheit besehen
Die man so hohe priset
vnd waʒ mir dar vmb beschehen
193r
Deʒ wúrde ich lihtte bewisett
so rette der firste hoch genant
sú worent in grossem leide
sine diner allesant
vnd waʒ man ym iegeriet
do wolt sich der von bernne nit
al vmb ein hor dar an keren
do daʒ ersach hilttebrant
er reich sin stelin gewant
vnd ver woffent in mit eren
er det ym mangen riemen strig
mit also gutten truwen
vff in so det er mangen blig
hiltbrant begund ruwen
nún sige eʒ got vom himel geklaget
daʒ ich uch von dem risen
so vil ie habe gesaget
wanne ich gefahtt uwer nie so ser
sich ich uch edeler furste her
ʒú eimen meister wartt gegeben
vnd ich uch daʒ beste rotten sol
fil edeler furste nún dúnt so wol
die wil ir hant daʒ leben
lont mit úh ritten einen man
der vnʒ doch kúnne gesagen
obe uch der riese freisam
ʒú dode habe erschlagen
oder wie eʒ vmb uch beide stot
193v
volgent miner lere
vil lihtt eʒ wol er got
Do sprach von bern[n]e er diettrich
also rette er geʒogenlich
vnd entwurtte ie dem alten man
ein worʒeichen gip ich dir
hiltbrand daʒ soltu wol v⟨f⟩erston
vnd solt eʒ wol behalten
kume ich nit in ahtt dagen
so bin ich ʒú dode erschlagen
doch wil uch beweren
wilttu danne din truwe an mir bewaren
so solttu mich ʒu bernne
mit eren wol bewarn
So wurt die din truwe an mir bewant
do sprach meister hiltebrant
das sol gern beschehen
sent hie min criste clich truwe
daʒ ich gernne mit úch / wer
wanne ich mússʒ besehen
wie eʒ mit den sigenotten
úch here sige ergangen
vnd hat er mich ʒú dode / er schlagen
mit siner stehelin stangen
vnd daʒ der dúfel in ym wer
so wil ich mit ym stritten
ich wurd ym liehtte ʒú schwer
Do sprach die herʒogin fron útt
nún sagen mir edeler fúrste gút
194r
wem went ir mich lossen
daʒ dún ich dem ʒartten got
mit dem sint ir gesegenot
er húp sich vff die ſtrosse
do volgen ym fir daʒ tor
dry dusent oder mere
hilttbrant der weisʒ in vff den sporn
do sprach der tegen here
hiltbrant nún kere wider in
ich en pfil dir lútt vnd lant
diett lip den brúder min
Súgingent wider vmb in die ſtat
alleʒ sin gesind got gebatt
daʒ er in sante gesunt
wider gon bernne in daʒ lant
die schonen frowen alle sant
die botten got ʒú der stunde
ach miltte mútter reine maget
behiet vns vnsern heren
der an degenheit nie verʒaget
daʒ er noch lange mit eren
ʒú bernne sitʒe noch mangen tag
sin miltte vnd ouch sin gút e⟨t⟩e
nieman durch grunden mag
Do weinttent die frowen alle ʒartt
do sprach der starcke wolffhart
lont solche clage ligen
lúge wie gehabent sich die wip
waʒ sol einʒ gúten firsten lip
194v
deʒ lop nún ist verschwigen
daʒ er in aller kristenheit
kein ofen dúre kan gesagen
vil edeler firste lobsam
ir sollent nit ferʒagen
an dem vngefúgen man
dúnt irʒ nit gernne
so wil ich in beston
her dietrich lachet vnd sach in an
er sprach wolff hart du bist ein man
ʒú nótten vsserlesen
ich getruwe got vnd siner hende
vnd siner starken elende
wil mir got genedig wesen
der dúfel sige danne in ym
ich schrotte ym sin geschmide
ist eʒ daʒ ich ſchaden von nim
wie gernne ich eʒ lide
mag ich in ouch úber kumen
so ahtt ich schaden cleine
Den ich do han genomen
sú gingent an die ʒinen ston
her hiltbrant der werd man
wal ein halb raste
nebent sim heren reit
wie vil er ym do von geseit
vnd vnder wiset in vaste
vor dem vngefúgen man
wie er sich soltte fristen
vil edeler firste lobsam
195r
ir sollent ym mit listen
entwichen vsser siner ſtang
túnt ir eʒ nit here
uwer vehtten wertt nit lang
Sin ſlege sint so grusenlich
do sprach von bernn er diettrich
hiltbrant du solt wider kern
ich wil dich nit fir bas lon
her hiltbrant der werd man
der a⟨v⟩mb fing sinen heren
nún (diẽge)dienge ich got sigehafftt
vnd daʒ uch wol gelinge
vnd daʒ deʒ úbeln dúfels krafftt
an úch nit vertringe
do schiedent sú do beide sant
do fuͦr wider heim gon berne
der allte hiltebrant
Sú gingent an die ʒinen hin
do sohent sú den hilte grin
der glest wol ein halb mill
roch also der lihtte morgen sterne
der edel fonut von bernne
begund fast do hin ilen
verre von in durch den tan
sin harnesch schon erluhtte
von liehttem gold wounnesam
die sinen aller beduhtte
der walt der wer enʒindent an
195v
er fúr in lowen mútte
der hoch gelobtt man
alsus vert er in den walt
die ruhen steigen manig valtt
die rehtte strosse er misse
vnd reit ouch irre in dem tan
daʒ der firste lobesan
selber nit enwuste
wo er soltt riten hin
alsus reit er vmbe
her diettrich vnd alle sin sin
die rehtten wege krunbe
er reit ouch irre in dem tan
er kam vff ein heide
also ich vernomen han
Do er vff die heid kam
do sach der werde man
daʒ vor ym lieff ein hinde
do der von bernne also reit
er sprach nun ist mir wol geseit
min rossʒ daʒ sy geswinde
vnd daʒ wil ich fer suchen hie
gar schier an disen gewilde
sin rossʒ er an ein sprengen lie
úber daʒ wite gevilde
dem wilden er úber den halssʒ reit
er falt eʒ mit dem swert e⟨t⟩e
der tegen vnver ʒeitt
196r
Do sprach der edel berner
ʒwor nún frowe ich mich der mer
daʒ min ross ist so geschwinde
dar vmb wil ich eʒ nit verkóffen
sider ym nit mag vor gelouffen
vff der heid ein hinde
so wil ich eʒ noch lenger han
vff diser grienen heiden
sin rossʒ liesʒ er by im gon
eʒ súchtte sin weide
vnd asʒ in sich daʒ grúnne grassʒ
der edel fonut von bernne
ʒu ym nieder sas
Do sprach von berne er dietrich
vff mine trwe nún rúhtte mich
ob ettwer nún keme
ʒú mir vff die heide har
dem ouch ʒú stritte stund sin ger
ob ich deʒ schaden neme
er mieste mich wisen durch den tan
so sprach der furste lobesam
vnd mir an ym gelúnge
here got nún sende mir einen man
er sú gehúre oder vngehúre
daʒ ich ʒú vehtten han
Do sach er vff der heiden hindan
dortt loufen ein wilden man
der drúg vff ym gefangen
196v
ein ʒwergelin daʒ waʒ wunne sam
daʒ wolt er v⟨f⟩er derbet han
er drúg es an siner ſtangen
daʒ ʒwergelin rúfftte den berner an
in sinen grossen nótten
hilff mir bistu ein cristenman
der dúfel wil mich dótten
daʒ mag mir meinan⟨nieman⟩ gút gesin
do sprach der fót von berne
ich dú dir helffe schin
her dietrich den helm vff bant
sin swert daʒ nam er in die hant
vnd drat ʒu dem wilden ʒwor
er hatte an kein sare wot
vnd also eʒ nach geschriben stot
wanne daʒ er mit dem hore
allent halp gedecket waʒ
grossʒ rehtt also ein vaden
her diettrich sprach ʒu ym daʒ
hastu es on kosten schaden
so nym daʒ wild daʒ ich gefangen han
wanne du múst d mir daʒ ʒwergelin
auch hie genesen lon
Deʒ antwurt ym der wild man
vnd wiltu dich sin nemen an
eʒ mag dich wol geruwen
wasʒ súchestu hie in disem gewilde
197r
daʒ nymet mich ein grossʒ vnbild
du garne t⟨ſ⟩tʒ vff min truwe
er warff (dʒ)daʒ ʒwergelin in den tan
vnd lidigett sin ſtange
er lieff hin an den werden man
der furste beit nit lange
daʒ swert er in die hant genam
er kunde in nie verschroten
vnd hatte kein sar wat an
Er schlúg hin vff den wilden man
daʒ swert daʒ wischet úber daʒ hor
er kunde in nie gehefftten
her dietrich romet sin alleʒ (iẽ)ienn
der wilde sumet sich do (niẽ)nienn
er slúg vff in mit krefftten
vnd daʒ der firste lobsam
vor ym struchet vff den anger
her dietrich der kien man
der sumet sich nit lange
sú lieffent ein ander an
do wartt von in beiden
manig geswind schlag [g]eton
Der berner von dem fúr en bran
er lieff hin an den wilden man
vnd slúg in vff daʒ felde
hin úber in leit er sich do
vmb sinen kopff maht er in blo
do fant er wider gelde
vff so sprang der ruhe wider
197v
vnd ʒúhtte sin stange
er schlúg den berner aber nider
der firste beit nit lange
vff so sprang der berner
er kund sin nie verschrotten
also ob eʒ ein steinen wand wer
nún wil ich eʒ gotte vom himel clagen
mús ich nún werden hie erschlagen
von einem blossen manne
vnd der hie nackend vor mir stot
vnd hatte er joch an sarwot
vnd daʒ ich von ym danne
wurde hie ʒu dode erschlagen
daʒ wer ein wenig nach eren
wanne daʒ man von mir solte sagen
ich kunde in nie ver seren
so wurd mich billich hassen
bed man vnd ouch die wip
Sú tribent ein ander vff der wal
er schlúg ym vil dohter mol
wo er in mohtt er langen
deʒ enpfing er vil mangen knur
daʒ wart her dietrich ouch ʒú ſur
der ruhe ʒuhtte sin stange
vnd slúg den lihtten hilte grin
daʒ er mieste werden dunkel
vnd daʒ deʒ wilden fúreʒ schin
enbran vssʒ dem kar funkel
eʒ liegent danne die búch staben
so hat der fout von bernne
nie kein so hertten ſtrit gehaben
198r
Do sprach der edel berner
nún ist mir wolgesaget mer
von einem sigenotten
nún bistu vngefieg genúg
wie fast ich hút vff dich geschlúg
ich kund dich nie verschrotten
oder bistu eʒ selber
do sprach daʒ vngefúgelot
du worest nit ein halber
strit den sigenotten hie
du mohtest ym ein schlag
sin vngestanden nie
Einʒ strittes wolt er mich beston
wie rehtt kum ich ym entran
ich mieste sin gelegen dot
vnd weren miner sehʒig gewesen
ir mohtt nie keiner sin genesen
al vor dem ſigenot
so werestu ein kranker man
daʒ wissest sicherlichen
do sprach der firste lobesam
vor bernne er dieterich
bestund er diner sehʒig wol
so weisʒ ich vff min trewe
wie ich gesiegen sol
Deʒ antwurtt ym der wild man
vnd bistu har komen in den tan
daʒ du mit ym wellest ſtritten
ich gip dir sin an in genúg
198v
vff den firsten er do schlúg
al ʒú den selben ʒiten
vnd daʒ er noch gestruchet was
dem wilden fir die fiesse
sú drúgent vff ein ander has
ir strit (wʒ)waʒ nit siesse
er slúg hin vff den kienen man
vff do rihtt sich balde
daʒ ʒwergelin wunnesam
Do eʒ den firsten triben sach
ʒu her diettrich eʒ do sprach
jr mússent kunber liden
in dem wilden ist verheilet ein krut
daʒ in by nihtt die sine hut
kein waffen mag ver schniden
nún trettent her ʒu mir vil werder man
ein wurʒel gibe ich úch ʒwore
sin ʒáler nit gehelfen kan
daʒ sage ich úch vir wore
die nement hie in uwer gewalt
der edel fútt von bernne
húp sich von dem twerch vil balde
Er schneit ym vff die sin bant
die wurʒel er do by im vant
die eʒ schon hatte gehalten
eʒ bot sú dem vil werden man
der wilt her gelouffen kam
mit ſleigen manig valtt
vnd gap dem firsten einen ſlag
199r
daʒ er struchet vff den anger
daʒ er vff den knuwen gelag
der firste beit nit lange
die wurʒel er in die hant genam
daʒ swer ʒu beiden handen
vnd lieff in aber an
Daʒ swertt wolt sin vermiden nihtt
durch den wilden eʒ do schriett
vnd daʒ so grosse stúcke
vielent von dem wilden man
rehtt ob es wer ein weicher ſwam
eʒ waʒ sin vngelúcke
daʒ er daʒ ʒwerlin ie gefangen hat
daʒ kam ym ʒu vnheile
die wurʒel ym den ſchaden det
es wart her dietrich ʒu deile
er slúg ym ab das hóbett sin
daʒ eʒ vil ʒu der erden
deʒ lachet daʒ ʒwergelin
Do lag vff der heiden
fil manig vngefúgen brat
die her diet rich / von dem wilden ſlúg
ein wolff hatte sin eing genúg
daʒ wissent ſicherliche
do lag er allent halp ʒerstrówet
al vff der heiden griene
deʒ sich daʒ clein twergelin frówet
daʒ der degen kúnne
199v
hatte den wilden man erschlagen
im waʒ nie lieber geschehen
by aln sinen dagen
Daʒ twergelin har gelouffen kam
eʒ danckett dem vil werden man
daʒ er eʒ hatte erlóset
here vnser woren me danne dusent
die hattent in dem berge gehuset
den hat er gar er óset
daʒ vnser noch ist nit me / danne hundert
do sprach der firste lobsam
ʒwor mich sere wundert
weʒ ʒech úch der wild man
daʒ wuste ich also gernne
wurd mir das kunt geton
Daʒ wil ich uch sagen sprach (dʒ)daʒ ʒwerg
er wolt vnʒ vsʒ dem holn berg
mit gewalt hant genommen.
vnd wolt dar ynne haben hussʒ hus
eʒ durste auch vnser keiner drussʒ
al vmb ein fúsʒ nit kumen
vnd wenne einer fir den berg getrat
so kam er har gesprungen
vnd er wuste eʒ an der ſtat
(wʒ)waʒ ym misse lungen
so verderbet er eʒ in dem tan
also hat er in fier wochen
hundert daʒ leben genam
Do sprach von bern her dietrich
durch got nún dún mir nennen dich
200r
ret er ʒú dem wilden ʒwerge
here do heisʒ ich baldung
do her von elberichʒ vrsprung
der sas vor in dem berge
von dem hab ich den berg geerbet
vnd alleʒ min geschlette
dar vmb wolt er vns han verderbet
vnd hat darʒú nit rehtte
so hat vnʒ er lóset uwer hant
deʒ sollent wir uch danken
ein firste hoch genant
Do sprach daʒ twergelin gemeit
here wolt eʒ úch nit wesen leit
ich frote úch hartte gernne
waʒ heren ir ouch mohtten sin
mich dunket ir fierent den hiltegrin
sint irʒ der fout von bernne
von dem ich alʒ hab gehóret ſagen
wie er so erlich stritte
daʒ ſollent ir mir nit vers⟨d⟩agen
e[d]eler heilt by ʒiten
nennen úch vil werder man
daʒ ich úch ʒúht vnd ere
deste baʒ gebietten kan
Do sprach von ber erdiettrich
ʒú dem twerglin also dugent lich
jo ich bin eʒ der bernner
ich hab ver nomen ofen dúr
dar ʒu so gip mir din stúr
mir ist gesaget mere
200v
von eim der lit in disem tan
der heisset ſigenotte
er hat so mangen werden man
geton an ein grimen toten
mit stritte wil ich ym wonen by
solt ich dar úber sterben
ich mach ihn lobeʒ fry
Daʒ twergelin gewan liep vnd leit
sint irʒ der firste vnverʒeit
so sint mir got wilkumen
her in disem wilden tan
vil edeler firste lobsam
hant ir uch angenomen
mit dem vngefiegen man
daʒ ir mit ym wollent stritten
ich wolt werent ir for dem tan
dusent milen witten
vnd daʒ ir nirgent werent hie
ym ist in hundert kenpffen
misselungen nye
von bernne lieber herre min
lont den dúfel schaffen daʒ sin
vnd gont mit mir noch ʒú huse
do wurt uwer ritterlich gepflegen
deʒ dúfelʒ sollent ir úch ver wegen
nún wissent daʒ mir gruse
ob dem vngefiegen man
wanne ich her von ym sagen
fil edeler firste lob sam
ir sollent mirʒ nit versagen
201r
vnd sollent mit mir keren heim
ich gip úch silber vnd goltt
dar ʒú daʒ edel gesten
vnd ouch die allerbeste wott
so es in dem land kein firste hatt
deʒ ích gibe uch den follen
rein spise vnd gúten win
der berg sol uwer eigen sin
ir hant mich vor dem ʒolle
ernertt den vns hat genommen
Deʒ ferigen dufelʒ bilde
jr sint mir ʒú allem heile komen
har in diʒ gewilde
ir solent mit mir keren hein
ym mag nieman gesigen
er ist so gar vnrein
her diettrich sprach ʒwor ich en wil
ich hab hiltbrant geseʒet ein ʒil
kum ich nit in viij tagen
wider gon bernne al in daʒ lant
so sol mich der volant
ʒú dode han erschlagen
fier ich danne mit dir in din husʒ
nit wol mir daʒ geʒeme
vnd ritte hiltbrant ʒú bernne vsʒ
wenne er ʒú dem risen keme
so trib er mit ym sinen spot
din milte vnd ouch din giette
vergelt dir selber got
Du ſolt mich ʒu dem risen wisen
201v
wanne ich hóre in faste prisen
vnd daʒ ich mússʒ besehen
sit er der manheit so vil hat
m a⟨ei⟩n hant in deste gerner bestot
waʒ mir dar vmb beschehen
daʒ músʒ ergon in kurʒen frist
ist eʒ daʒ ich in finde
wie gar er joch der dúfel ist
ich wúrde ym lihtt nit linde
ich hab ouch mangen man erfal
vnd der sich freise duhtte
vnd ich ym ouch vergalt
Do sprach daʒ ʒwergelin so clein
sit daʒ ir nit mit mir wellent hein
so wil ich uch geben
ein ſtein der ist so dugent hafftt
daʒ ir uwer manheit noch uwer krafftt
verlierent noch daʒ leben
daʒ ich enhungert noch endurst
stritten ir ein ganʒeʒ jore
von berne hoch geborner first
daʒ sage ich úch fir wore
der ſtein ist edel vnd geschlahtt
er ist mir vsʒ frómden landen
fir war har gebrohtt
leit úch der rise in sinen turn
darinne lóffent manig wild wurm
die mógent úch an dem libe
werlich kein ſchade nit gesin
von bernne lieber here min
ir wenent vil lihtte ich tribe
mit úch hie den minen gedang⟨t⟩
202r
nein ich vff min truwe
daʒ ich den ſtein nit wol erkant
daʒ miesste mich iemer ruwen
ir mugent úch wol loſser dran
eʒ stunde úbel daʒ ich úch trúge
ir hant mir daʒ beste getan
Den ſtein er in die hende nam
er danket dem cleinen man
vnd gehiltt in so schone
vnd seit vaste dem ʒwergelin dang
owe here die gob ist tcrang
got úch vom himmel lone
ir hant mich von dem dode ernertt
getórste ich haben min gefertt
dertt in deʒ waldeʒ wilde
ich besehe wie eʒ úch wurt ergon
so getar ich vor dem risen
min gefertte nit gehon
Do sprach von bernne der kienne man
nym daʒ wilde daʒ ich gefangen han
vnd bringe eʒ dinen gesellen
vnd wise mich vff den rehtten ban
Deʒ antwurtte ym der cleine man
sit ir eʒ nit gerotten wellent
ich wise úch vff den rehtten pfad
der úch treit sunder froge
an deʒ risen wone stat
do liet er an der lowe
var hin vsser wetter tegen
Der rich krist vom himel
welle uwer altage pflegen
202v
her diettrich der gurtte basʒ
vff sin falken er gesas
er wolt nit verʒagen
er vrlop von dem geʒwergelin nam
eʒ weisʒ in vff den rehtten ban
der in kund rehtte getragen
der edel firste lobsam
er fúr in lowen mútte
do er den vngefúgen man
fant schloffen an der hútte
do er siner ruhen pflag
ein stange grosʒ vnd stehelin
nebent dem risen lag
her diettrich der kam gerant
do er den grossen volant
fant schloffen an der hútte
er hielt ob ym vnd sach in an
so grúselich waʒ der man
vnd do er beisset er bald
do er in also schloffen fant
sin hútt so wit er glaste
den sinen falken er do band
an einʒ baumeʒ este
wanne der riſe den otem liessʒ oder ʒoch
so volgetent ym die este
al in den bómen hoch
Sin bein waren also ʒwey bloch
gar ruch waʒ sin woffen rog
mit riemen wol durch neget
der ging ym vaste fir die kny
ein dunst im vsʒ dem halse ging
also ein wint der weget
203r
sin munt hette in begriffen gar
von beiden sinen wangen
sin ougen rot von fúre var
do er den risen lange
also ſchloffende besach
der edel fót von bernne
ʒu ym selber sprach
O richer crist vom himel rich
wie bistu so rehtt grúselich
vnd hast doch menschen bild
waʒ mútter mag dich haben brohtt
ich han mich werlich wol bedohtt
schliege ich dich in dem gewild
also schloffend hie ʒu dode
deʒ hat ich iemer schande
sin degenheit ym daʒ gebot
daʒ er in mit der hende
m⟨n⟩it weck en⟨t er ⟩ gap ym einen ſtosʒ
mit den fiessen fir die brust
do von er wachett der grossʒ
vff so sprang der vngefie
ob ich dir disen stosʒ vertriege
deʒ hatte ich iemer schande
er greiff hin nach dem firsten here
er wolt in hoben on gewer
gefangen mit der hende
er schlúg ym vff sin isen hútt
struchen er begund
mit sinem scharpffen swertt so gút
daʒ nam den risen wunder
daʒ er also clein waʒ
vnd hette in by geschlagen
nider in daʒ grassʒ
203r
Der rise stund vnd besach in bassʒ
ʒu er diettrich sprach er bas das
bistu eʒ der fout von bernne
du kanst dich vor mir nit versteln
du fierest nu⟨mi⟩ns nefen grienen helm
daʒ lit mir von dir swere
ich bekenne dich by dem hiltte grin
der also wit erglestet
du schlieger mir dot den óhen mim
daʒ hastu hie daʒ leste
nún rit har ʒu mir in den tan
ich schlahe dich bernner
eʒ mag dir nit ba[ʒ] er gan
Do sprach von bernne her ditrich
ein ʒeichen ist dig dem andern glich
du mahst mich nit erkennen
do sprach der rise ſigenott
ich bekenne dich by dem lowen rot
vnd wilt dich doch nit nennen
nún dún rehtt oder lossʒ
vnd ritte du din strosse
mich befilt / du fierest den lowen vnd den adeler
gemolt an dim ſchiltte
du mahtt mich nit betriegen ʒwor
ich hab vff dich gehietet
me wanne ʒwey gantʒ jor
ob ich din ie mohtt bekomen
so hab ich wol fon dir vernomen
einen ſchlag so grossʒ
den du mir schliege vff mien isen hútt
mit dinem schraffen swertt so gútt
dar ʒú so hastu mich gestossen
204r
mit dinen fiessen fir min brust
daʒ lit mir von dir swere
wir went ver súchen einen just
der edel berner
nit me vff den risen schlúg
er wolt an ym ver súchen
ob er hatte keinen gefúg
Er sprach ʒu dem vngefú gen man
do solt mich gon berne ritten lon
durch aller risen ere
io fir wor ich dir daʒ sagen mag
find ich dich schloffen allen dag
ich gewecket dich niemer mere
daʒ du min figent woltest sin
daʒ wuste ich nit fúr wore
du sprichest du hast gehietet min
me danne ʒwey gantʒ jor
du solt mich gon bernne ritten lon
nein sprach der vngefiege
eʒ mag dir nit also ergon
her dietrich sprach so sihe ich wol
vnd daʒ ich mit dir vehtten sol
du wilst mich doch nit miden
sit daʒ wir sint ʒúsamen kumen
eʒ ist wor ich hab dir grinen genomen
din leben wil ich verschniden
vnd daʒ eʒ wurtt so sunie sinne wel
vnd darnach bald din ende
din isen hút ist nit so hel
er mússʒ von minen handen
204v
noch hút e⟨t⟩e werden dunckel var
daʒ det dem risen ʒorn
er húp sich ʒu yme dar
Mit siner ſtangen die er hat
nach her diettrich er do dett
so starke slege swere
her diettrich hieg vaste hin wider
vnd slúg ym vaste die streiche nider
ir strit der waʒ bewere
eʒ geturste ein ʒagehafftter man
nit haben an geschówen
der sweis von in beiden ran
die du sú begundent hówen
vff ein ander in dem tan
daʒ loup hoch an den esten
von dem fúr entpran
Her diettrich wartt vnge m[?]⟨n⟩út
wasʒ er geslúg vff sinen isen hút
daʒ er in nie versertt
dar vnder waʒ einʒ wurmeʒ hut
geherttet Diettrich lút
⟨darunder wol gebertt⟩
⟨er kunde im nie gesehen an ⟩
deʒ starken risen horne
oder wo mit eʒ geherttet waʒ
daʒ dem firsten ʒornne
vnd wo mit eʒ waʒ bewartt
daʒ drúg er an der bringen
dar vnder fahtt er one vahtt
Kein swertt sin nit verschniden mohtt
waʒ der von bernne ie gefahtt
er kund sin nit ver schrotten
205r
er slúg ym vff sin hirnen gewant
der vngehere volland
der rise sigenotte
slúg vff den firsten lobesam
daʒ er begund struchen
do sprach der vngefúg man
du múst din swert bas bruchen
wil en⟨tu⟩n mir mit stritte vn⟨wi⟩der wegen
vff so sprang her diettrich
rehtt also ein kiener tegen
vnd ſchlúg hin vff den ſigenott
vnd daʒ wild fúir r⟨s⟩o rott
sprang vsʒ dem hertten hornne
der schweisʒ von in beiden ran
do sprach der vngefúge man
daʒ hatte ich ouch verschworn
daʒ du mir den einigen schlag
mohtest sin vorgestanden
eʒ ist hútte din jungester tag
die stange er ʒú beiden henden
nach erdietrich er do schwang
der firste wol ein cloffetter
vssʒ dem juste sprang
Daz er deʒ firsten nit entraff
man hortte sere mangen klaff
die ſtange ym do entt wischette
her diett rich vil wol gelang
ʒwischent sú beid er do sprang
al ʒú den selben fristen
205v
von der ſtangen er in do treip
vnd woltte sú ym nym lossen
von erdiettrich er sich scheip
der starke rise ver wossen
vnd trat neben sich in den tan
ein bám er vssʒ gerófftte
vnd lieff in aber an
Den boum er in der hend drúg
do mit er vff den firsten slúg
so starg schleige swere
do sprach der edel firste gútt
nún gedohtt ich wol daʒ ich der rútt
nún ent wassen were
so wiltu mich nún beʒwingen
mit dinen starken bómen
dir mag ob got wil nit gelingen
er nam des risen góme
die este er ym von der h a⟨e⟩nd schlúg
deʒ ahtt er also cleine
er fant ir do genúg
Wenne er ym einen an gewan
so lieff der vngefige man
vnd brohtt ein also grossen
domit frumet er ym vngemach
her diet rich von bernne sprach
ich sach nye din genossen
hap dich helt wider ʒú der stangen
durch aller risen ere
du dúst mir mit den bómen getrang
206r
die este die fóhtte ich sere
sú gont mir ʒu den fenstern in
vnd stechent mir in die ougen
daʒ ich ver lúre den schin
Do sprach der rise so vn verʒagett
du hast mir dinen kunber klagett
ich wolt sin wer noch mer
der ſtangen hab ich mich verwegen
ich wil din mit den bómen pflegen
erschlug in vff in fil sere
daʒ er nit wuste wo er waʒ
ʒu den selben ſtunden
her diettrich sin selber vergassʒ
vnd daʒ er nit en wuste
wie er ʒúm risen solt kumen
er begund ym von den henden
der este vil ʒertrumen
Her diet rich sich vil wol v⟨f⟩er san
er wolt in kein bomm me róffen an lan
on strit wolt er nit schloffen
wanne der rise ʒu einem trang
her dietrich hin nohin sprang
vnd begund in vaste stroffen
gar mit vsser welten schlegen
Slúg er ym ʒu dem hóbet
do sprach der firste vn verwegen
ich hette dir die stange erlóbet
so fersmohest du sú vor mir do
ich gib dir deʒ min truwe
du wurst hútte niemer mer fro
206v
Der rise sprach lossʒ din trowen sin
du giltest mir den óhen min
den du mir hast erschlagen
do sprach von bernne her ditrich
so mústu jeʒen weren dich
er begund den risen jagen
vor ym ʒwerchʒ in den tan
er lieʒ in kein bóm me róffen
vnd do der vngefúge man
wol ʒú der stange louffen
vnd er sú nam in sine hant
do er iltte in der von bernne
vnd slúg in an daʒ lant
Der rise do nit lange enlag
ʒwor du giltest mir den schlag
daʒ wissest sicherlichen
din [s]wertt mústu mir on genode ergeben
eʒ giltt nit anderʒ danne daʒ leben
Do sprach her ditriche
werlich daʒ endún ich nit
eʒ wer mir iemer ein schande
wo man ginge oder ritte
Daʒ man spreche in dem lande
ich hette hatt mich dir an genode ergeben
wir wollent eʒ bassʒ versúchen
sprach der kiene degen
Sú strittent einen langen dag
do geschach vil manig frómder slag schlag
die worent vn v⟨f⟩ersumet
her dietrich enpfing ir nit v⟨f⟩il
vnd also ich úch bescheiden wil
207r
Deʒ risen er do romet
daʒ loup hoch an den esten stunt
daʒ begund bleichen
vnd daʒ eʒ niemer me begrúnt
deʒ risen horn by gund weichen
die bringe die er an drúg
her dietrich von bernne er[?]
ein wund do durch schlúg
Her dietrich sprach vssʒ grossem ʒorn
sich heilt din red ist verlorn
ich ergibe mich nit vff din trówen
ich wie e dar vmb sterben
vnd von dir er slagen werden
vnd daʒ ich vor den frowen
nit min weheʒ lop verlúr
daʒ ich so lange hab gehalten
ich wolt e dusent dode erkiesen
ob ich wolt also altten
daʒ man spreche in allen ſtetten
daʒ sich der fótt von bernne
vff trowe ergeben hette
Fihttestu durch frowen rúm
sich heilt daʒ mahstu vngern dún
sú lonent vngelich
sehent sú dich in dem blútte baden
sie liessent dir din feigen schaden
do sprach her diettriche
ich fihtt durch wip vnd ouch
vnd ouch nach minen eren
der starke rise freisam
begund sin sweissʒ ver róren
207v
von der hitʒe die ym beschach
die her diettrich von bernne
ʒú sinem munde vsʒbrach
Do sprach der vngefiege man
gingestu kein wil in disem tan
du wurdest in verbirnen
al mit dem fúr daʒ von dir got
ich weisʒ wer eʒ in dich getragen hat
ich kan nit anderʒ erkennen
wanne daʒ der dúfel in dir sú
mit allen sinen knehtten
din hitʒe got mir nohe by
me danne din grosseʒ vehtten
do mit weichestu mir min horn
die red von dem risen
die dett dem firsten ʒorn
Eʒ ist in mir kein dúfel noch sin genosʒ
er schlúg hin vff den risen grossʒ
vnd schriet ym aber ein wunde
do sprach der vngefiege man
eʒ wil mir an die bint riemen gan
al ʒu der selben stunde
do lieff er vor ym in den tan
do er sin ſchilt hatte hangen
er ʒúcket in fir die hend bald
der waʒ grossʒ vnd lange
noch breiter wanne ein schúr dor
eʒ gerowe den fout von bernne
daʒ er ie kam vff die spor
Der waʒ mit hornne wol úber leit
also vnʒ die ofen dúre seit
208r
wol einer hand dicke
an den enden / mit stahel úberʒogen
eʒ habent danne die bústaben gelógen
den drúg er vor der hende
nún wer dich edeler fótt von bernne
ich wil dich ahtt dage striteʒ gewern
Daʒ soltu sicher wesen
du ʒerhógest mir sobald nit disen ſchilt
er ist noch also nuwe
er wart noch nie durch ʒilt
Her dietrich sprach ʒu derselben frist
sit daʒ din ſchilt so gút nún ist
daʒ hilfett mich hartte cleine
do fir neme ich den sig an dir
Daʒ soltu wol glouben mir
Al ʒwischen den heilden ʒweigen
húp sich ein keiser licher schal
also wir hórent sagen
von trostelin vnd die nahtte gal
die miestent gesangeʒ vertragen
von irn vngefiegen slegen
die dier die fluhent vsʒ dem walde
sú hattent sich deʒ lebenʒ verwegen
Do strittent sú on vnderlossʒ
sú furttent mangen slag so grossʒ
von bern her diettrich
begund do mit sinem ʒeichen
dem risen an sinen girttel reichen
daʒ wissent sicherliche
wanne er ym woltte slahen vff sinen isen hút
so mieste er hoch vff springen
208v
her diettrich wart vngenútt
er hatte kein gedinge
wanne daʒ er mieste liegen dot
also starg vnd also vngefúg
waʒ der rise ſigenott
Daʒ eʒ nieman gepriefen kann
er slúg hin vff den werden man
mit also grossem nide
eʒ wart betriebet der hiltegrin
vnd ouch ir beder helme ſchin
vnd ouch ir liehtt geschmide
vnd daʒ eʒ also wite er hal
ir star ken slege swere
ober berg vnd úber tal
vnd wenne der bernere
von dem risen ein slag enpfing
so gedohtt er owe hilttebrant
daʒ ic[h] din gebot ie úberging
Deʒ stand ich hie in grosser not
der rise den ſchilt fir sich bot
daʒ er ym die ſchlege ab triege
die ym (frun̄ette)frunnette der vom berg starg
der rise sich hinder den schilt verbarg
waʒ der von bern geschliege
so kunde er nit al vmb ein her
vff sinen schilt gehefftten
her diettrichʒ ʒorn wartt offen bar
er ſchlúg vff in mit krefftten
er kund in ouch ver schroten nie
hie mit der fóut von bernne
mangen herten schlag en pfie
209r
vff vff sin liehtten stahel hútt
daʒ ym daʒ rote heisse blút
do flossʒ von sinem hóbet
vnd ym ouch trang vssʒ sinen oren
der edel firste hoch geborn
wartt siner krafftt beróbet
daʒ erʒ nit lang erʒiegen mohtt
die stargen slege swere
her diettrich gar wol gedohtt
daʒ ich noch ʒu bernne were
ich kem nit har in disen tan
owe hilttebrant meister
daʒ ich dir nit gefolget han
Daʒ mag mir wol ʒú schaden komen
ich hab so stargen noch so fromen
risen nie gesehen
waʒ mir geseit mir ie hilttebrant
daʒ got mir alleʒ an die hant
eʒ ist mir nie me beschehen
sit daʒ ich erste erstritten wartt
er ist ein kiener degen
deʒ risen krafftt sich we[n]ig spart
er begund sin vaste pflegen
mit siner stangen die er trúg
den jungen kúnig von bernne
er vff die heide schlúg
Daʒ er in liesse ligen fir dot
ob ym so stunt der ſigenot
er wonde er wer er storben
er trag e⟨i⟩n mit den fiessen hin
209v
er sprach ʒu ym din hoher sin
het anderʒ nit erworben
wanne daʒ du múst daʒ leben din
mir lossen hie ʒú pfande
gerochen ist min ohen grin
daʒ músʒ nún in dem lande
werlich min lop gar fir sich gon
ich sage dir bernere
daʒ dir ist an geton
Daʒ wil ich ieʒent gon bernne gon
eʒ músʒ mir wesen vnderton
(dʒ)daʒ wil ich sú beʒwingen
von bernne ist mir wol geseit
do siʒent heild vnverʒeit
die heissent die wóilfingen⟨wólflingen ⟩
ameling ein firste her
vnd hilttbrant der altt
wolff hart sigestag ʒwen degen her
die ʒwinge ich mit gewalt e⟨t⟩e
sú miessent mir wesen vnderton
vnd dienent sú mir nit gernne
eʒ músʒ in also ergon
vnd also rette er ob dem man
her diettrich sich wol f⟨v⟩er san
nitregen er sich woltte
bitʒ er ʒu yme selber keme basʒ
die rede er in die oren lossʒ
do er sich des sclageʒ erholtte
her diettrich der kienne man
vff sprang der elende
er liff den risen an
210r
vnd slúg ym von der hende
ein schilt waʒ veste vnd breit
er ʒucket in von der erden
der degen vnfer ʒeit
Doch mohtte er in nit wol getragen
er warff in úber einen graben
vnd trat in do ʒu sticken
er lieff den risen aber an
do sprach der first lob san
du múst dich anderʒ sch anderʒ schmiucken
du darfftt dich hinder den schilt nit me
so lesterlich schmiegen
die rede die du rettest hútt ee
dar an mústu liegen
ich getruwe got vnd siner barmherʒikeit
daʒ dir die welt geniemen gemeinen
ʒú dienst nit werde bereitt
Dar ʒú die starken wóilfing
dar vff so hastu din geding
du woltest sú verderben
sú miestent dir wesen vnder ton
der hoffartt wil ich dir erlon
ich finde wol neher erben
du bist ym werlich vngelich
daʒ dir daʒ lant ʒu bernne
dienen soltt gewaltteclich
ich wil dich basʒ beweren
ich find noch neher erben wol
des dúfel re htt din herr sol sin
vnd dich dar fur behietten sol
210v
Do sprach der starke rise grossʒ
hastu aber vff gerihtt din kossʒ
ich gedohtt eʒ wer din ende
ich weisʒ wer dich vor mir er nertt
ich hab dir mangen slag so hertt
geton vff dinʒ helmeʒ wende
wolt daʒ rl rehtt nún fir sich gon
dir solt der dot wol nohen
du hast mir bese red geton
die mich músʒ verschmohen
daʒ ich sogar din spott músʒ sin
ich gib dir deʒ min truwe
du gefierest mir eʒ niemer hin
Du hast mir min schilt ʒertretten
deʒ werestu du wol úber betten
daʒ gloub du minen wortten
dar vmb dún ich dich libeʒ bússʒ
ʒwey woffen ich dir bieten mússʒ
so gar mit scharpffen ortten
vnd howent ʒamen on ʒal
die stolʒen degen schnelle
do von daʒ der walt er hal
vnd ouch ir geschmide helle
do hattent sú kein vnder hap
dem edelen fout von bernne
der stein fil krefftte gap
Den ym hatte gen daʒ twerchelin
eʒ mieste sin end gewesen sin
all vor den grossen ſchlegen
die ym der starke rise det
vil krafftt er von dem stein het
211r
die ʒwen kiene degen
gobent ein ander mangen ſchlag
wo er in mohtte er rotten
sú stritten vntʒ an den fúnftten dag
daʒ sú nie an derʒ endotten
wanne daʒ sú ein ander vmb tribent
jr iegelicher wer gernne
al by dem gesige gebliben
Der starke lieff in aber an
der firste ym vnder die ossen kam
er wolt nit v[?]⟨f⟩er schloffen
er schnit schneit ym durch sin hirin woffen
daʒ ym daʒ blút flosʒ an die hant
der rise schrey lut woffen
nún ist mir daʒ nit beschehen
sit daʒ ich erste wartt erstritten
ich han dinʒ glichen nie gesehen
by all aln minen ʒitten
wie eʒ vmb dich ver wandelt sy
du slehst vff mich geswinde
Darʒu so kanstu mangen list
vnd daʒ ich dich ʒú aller frist
mit slegen nit kan treffen
do sprach von bernn her titrich
vff min truwe daʒ mieget mich
daʒ du so fil mahtt beffen
ich stand doch aller welte fry
vnd sist ouch niemanʒ mere
vnd daʒ ieman hie by mir sy
eʒ sige danne die maget here
211v
maria vnd ir liebeʒ kint
die sollent mir beide helffen
wanne sú die besten sint
Der rise lieff in aber an
er schlúg den firsten lobsam
daʒ swert vsʒ siner hende
daʒ eʒ fil nider vff den plon
er wolt darnach gegriffen han
von bernne der elende
der rise hin nach dem firsten greiff
do kument sú ʒú runge
al nach dem swert húp sich ein schleiff
der fót von amelunge
der wolt eʒ wider han genomen
do waʒ der starke rise
vor ym dar bekumen
Er stiesʒ in nider vff daʒ lant
vnd greiff im nach sim stelin gewant
vnd wolt eʒ ym vff ʒucken
her ditrich den risen grossʒ
mit beden armen vmb schlossʒ
vnd begund in ʒu ym schmucken
den firsten er do an sich ʒog ʒoch
vnd stisʒ in vff die heide
struchet úber die sparen brei beide
daʒ er in dem anger gestun d⟨t⟩
also hassettent sú ein ander
also nach die figent dúnt
Sú tribent tribent vngefúgen sartʒ
den risen sin wunden smartʒ
die ym der firste vff ʒo artte
212r
daʒ ym daʒ blút flosʒ in den cle
eʒ det ym von herʒen we
vnd ver trosʒ in also hartte
in sin wunden er ym fil
vnd ʒartte ym also witte
daʒ daʒ blút dem risen fil
vsʒ beden sinen sitten
vnd ym wartt rot alʒ sin gewant
sú fielent mit ein ander
gar dicke vff daʒ lant
Sú littent leit vnd vngemach
der rise her diettrichen brach
die hend vsʒ sinen wunden
daʒ er in do mieste lon
al ʒú den selben stunden
der rise her dietrich ʒwang
vff die erd er in druckett
er nam ʒwen riemen die waren lang
hend vnd fiesse er ym do ʒuckett
vnd band ym al fier ʒú samen
awe sprach der von bernne
Deʒ músʒ ich mich iemer schamen
daʒ du mir al fier wild
ʒu samen binden also man eim wild
so dut der wise jeger
wer ich joch erlich erschlagen
so dorfftt man mich deste minder clagen
daʒ wer mir wol weger
wanne daʒ ich músʒ on wer
sterben also ein arme frowe
mein heild nún dún so wol
212v
nim min swert vnd howe
do mit mir daʒ hób t⟨e⟩t abe
dar vmb daʒ ich deste erlicher den
den dot genomen hab
nein sprach der rise ſigenot
ich wil dir dún ein andern dot
ich wil dich minen wurmen
werlich bringen hie ʒú teil
sit mir ist geschehen daʒ heil
daʒ ich vor dinen sturmen
genesen bin so alterʒ ein
daʒ frowe ich mich gar sere ⟨sere⟩
ich wil dich leigen in einen stein
do gesihstu du niemer mere
weder ſune noch den mon
ich sage dirʒ bern here
daʒ dir ist angeton
Do sprach von bernne er diettrich
vff min truwe nún ruwet mich
daʒ ich dir ie útt ʒú leid
daʒ wissest vsser welter man
din óhin wolt mich sin nit erlon
die mer ich dich bescheide
din swester vngefiege waʒ
sú getrowet hilttebrande
by sunder / daʒ der ie genas
(dʒ)daʒ waʒ ein michel wunder
vnder ie[?]ren ossen sú in ſwang
sú druckett in also vaste
daʒ ym daʒ blútt vsʒ trang
213r
Der rise sprach du endarfftt mir nit clagen
ich sihe dich selber antragen
sin geschmide an dem libe
ʒwor (dʒ)daʒ betriebet mir den sin
Din hoffartt ist nún gar dohin
bistu ie gewesen beschwibe
Daʒ hastu verlorn hie
Daʒ mústu selber jehen
D ist dir in herten sturmen ye
kein ofen dúre beschehen
Daʒ ist nún alleʒ gar dohin
ich sage dirʒ bernere
Daʒ ich der man bin
Der mit den kingen fehtten kan
vnd dar nach er in nam
wol ein halb roste
trug er in vnder den ossen hin
her ditrich hatte ein sweren ſin
er drucket in also vaste
vnd daʒ der edel fir ste gútt
sich sinʒ lebenʒ hatte ver wegen
vnd daʒ daʒ rote heisse blút
dem vsser welten degen
var ʒú mund vnd ʒú nasen vssʒ
er leit vil swerer trucke
er kam in deʒ risen hussʒ
Dem risen also not wasʒ
daʒ er her diettrichʒ vergasʒ
sin rosʒ in dem walde
Do er in brohtte an sine steinen want
213v
er ʒoch ym ab sin stelin gewant
vnd det daʒ gehalten bald
er drúg eʒ in die kamer sin
schilt swert hing er an die stange
dor ʒú satte er den hilte grin
der rise kam gegangen
do er erdietrich vant
er schneit ym vff vil bald
die sinen gútten bant
Er liess in in ein stein dieff
do manig wild wurm ynne lieff
Die dages lihtt nie gesohent
vnd do er an den bodem kam
(dʒ)daʒ gewe urme liff von ym hind an
eʒ geturste ym nie genohen
(dʒ)daʒ gewurme sich allent halp verbarg
dort in deʒ steinʒ ende
von dem edelen ſtein ſtarg
barg eʒ sinch in die wende
vnd von deʒ edelen ſteineʒ krafftt
den ym hatte gen daʒ geʒwergelin
vmb sin ritter ſchafftt
Der rise ʒoch ab sin ſturme gewant
Die sin wunden er f⟨v⟩erbant
er waʒ ver schroten úbel
er ging eint halben in den berg
Do nam er mos vnd ouch daʒ werg
vnd mahtt dar vsʒ dri schibelin
der iegelichʒ by sunder waʒ
vnd wag sú gegen eim pfund
die sin wunden er do massʒ
214r
die woren ʒú der ſtunden
iegelich wol driger spannen wit
Die ym hatte der von bernne
geslagen in dem ſtrit
Do sprach der rise ſigenot
owe wie nohe waʒ mir der dot
al von dem heilt beschehen
solt ich eʒ kein lange han getriben
werlich ich mie ste sin bliben
daʒ wil ich ym vergehen
Daʒ er der getirstigesten einer sy
der tóffel ie en pfing
ich bin vor aller welte fry
ob er vsser ginge
dar vmb so nem ich nit dusent marg
ich mieste von ym sterben
sin manheit ist so starg
Der rise hin úber den durn lieff
ʒú her dietrich er do rieff
wo bistu fótt von bernne
wie gefellet dir min gemach
⟨her diettrich von bernne sprach⟩
so wer ich dusse gernne
so mag es leider nit ges ig⟨y⟩n
so sprach der kien degen
ich hab mich vff die truwe min
deʒ libeʒ gar ver wegen
daʒ gewirme dut mir also not
ich mag eʒ nit lange triben
ich músʒ geligen dot
Daʒ rette er alleʒ vmb den list
wanne hatte der rise gewist
214v
Daʒ ym kein wilder wurm
mohtt an dem lib nit han getan
in hatt der vngefieg man
genomen vssʒ dem durn durn
vnd hette ym geton ein andern dot
also liessʒ er in betagen
er begund dem risen ſigenot
von grossen nóten sagen
Der er doch nie kein gewan
er vahtt er nem in vssʒ dem turn
vnd det ym ein andern dot an
Der rise aber ʒú ym rieff
nun lieg do in dem steine dieff
so wil ich hin gon bernne
ieʒen vff diser fertte gon
eʒ musʒ mir wesen vnder ton
daʒ wil ich dich bewern
nein a heilt vnd dú eʒ nit
ker wider hin ʒú walde
dort hin do du mit mir strit
dar kunt hiltbrant balde
werlich er súchet dich heim
der rich krist vom himel
der helffe doch vnser eim
Deʒ waʒ der rise vn mossen fro
er ver woffent sich bald do
vnd kertt wider hin ʒu wald
hinder einen rein er sich do leit
do er mit dem von bernne streit
do kam hiltbrant bald
215r
er kam kurtʒe klich dargeritten
al vff die heide grienne
do so man lich waʒ gestritten
von ʒweigen degen kiene
Do wurden semlich slege geschlagen
vnd daʒ eʒ in dem buch
nieman kan volle sagen
nun lossen wir her diettrich ligen
ʒú bernne wartt sin nie verswigen
die ſinen alle sant
sú klagetent sere den sinen lip
do sprach vil mangeʒ manig schoneʒ wipp
ʒú meister hiltebrande
vnser her ist leider dot
er wer wol wider komen
im hat der rise ſigenot
rehtt den lip genomen
daʒ er also lange ist úber daʒ ʒil
deʒ starken risen krefftte
ist ym gewesen ʒu vil
Hilttebrant sprach daʒ ist war
min her der ist gar lange ʒwar
daʒ er nit kunt ʒú lande
ich hab eʒ ym alleʒ vorgeseit
do ich mit ym in dem walde reit
daʒ er dem vollande
nit wol mohtt wider gewegen
der edel firste mere
den ſinen vngefiegen schleigen
von bernne der firste here
also ym wol wer gewesen not
215v
der ist von dem risen
rehtt gelegen dot
vnd also sprach meister hiltebrant
so werdent werlich sin lant
sin niemer me ergetʒet
hant wir ver lorn den firsten her
so wurt bern niemer me
mit heren also wol besetʒet
stund eʒ vnʒ an den jungesten dag
daʒ wissent sicherlich
sin krafft nieman gelichen mag
min her her dietrich
er waʒ der manheit gar ein kern
o richer krist von himel
wie sollent wir sin enbern
sú littent leit vnd vngemach
sigestap der junge sprach
ouvwe daʒ ich ye wart geborn
hant wir verlorn den firsten her
daʒ klaget der edel ritter ser
vnd wie wir ym alle worent
vssʒ der mossen also liep
er ʒoch vns wol nach eren
vnd hat vns danne der waldeʒ diep
genomen vnsern here[n]
werlich so ist wol múgelich
wir wogent lip vnd leben
al vmb den firsten rich
Do sprach der starcke wolff hart
vnd ist er danne vff diser vart
erlich ʒú dode geschlagen
al von dem vngefúgen man
216r
der edel firste lob san
dest minder darff man in clagen
wir missen ſterben alle sant
eʒ sy arm oder riche
eʒ gesche mir lieber von einʒ heileʒ hant
wanne daʒ ich bóstliche
liege vnd ſtirbe in einem stro
wurd ich danne erliche erschlagen
deʒ wer min herʒe fro
alsus rett ouch der wigant
gund mirs min óhm hiltte brant
so woltt ich dem von bernne
daʒ aller erste riten no ach
al vff die fartt so ist mir go ach
Do sprach der kiene kern
finde ich den vngefiegen man
dortt halten in dem gewilde
so wurd von mir gegriffen an
deʒ feigen dúfelʒ bilde
eʒ ist wor ich mahtt in striteʒ sat
man mieste ouch vnser einen
dot tragen von der ſtat
Do sprach sich meister hilte brant
ich gelobtte eʒ min heren in sin hant
ich wolt in ʒu erste rechen
wolff hart du kiener degen
daʒ wil ich an ym nit brechen
ein worʒeichen wil ich dir lon
bin ich nit in xii tagen
daʒ solltu degen wol verston
so bin ich ʒú dod erschlagen
216v
vnd hab ver lorn daʒ leben min
so lossʒ dir an den risen
denne also nott sin
Hiltte brant ver voffent sich
do sprach die herʒogin rich
o wurt vnd edeler here
músʒ ich dich also ver lorn han
von dem vngefúgen man
so ist mir freid ferre
ich weisʒ wol daʒ ich sterben músʒ
von rehttem herʒen leide
wanne ich de gedeng an uwern grússʒ
vnd (dʒ)daʒ ich von úch scheide
so brichet mir minʒ herʒen túr
ich fóhtt der starke rise
scheid vns von hinan fir
Do sprach der starg wolff hart
wil edel herʒogin ʒartt
wie geheben ir úch vmb ein alten
nemen einen jungen man
der úch wol getrósten kan
vnd lossent sin got walten
kunt er er wider daʒ ist gútt
so ſollent ir in schon enpfan
so sprach er ʒú der herʒogin fro fút
waʒ mag úch daʒ ver vohen
daʒ ein alter by úch lit
nemen einen jungen
der tróstet úch ʒu aller ʒit
Do sprach die herʒogin ʒú hant
wolffhart du tribest dinen gedang
217r
vnd darfftte ich sin doch nit
eʒ ist mir vmb keinen ſchinpff
du hast sin von mir vngelinpff
wanne ich do hin sihe riten
den aller liebsten heren min
ich liess mich lieber begraben
also sprach die herʒogin
ich hab mit ym gehaben
also mangen lieben dag
owe daʒ von leide
nieman sterben mag
Do sprach der starg wolffhart
fil edel herʒogin ʒartt
nún rot ich úch doch rehtte
wellent ir nit volgen mir
Den feigen ſchaden haben ir
beide ritter vnd knehtt
die lachetent do alle sant
wie wol sú leidig warent
Do sprach meister hiltebrant
frowe ir sollent wol geboren
vnd weren miner dage nit me
vnd solt ouch ietʒent sterben
vnd ist mir nirgent we
Heisʒ weinen sú ym den helm vf bant
gehabent úch wol sprach meister hiltbrant
frowe daʒ wil ich úch bitten
nún ist eʒ doch daʒ erste nit
eʒ ist in minen alter sitt
ich bin dig vssʒ geritten
217v
vnd daʒ ich doch kam wol gesunt
her wider heim ʒú lande
waʒ ich wol ein wenig wunt
so hat ich miner hende
wol ʒwurnen also vil geton
ach frowe durch uwern willen
ich gernne ſtriten wil
Do wolffhart den kusʒ ersach
ʒu der herʒogin er do sprach
nún ist der rise ver lorn
wanne min óhm hoch gemút
gedenket an den kusʒ so gútt
al von der vsser koren
so ist eʒ vmb den grossen man
werlichen gar ergangen
wanne er von frowe lobe san
wurt lieplich vmb fangen
so gewinne er wol einʒ lowen mútt
daʒ er ist in den nótten
wol fir lx gútt
Do sprach die herʒogin fro fút
sit daʒ dich nún denket so gút
so solt du ouch ein nemen
die dir ein kuss ouch also dú
sit (dʒ)daʒ dich nún so úbell miege
er sprach do wil mich keine
ich bin so wol gerotten nit
daʒ man sich an mich kere
wanne ich ir ein dar vmb bitt
so sprach der tegen here
218r
so kertt sú mir daʒ hinder deil
ich mag ir nit fil bitten
ich losʒ eʒ an ein heil
Do er lachetent sú alle sant
do hiesʒ min meister hilttebrant
ein gút rosʒ bald ar ʒiehen
dar vff er ritterlichen sasʒ
grossʒ ʒu sinen bristen eʒ waʒ
vnd hinden vmb die diehen
rehtt also ein apffe sinne wel
dar vff sasʒ hilttebrant
ʒú sinen fiessen waʒ eʒ schnel
man bot ym ʒu der hant
sinen ſchilt vnd ouch sin sper
er neigette dem gesind
ʒu wald samt sin ger
sú dotent ym mangen segen
al durch deʒ edeln bernerʒ roch
ʒú nótten kam der altt
die schon frowe ym nach gafftt
vnd do er hin ʒu walde stapfet
die ſtige manig valt
er kam kurtʒ lich dar geritten
al vff der heiden grienne
do so mennlich waʒ gestritten
von ʒweigen degen kienne
do wurdent semlich slegen geton
vnd daʒ eʒ in dem búch
nieman volsagen kan
hilbrant sach vmb sich
218v
obe er sinʒ hern her diettrich
iergen d[o]t ligen sehe
oder den starken risen grossʒ
do fant er sinʒ heren rossʒ
mit eim sattel spehe
eʒ ging hin ſchleiffen vmb die boum
vnd ſúchett sin weide
eʒ hatt ʒertretten sinen ʒóm
do geschach im nie so leide
von bernne dam dem alten hiltebrant
do er sinʒ heren rossʒ
dortt also lidig vant
Owe sprach hiltt brant miner eren
solt ich minen le. lieben heren
also han vor lorn
von dem vngefúgen man
vnd daʒ ich in ouch kem kein an
er móhtte eʒ lieber han verborn
owe daʒ mich got ie beschúff
begund er lute rieffen
also mangen lutten rúff
der kien tegen stieff
von bernne lieber here min
bistu iergen leben
gip mir die antwurtt din
Nieman antwurtt ym ein wortt
der rise eʒ al ſ⟨l⟩ ſamen wol hortt
hieltt hinder eim gefelle
er lúget durch die hirsten dar
do nam er hiltebrandeʒ eben war
219r
vnd wer do heren welle
dem seit die ofen dúre daʒ
wie eʒ ym darnach erging
do er in dem wald waʒ
vnd in der rise gefing
daʒ wissent wol die lútte noch
vnd die eʒ in dem búche
findent geschriben doch
Der rise lúget durch die hirsten dan
do nam er hiltbrandeʒ eben war
vnd kosʒ do an dem risen
in well welcher atte er wer ein heillt
do sprach der rise vsser weltt
mich mieget sol man dich brisen
vnd daʒ din lop so wit lon⟨ſol⟩ gon
durch alle lant glich
die lenge ich eʒ nit vertragen kan
daʒ du so frefenlich
gest hie vor den augen min
du múst mir ouch hier gelten
min óhm hilltegrin
Die mir min óhin hant genomen
ich losʒ ir keinen hin bekum.en
welle ich hie gefohe
eʒ músʒ in an ir leben gon
hiltte brant der werd man
wuste sin nit so nohe
vff der ſtarg rise sprang
mit siner stelelin stangen
die wil waʒ ym da nit lang
219v
der rise kam gegangen
úber hiltebrant rete er ʒorn
du kast dich nit gehieten
den lip hastu verlorn
nún weisʒ ich doch sprach hiltebrant do
werlich ich bin din hútte gar fro
daʒ ich dich hie hab funden
wie wol du hast ab geʒaltt mich
du múst mir von her diettrich
sagen ʒú disen ſtunden
sag an hastu in ʒú dode erslagen
oder ist er din gefangen
daʒ múst du mir bald sagen
vnnd wie eʒ ist ergangen
vmb den firsten lobsam
sit ich dich in dem gewild
allein funden han
Do sprach der vngefúg man
stritteʒ wurstu nit erlon
vnd dettestu eʒ vngernne
ich gib dir deʒ die truwe min
eʒ got dir an daʒ leben din
daʒ wil ich dich bewern
Sosprach der vngefúge man
mich miegent din heim súchen
ʒú hiltbrach sprach er saga an
wie getarstu eʒ an mich rúchen
mich ʒú eim ſtrit gesellen hie
du vindest vff min truwe
daʒ din her an mir lie
Den ich erʒogen han min sit
din grosseʒ trowen hilfet dich nit
ich sage dirʒ durch kein fahtt
220r
eʒ músʒ dir an daʒ leben gon
sit ich dich hie nún funden han
du starker rise ver vohtten
Der rise sin ſtang ʒúhtt hie mite
er slúg hin vff den alten
hiltbrant der sumet sich nút
er bat sin got walten
ʒage heit waʒ in beiden túre
sú hiegent vff ein ander
vnd daʒ daʒ wilde fúre
vff sprang hoch in die lúffte
hiltebrant sprach din grosseʒ gifftt
wurt mir von dir ʒú sure
mit miner ellent hafter hant
also sprach meister hiltbrant
du grosser walt gebure
du hast nit gesprochen ob got wil
deʒ firsten hastu ver gessen
der mir der krefftten git so fil
dem risen wart gemessen
von dem alten einen ſlag schlag
daʒ er vff der heiden
vor ym gestrecket lag
Der rise wider vff gesprang
mit siner stelin ſtange lang
waʒ vff fier ort geschliffen
noch schraffer wanne kein ſcharsach
sú frometent grosʒ vngemach
wo sú ein ander griffent
hiltebrant den ſchilt ʒú armen nam
al fir die schlege swere
er sprach sagan wie hastu nach
gelebtt mit dem berner
er waʒ der liebste her min
220v
hastu in ʒú dod erschlagen
oder ist er gefangen din
ʒwor ich dirʒ nit sagen mag
mich mieget sere din hertter ſchlag
dar ʒú hastu mich gescholten
ob ich dir von dem firsten seite
du hettest eʒ fir ein ʒage heit
wo man daʒ reden woltt
so sprechestu ʒú iederman
du hattest mich betwungen
so sprach der rise freisan
dir ist noch vngelungen
aller erste so hebet min stritten an
ich hatte sin iemer laster
solt ich dir ʒú bihtte ston
Her hiltt brant sprach nún walt sin got
du mahtt wol sin deʒ dúfelʒ bot
alſo du mir erschinest
vsʒ der hellen her gelouffen
du mahtt wol sin deʒ dúfelʒ kóffen
ich weisʒ wie du eʒ meinest
du list mir also grim ob
mit dinen geswinden streichen
sú vohtten beid wol nach lop
hiltebrandeʒ ʒeichen
daʒ waʒ ein guldin sarbant
do by man den heren
kant úber alle lant
Do der rise daʒ ʒeichen sach
ʒú hilttbrant er do sprach
nún wil ich dich gewinen
(dʒ)daʒ ʒeichen hie mit rehttem strit
daʒ antwurtt ym der ſturm git
221r
dústu die red vssʒ sinnen
so ver missestu dich sin genúg
jn júste sú do beide
iegelicher vff den andern slúg
vnd daʒ sich vff der heiden
gestreckett la ogen vnder einem bóm
waʒ man ie seit von ſtritten
daʒ ist gegent dem ein tróm
Do sprungent sú beid sant
man hortt dem alten in der hant
ein woffen lute er klingen
daʒ waʒ sich freisett genant
do mit er mangen helm vff trant
der sweisʒ begunt rinen
har nider in die sar wott
al ʒú den selben ſtunden
also eʒ nach geschriben stot
sú hattent beide wunden
die warent do von blútte nasʒ
do gesach man nie vehten
kein alten ritter bassʒ
Der rise lieff in aber an
hilttbrant den kienen man
vnd slúg in vff den wasen
daʒ ym der ſchilt ʒú sticken fil
vnd ym daʒ rott blút do wil
ʒú mund vnd ʒú nasen
hiltbrant sich do by dohtt
listu so bistu verlorn
vff sprang er úber mahtt
der firste hoch geborn
do gedohtte er ym einʒ gar bald
do er den ſchilt verlorn het
221v
den ſtrit ʒog er ʒu wald
Die boum er do ʒú schirme nam
her hilt brant der werd man
ent hielt sich dar vnder
hinder die bóm er sich erferbarg
vōr dem grossen risen starg
der rise slúg swinde
hinder die boum do er sich ent hiltt
alʒ vor deʒ risen starcke
hilttbrant gútter witʒen wiltt
wanne er begund merken
daʒ der rise ein ſlag erholt
so sprang er vsʒ den bómen
rehtt also ein degen soltt
Das er in aber wertte ein slag
sus miegette er sich ein langen dag
der rise mieden begund
wanne der rise broht ein streich
her hilttbrant ym do entweich
daʒ er in nit treffen kund
der rise sprach nún ist mir leit
daʒ ich dich vff der witte
nit hab vff giner heiden breit
so kund ich mit dir stritten
grossʒ lecker heit ich an dir spir
ich gip dir deʒ min truwe
eʒ treit dich clein fir
Do der rise er sach den list
daʒ er sich mit den bómen frist
die ſtange warff er vsʒ der hant
vnd róffet vsʒ der bóm genúg
ein grossen hag er do geslúg
vmb meister hilttbrande
222r
daʒ er sich nit fer walten kunde
er hatte in vmb slagen
hilttebrant sich do begund
sich vnd sinen heren clagen
o edeler firste lob sam
ich músʒ ouch an die vartt
dir ir vor mir hant geton
So pflege got vnser beider sele
der gútt her ſant mi. michel
welle vnser beider pflegen
der ist ein engel also her
der mag vns wol gehelffen mer
vnd wise vnʒ vff die wege
der ʒú dem himelriche gange
so sprach der kien degen
ich mag eʒ nún triben lange
ich hab minch sin verwegen
ein hag hat er vmb mich geton
daʒ ich mit dem ſwertt nit me n
nit me mich ver walten kan
Do wil er sich vnd sinen heren clagett
do hatte der rise den waltt behagett
einen r halben acker lenge
wo er vsser woltte gon
hilttbrand der werd man
die stige waʒ ym ʒú enge
daʒ mag vnʒ wol ʒú schaden k[u]men
sprach der firste rich
vir vehttent durch der weltte fromen
ich vnd er diettrich
daʒ wir der risen úber mút
ʒer stóren went der volende
der weltte fil ʒú leid dútt
222v
Daʒ aller erste an gang
der rise schlúg hiltbrant mit der stangen
daʒ er fil nider die bóm
vnd ie⟨y⟩m daʒ swertt fil vsʒ der [h]ant
von bernne dem alten hilt brant
das nam der rise góme
úber die bóm er sich do buckett
vnd greiff ym nach der blatten
hillte brand er vff ʒuckett
er lag in grossen vahtten
for dem risen gar vnfro
er trúg in vssʒ dem ruhen
vff ein witten do
er warff in nider vff daʒ lant
do sprach der grossʒ volant
erst wil ich [di]r von dem heren sagen
die rehtt worheit sagen
ich hab in nit ʒú dod erslagen
er gesihtt bern niemer me
ich hab in geleit in minen durn
fir war daʒ soltu wissen
darinne louffet manger wilder wurm
die hant ab ym gebissen
daʒ er v⟨f⟩erlorn hat daʒ leben
ich wil dich minen wúrmen ʒu
ʒú einer spise geben
Her hittbrant ge[d]ohtt in sinem mút
o here got daʒ wer gút
er mohtte nit sin erstorben
sider von den wurmen sin
ich bitt dich himelsche trehttin
sage ist er noch vnerstorben
o miltt mútter rein magett
223r
durch dinʒ kindeʒ willen
so sprach der degen vn verʒaget
gar heimlich vnd stille
hilff doch vnser eim vss not
vnd daʒ wir von dem risen
nút beid geligen dot
Der rise ʒú hilttbrant sas
bitʒ er ʒú ym selber kem bas
er nam ʒwen lange riemen
hend vnd fisse er im ʒú samen bant
von bern dem alten hilt brant
vnd begund in dar nach nemen
by sinem gro gen bartt
mit einer hend / er in úber die aſseln swang
hin ʒú der steinen wende
drúg er den alten gar vnwertt
vnd in der andern hend
stricke vnd hiltte brandeʒ swertt
Owe daʒ ich ie geborn wartt
rise trag mich anderʒ wanne by dem bartt
anderʒ du wit mich dótten
vir wor ich dir daʒ sagen mag
ich han gefohtten mangen dag
daʒ ich ʒú semlichen nótten
werlich bin nie me bekumen
er klaget eʒ also hart e⟨t⟩e
ich bin selten nie genomen
by minem langen bartte
owe daʒ ich ie wartt geborn
hette ich eʒ ʒú bernne gewisset
ich hate in ab geschorn
Daʒ du mich woltest han d getragen
223v
der rise sprach du darfftt mir nit clagen
den dinen grossen kunber
waʒ dim lib dútt we
daʒ dún ich dry stunt dest me
du dunkest mich gar ein tunber
werlich du alter groger man
wo fir hastu mich er sehen
so sprach der rise freisam
dir ist rehtt beschehen
wie we dir geschihtt von miner hant
hie mit do waʒ er kumen
hin ʒú der ſteinen want
Do drúg er den alten hin
mit ym in die kamer sin
vnd warff in vnwirdeclich nider
daʒ ym geschach wurster nie
der riese von hiltt brant gie
hin vssʒ der kamer wider
er súchtte ʒwen ringe stehelin
dor in wolt er beschliessen
den altten hilttbrant
ʒwor eʒ mohtt in wol vertriessen
n herent wie eʒ ym do gie
do in der starke riese
also ligen lie
Dortt stund ein helffen beinen fidel sidel
dar ob hingent harpffen vnd fidelen
die kurʒettent ym die stunde
der ʒwergelin vil do vmb worent
do hing ein úber gebildeteʒ horn
daʒ sattʒett eʒ ʒú dem munde
wanne er die ʒwergelin haben woltt
daʒ horn er danne er schal
224r
so kam iegelichʒ also eʒ soltte
her lóffen mit gewaltte
vnd spilttent do vor ym ʒú aller ʒit
mit tanʒen vnd mit singen
daʒ pflogent sú wider strit
vnd do er in den berg waʒ komen
do waʒ er hógen vnder numen
úber deʒ risen lenge
do hiltt brant (dʒ)daʒ hus ersach
vnder dar ynne hate gút gemach
die wit vnd ouch die lengede
dor an so lag manig edel gesten
deʒ bergeʒ vff allen enden
daʒ also krefftteclich erschen
dortt in der steineʒ wend
rehtt also ob eʒ wer eʒ d⟨t⟩ag
hiltbr[a]nt sach eʒ gernne
wie wol er sorgen pflag
Der berg durch schoch ʒabelt waʒ
mit edel in⟨m⟩ gestein grien also ein grassʒ
gar wuneclich besetʒet
ein spehen meister eʒ wol het
wanne eʒ der rise selber det
deʒ steins schin ver decket
vnd wanne der rise wolt haben naht
den pfeller liessʒ er nider
der der ſtein ſchin ver dahtt
sy er sch swungent ym sin gefider
vnd decke n⟨t⟩tent in also ein firsten ʒú
deʒ nachtteʒ also schone
biʒ an deʒ morgens frúge
So húbent sú in also ein firsten vff
vnd wanne der vngefúge schluff
224v
sinʒ schloffeʒ hatte gewarttet
hiltebrant sin selbeʒ ver gasʒ
daʒ der berg so schon waʒ
gar wunen clich geʒarttet
rehtt also deʒ himelricheʒ geton
er gedohtt in sime ſúnne
d[ú] dúst rehtt also ein dorehtt man
du móhtteʒ sin schaden gewinen
ist eʒ daʒ er dich in die isen leit
waʒ hilffet werstu ʒú himel
vnd littest doch arbeit
Hiltbrant sich selber want
bitʒ er vff brach daʒ ein bant
vnd er gewan die hende
deʒ waʒ er vsser mossen fro
er begund vmb sich sehen do
dortt an der ſteins wende
do sach er sinʒ heren gútt
in der kamern hangen
her hiltbrant war hochgemút
dar ʒú kam er gegangen
er leit an sins heren gewant
vnd sinʒ heren helm
wie bald er den vff ban gebant
Er sprach o himelsch kingin
nún hastu mir die genod din
erʒeiget wol ein teil
vnd hast mir geholffen vsser not
ich bitte dich durch dinʒ kindeʒ d tot
daʒ du mir gebest heil
daʒ ich dem vngefiegen man
noch mohtt hie betwingen
der rise der ging dort vssen an
225r
mit sinen stehelin ringen
do halff ym got vom himel
daʒ eʒ geschach do mit
ich weisʒ wie eʒ der rise meinet ye
die stange er duss lie
vnd nam ein schraffeʒ woffen
vnd ʒwen ringe stelin
er kam ʒu hiltbrant in
gar ʒornneclich gelouffen
er liessʒ die ougen vmbgon
do sach er hiltebrande
so rehtt wol ver woffent ſton
er trúg an siner hande
sinʒ heren ſchilt vnd ouch sin ſwert
do wartt der stark rise
erst ſtritteʒ wol gewert
Der rise gar ʒórnneclich sach
ʒú hilttbrant er do sprach
wer hat dich vffer lost
von dinen gútten bant
do sprach meister hilttebrant
sich hebtt der aller gróste / strit
in disem holen stein
Der ie wartt gefohtten
vnd daʒ daʒ wild fir erschein
sú dohttent waʒ sú mohttent
vsʒ ir beider lip volbringen
man hortte die swert ſleige schleige
vor dem berge erclingen
sú tribent ein ander hin vnd h[e]r hor
in dem berge also úber ʒwer
der rise slúg vsʒ der wende
225v
mit sinem swert ein grosse ſchil
daʒ er nebent hilt t⟨b⟩rant fiel
den ʒoch er ʒú der hende
vnd warff im vff den isen hút
daʒ er vmb ʒwirbeltt
rehtt also ein milrat dútt
vil manger der verdirbet
dem nit wurtt also ein wurff geton
daʒ ahtt er alssʒ cleine
der rise freisam
Sú hatten ein vngefiegen ſturm
sú triben ein ander úber den durn
dar in so lag gefangen
der von bernne her er diettrich
hiltbrant der hieg degenlich
vff den risen lang
sin ſleige ouch also witte er dossʒ
er hortʒ in dem kerker
her diettrichʒ fróid die wartt grosʒ
do sprach der bernnere
Daʒ ist rehtt der meister min
daʒ her ich an den sclegen
er wil die truwe sin
An mir ellenden nit brechen
ergelobtt mir er woltt mich rechen
daʒ hatt er schon bewertt
vnd daʒ ist er ein bider man
wie dig ich daʒ en pfunden han
wo ich ie wartt beswertt
So kam er alwegen nach
vnd besorgette mich gar schon
daʒ los bit ich got vom himel ouch
jn dem obersten tron
226r
daʒ er min minen meister behiet
daʒ bit ich got vom himel
durch sin gettlich giett
Her diettrich von bernne rieff
vssʒ dem d⟨ſ⟩tein also dieff
bistu eʒ hilttbrant meister
durch got so ſolttu weren dich
sú hiegent beid degent lich
vnd daʒ daʒ wild geneister
ʒú ym in den ſtein gerien
nie grósser ſlag ſchlag er hortte
her diettrich rufftte me dann ʒwirenen
obeʒ hiltbrant erhortte
sinʒ liben heren rúff
von den starken ſleigen
die ym der rise schúff
vnd do hilttbrant ver nam
daʒ der firste lob sam
dannach hatte daʒ leben
do waʒ er vsser mossen fro
er begund ʒu beiden henden do
sin ſwert vaste ergeben
vnd ſlúg dem vngefiegen man
gar fast hin ʒú den fiessen
do sprach der firste lob sam
werlich du mútt mir biessen
daʒ du mir nut/mit min heren gefangen hast
ich getruwe got vom himel
daʒ du mir nit engest
Do sprach der vngefiege man
din got dir nit gehelffen kan
sin krafftt ist gegent mir clein
in minen eigenen huse
226v
waʒ mir der heilt ie wider gie
den hab ich geholffen hein
so gib ich dir sin ouch genúg
mich mieget din wider kallen
vff hilt brant er do ſlúg
daʒ er begunt fallen
her hiltt brant vnden vff stach
dem risen ein wunde
daʒ blútt dar nach brach
Der rise von dem ſwertt sprang
die wil waʒ im nit lang
ʒú hant kam vff wider
hiltt brant der edel firste gút
sich vor dem risen do behútt
er schlúg in min (nim’)nimer nider
do begund den vngefiegen man
die sinen wunden smerʒen
die ym hiltbrant hat geton
ym waʒ von ganʒem herʒen
ym w vff den alten fil beger
do sprach der starg rise
mich wundert werlich wer
múge sin by dir gewesen
ich wonde ich were vor dir genesen
do ich dich hatte gebunden
vnd ich von dir hin vsse gie
wer dir die gútte bant vff lie
in also kurʒer ſtunden
ich wond ich hette dir din gelide
ʒertretten vnd ʒerbluwen
so woltt ich uwer fóhtten nit
werlich mich hatt geruwen
do ich dich in dem wald fie
227r
daʒ ich dich ein wile
darnach ie lebend lie
So woltt ich rúm an u̇h begon
so sprach der vngefúg man
eʒ ku̇nt mir ʒú grossem ſchaden
daʒ ich úch trage den wurmen heim
ich wart nie mit heilden ʒwein
so sere úber laden
din her der wolt mich han verbrant
der dúfel vssʒ im glúte
bitʒ ich mir die liste fant
daʒ kam mir doch ʒu gútte
mit ringen ich den heilt beʒwang
also músʒ ich lihtter bliben
wilttu eʒ triben lange
Do sprach meister hilttebrant
ʒwar du grosser volant
nún ist eʒ doch beschehen
wie gar eʒ gewesen ist din spot
so hat mir doch goholffen got
daʒ ich truwe ʒú sehen
vil dig bernne vnd ouch daʒ lant
so mústu nún sterben
hie mit meister hilttbrant
der rise schlúg ym einen ſcherben
vssʒ dem vesten helm sin
man hat ym nach deme schrote
ein hant geleit dar in
Her hiltbrant er schrag vnd det ym not
daʒ ym der rise hatte geton ein schrot
vssʒ sinʒ helmeʒ lústen
grossen ſchaden er do fahtt
227v
aller erst wart ha owen werg volbrohtt
ʒú samen sú do wischettent
die krafftt die sú hettent vor verlorn
die [b]egundent sú erste súchen
Der rise sprach vsʒ grossem ʒorn
vnd begund ym ſelber flúchen
eʒ ist wol wie eʒ mir wurt ergon
do ich dich hatte gebunden
do sol ich dich verderbett han
Do wolt ich uwer fóhtten nit
eʒ ist wol (wʒ)waʒ mir beschihtt
er schlúg nach hiltebrande
gar vaste hin vf einen ſtein
ir beider krafftt die (wʒ)waʒ nit clein
by einer ſteins wende
hiltebrant sich do verbarg
hinder einʒ ſteineʒ schroffen
vor dem grossen risen ſtarg
noch grosser danne ein ofen
der rise den ſtein iij schuhe wit spilt
hilttbrant der altt
do hinder sich ent hilt
Her hiltt brantʒ bist list do nit enlang
er schriet ym durch den woppen rog
vnd ouch sin gútt geschmide
vnd do er sach sin hirin gewant
daʒ eʒ waʒ vff der erden ʒertrant
hiltbrant der waʒ geschide
er nam der alten wunden war
die der von bern hatte geschroten
er húp sich schnelelich dar
ʒu dem risen sigenotten
vnd ſtach ym in die wunden dieff
228r
daʒ ym daʒ blút einer claffter lang
gegent der hant lieff
wasʒ er nach hiltbrant slúg
derſtein eʒ alʒ abtrúg
er kund in nie errotten
her hilttbrant her firher sprang
sin ſwert ym an der hend erclang
von iren ſleigen wolte
in dem berge ein ſtarker wint
rehtt also von eim wetter
sú hiegent vff ein ander geswind
iegelicher der hette
an ym degen heite genúg
hiltt brant der altte
den risen aber schlúg
in der alten wunden ein
der rise mohtteʒ doch kein
lengede nit getriben
sú triben ein ander hin vnd har
er nam deʒ risen eben war
er liess in nirgen bliben
daʒ swert er ʒu beiden handen nam
der edel firste gútt
vnd ſlúg den vngefúgen man
daʒ er lag in dem blútt
vor dem firsten on gewer
er slúg ym ab daʒ hóbtt
der edel firste her
Do er den sig an ym gewan
hiltt brant der húp sich hind an
gegent dem holen ſtein
dar ynne her dietrich lag
vnd vngefieger sorgen pflag
von mangen wurm vnrein
228v
der geschmag dett ym also we
dem alten hiltte branden
her diettrich leit kunberʒ me
daʒ hilt brant wol erkant e⟨t⟩e
sinʒ lieben heren vngemach
alʒ von den starcken wurmen
im leideʒ vil beschach
vil lut rúfft meister hilttebrant
wo bistu von bern ein wigant
ich frogett dich gernne der mere
wanne du werest har bekumen
daʒ hatte ich gern von dir vernomen
gernne wuste ich wie ym wer
war hattestu din ſinne geton
du ritte allein von bernne
du hattest mangen ig bider man
die rittent mit dir gernne
du hast burg lehen enpfangen hie
dir ist geschehen also eim man
der gútte lere úber gie
Du wolttest mir leider volgen nútt núhtt
deʒ scheide ich mich ʒú diser geschihtt
vnd lo dich ligen einen
Do antwurt ym hertitrich
hilttbrant dem edelen firsten rich
dieff vssʒ dem holen ſtein
eʒ miesse ging mir in dem tan
in also grossem ſtirmen
den lip ich noch gesunt han
al vor den ſtarken wurmen
hilff mir vss hin meister min
ich wil dir iemer folgen
bitʒ vff daʒ end min
Deʒ antwurtt im herhiltbrant
229r
dem edelen firsten do ʒú hant
daʒ dett ich hartte gernne
so weisʒ ich wo mit oder wie
ich find danne ein leiter hie
do sprach der fout von bernne
witu folgen mmein minem rott
so kum ich vsʒ getrot
daʒ eʒ mir [nimer aus meiner ] misse got
vnd folge mir nit ʒú spott
ʒerschnid bald din gútt gewant
vnd ſtrig eʒ an ein ander
vnd gip mirʒ in die hant
her hiltt sprach daʒ wil ich nún
here úch hortte gernne dún
er ʒerschneitt sin gútt gewant
vnd ſtrúket eʒ ʒusamen der wigant
al durch den fout von bernne
er eʒ in den ſtein en in
er enpfing eʒ gar schon
nún ʒuch vff lieber meister min
daʒ dir sin got lon
daʒ seil ʒu ʒwein ſtúken brach
her dietrich fil so sere
daʒ ym wurster nie beschach
Do hiltbrant den fal ersach
widerʒ ym do nie beschach
er begund ouch weinen ser
owe daʒ ich ie wart geborn
sol ich min heren han verlorn
daʒ ich úh in niemer mer
gesihe daʒ ist min gróste clage
er klaget eʒ clegclich
er gap im selber mangen ſlag
der heiltt so trefftteclich
229v
die clage er hortt er in dem ſtein
do sprach her diettrich
erkant h⟨k⟩ere meister wider heim
wanne keme ich heim in din pflihtt
so mohtte ich doch genesen nihtt
werlich deʒ grossen falleʒ
vnd hab dich bald vff den weg
wanne da bist in deʒ risen pfleg
der kunt ʒú hant mit schalle
vnd wurt er danne gewar
daʒ du durch mich / bist kumen har
ʒú stritte / vff min truwe
er er mirdet dich
du soltt nit lenger beiten
kere wider vmb gon bernne hin
ich enpfil dir lútte vnd lant
diet mar den brúder min
Do ging er eint halp in den berg
do fant er schloffen ein getwerg
daʒ b nam er by dem bartte
do in daʒ twergelin ersach
d⟨z⟩ú hiltt brant eʒ do sprach
vnd klagette sich also hartt
woffen (wʒ)waʒ hant ir gedohtt
daʒ nimt mich iemer wunder
od wer hat mich hie ʒú brohtt
(dʒ)daʒ ich bin worden minder
wer mich so ser geróffet hat
sprach meister hiltbrant der alte
din leben an mir ſtot
Wilttu behalten hie daʒ leben
so mústu mir die lere geben
wie ich den berner
herlóse der hie gefangen liet
do sprach eckerich an der ʒit
230r
ich dún úh leideʒ bere
sagent wie ist er genant
daʒ wuste ich hartte gernne
Do sprach meister hiltt brant
er heist der fout von bernne
owe sprach daʒ getwerchelin
wanne kam min lieber here
in disen holen berg
Daʒ wuste ich gernne wanne oder wie
daʒ mich daʒ nieman wissen lie
so sprach daʒ wild twerge
here ich froget úch gernne der mere
wolt es úch nit wesen swere
wanne kam er in den berg
saget mir wie eʒ darum ſtot
do antwurtt im der altt
ein rise in ouch gefangen hat
mit sinem grossen gewalte
vnd hat in geleit in sinen ſtein
siet got beschúff die welt
d⟨k⟩ein lihtt dar in nie geschein
Deʒ antwurtt ym der klein man
hiltbrant dem firsten lob sam
ich weisʒ ein leiter swere
dinʒ heren grinen waʒ
fir wor so sint ir wissen daʒ
sú dút úh leider bere
wanne sú got nider in den berg
vnd ist von leder veste
⟨sú wirketent sú kestlich von werg⟩
⟨dar von ist sú ouch veste ⟩
er nam den firsten by der hant
vnd fúrtte in also bald
Do er die leiter fand
Do er die leiter an sach
lieberʒ ym do nie beschach
er nam sú alterʒ einen
er mohtte nit me getragen han
hiltbrant der kúen man
230v
hób sich gegent dem holn ſteine
dar ym her dietrich lag
in grossen sorgen gefangen
er halff er vsser an den dag
die leiter lisʒ er hangen
von bern lieber her min
sprach hiltbrant der alte
nement die leiter er
Do er der leiter wart gewar
er húp sich schnelle clich dar
vnd trat hin an die ſtige
vnd do er vsʒ dem durn gie
also vns (dʒ)daʒ búch ver kindet hie
vnd daʒ vnʒ nit liege
er ofen dure hatte begertt
sint wil kum lieber here
sint ir noch nit striteʒ bewertt
mich dunket freid wer úch ferre
Do sprach der herʒog ecken rich
sint wilkum vsser sorgen
von bernne ein firste rich
got dang dir sprach er dietrich
sit du so wol erkennest mich
rett er ʒú dem wilden ʒwerge
wanne bistu har bekumen
daʒ hette ich gernne von dir vernomen
buwestu hie die berge
her hiltbrant sprach wilttu folgen mir
bútʒ dem getwergelin schon
daʒ liep hat eʒ geholffen dir
gip ym ʒú dienst lon
eʒ heist herʒog eckrich
eʒ hatt birge lant vnd lútte
vnd ist ein firste rich
Got dang dir sprach her dietrich
sit du hast erlóset mich
231r
ich sprich eʒ vff min huld
ich bin dir vsser mossen holt
ich gib dir ſilber vnd golt
du hast mich von vnschulde
er lóset daʒ sol ich danken dir
wo du eʒ an mich rúchest
daʒ solttu wol gelúben mir
wo du eʒ an mich súchest
vrlop man der herʒog eckerich
er húp sich wider in den holn berg
von her diettrich
Hilttebrant lieber meister min
also liep also ich úch mag gesin
wie hant ir úch ent halten
ich sage ich wol wie mir beschach
einen bóm er vsʒ der erden brach
mit ſleigen manig faltt
rehtt also ein wild dunderschlag
schlúg er mich fir die oren
ich wond eʒ wer min jungester tag
er mahtt mich ʒú eim doren
wurster mir nie beschach
daʒ ich fil ʒú der erden
her hiltbrant do sprach
Al by dem bartte er mich do ving
do er mit mir von danan ging
gegent dem holn ſtein
in minen bartte lag sin hant
also sprach meister hiltbrant
do waʒ mir fréide cleine
den minen bar er mir ʒer losʒ
rehtt also eim diebe
vnd daʒ ich alleʒ daʒ vergosʒ
daʒ mir ie wartt ʒú liebe
er hatte mich senfftter wol getragen
nún loſsen wir in ligen
ich hab in ʒú dod erslagen
231v
Sú gingent ʒú den rossen hind an
vff sassent die ʒwen kien man
vnd rittent heim gon bernne
do wurdent sú wol enpfangen
also man firsten billich sol
vnd ſach man ſú do gernne
do clagetent sú ir vngemach
den rittern vnd ouch den frowen
vnd wie in ʒú wald beschach
vnd wie sú miestent hówen
von der aller grósten not
sprach hilttbrant der altte
Diʒ liett ein end e⟨h⟩att
lj blett

Citation Suggestion for this Object
TextGrid Repository (2020). Transkription der 'Sigenot'-Handschrift S2J (Berlin, Staatsbibliothek zu Berlin – Preußischer Kulturbesitz (SBB-PK), Ms. germ. qu. 768). Transkription der 'Sigenot'-Handschrift S2J. DFG-Projekt "'Sigenot'-Edition" (Universität Bremen, Leitung: Prof. Dr. Elisabeth Lienert). Lienert, Elisabeth. https://hdl.handle.net/21.11113/0000-000C-D8A7-4